Jeremías 48:2 - La'aqtaqa Ñim Lo'onatac 'Enauacna 2013

² Da llo'oxoyec ye Moab qalaq mashe imeuo. Ye Esbón maye mpa'aguenaxauapi yemaye, qalaq mashe lapaxañi nam lhuennataxacpi da yaqto' ye Moab imeuo na hueta'a shiỹaxauapi. Qaq 'am Madmena nataqa'en 'am dolachigui qome, cha'aye ca alaataxac saishet da 'am ỹaxaatac qome.

Jeremías 48:2 Referans Kwoze

Jeremías 31:36

«Da huo'o ca na'a'q da saipaiguilo naua lataxaco maye llapaxayiñi, nache que'eca na'a'q na Israel le'ecpi saishet qome da ỹalamaxatpi. Qaq 'era da ỹa'aqtac, Aỹem Nataxala'.

Isaías 16:14

Qalaxaye nagui detaqa Ñim Nataxala', 'eeta': «Qom ivildec naua tres vi'iye, maye 'eeta'ama naua vi'iye maye qoỹanema da do'onataxan ca 'onataxanaxaic, nache da la'amaqchec ye Moab qaiqaiga qome, qataq na'aictaxa da qalota na hueta'a shiỹaxauapi, qalaxaye saq 'amaqtache qataq qaica ca la'añaxa'c caua no'oirañi maye lca'alaxaiqa.»

Números 32:37

Qaq so maiche nalamaxat nhuo' le'ecpi maye chegoxoguet so Rubén, ỹe'eguelaxalec da nauaxaỹaxaasheguem co'ollaxa so huaqta'a't nỹecpi ye Jesbón, Elale, Quiriatayin,

Jeremías 49:3

¡Ña 'Auaquico qome 'am Hesbón, cha'aye ye Ai qailaxachigui qome! ¡Qanỹeñi qami' 'alpi maye qarmaye na Rabá! ¡Qaỹa'añiiyiñi naua nogo maye nasouaxaqui', qataq qanhuaxañeeta'alo naua qartoguelli'! ¡Qauachegoqỹañi qome qoñeeta'am aca huo'o da aloic, qataq qauque'emaqchichi da qaro'ocỹaxaqui! Cha'aye ñim atamnaxala' Milcón noxonec qome nache qaỹauega ca ỹaqa'a 'alhua caueegue' qanqa'en na ltaxaỹaxanaxanecpi qataq na 'amaqtaqaicpi shiỹaxauapi.

Jeremías 48:45

«Qaq huo'o qome na datauec qalaq qaica ca la'añaxac, nache jec da ỹe'eguena da deuaxaỹot ye Hesbón, qalaxaye ye Hesbón yem lalamaxat so nta'a Sijón yemaye ỹavictac qaq na norec nache nquictauec nache ivira'a da ỹavigaxat añi qasoxonaxa ye Moab, yem nhuo' le'ecpi maye 'oopaicpi.

Jeremías 48:42

Qaq ye Moab qailaxachigui qome, nache qaica qome na shiỹaxauapi, cha'aye yemaye dataỹa'aguet co'ollaxa Ñim Nataxala'.

Jeremías 48:17

Qaq qami' maye qarhuoreuai ye Moab qataq 'enauac qami' maye qauaỹachiñi da na'aqtaguec yemaye, qanỹeñiilec qome yemaye qataq, qoñiita': ‹¡Ña qauloỹa yemaye ỹataqta qailaxachigui da la'añaxac, yem ỹataqta 'añaxaic co'ollaxa qataq ỹo'oxoraic!›

Jeremías 46:28

'Am Jacob, maye 'am ỹamaxashec saishet qome da 'añi'i, cha'aye Aỹem 'am soota'aguet. Qaq 'era da ỹa'aqtac Aỹem Nataxala'. Qaq na'aictaxa da ñematchiguiñi qome nam ỹotta'a't shiỹaxauapi maye 'aỹa ñaqa'en co'ollaxa. Qalaxaye 'am saishet da 'am selaxachigui, nacherata da 'am serolec da nalochiguiñi lataxac da 'am ñimit. Qalaxaye saishet da sa sauo'o ca 'anhuaxanaguec.»

Jeremías 33:24

«¿Saishet peta'a da 'ananoma, da na shiỹaxauapi 'eetega sasaỹamaxare'n ne'enaua dos na nhuo' le'ecpi, Israel qataq Judá, maye Aỹem maiche lleca'agui'she co'ollaxa? ¡Qaq ỹoqo'oye da qailota'a ne'ena ỹalamaxat nhuo' le'ecpi, nache ỹataqta qaiqaiga, qataq saishet da qaỹamata'ac nhuo' le'ecpi!

Jeremías 25:17

Qaq aỹem sacona aso ỹomaxaqui maye nasoqta'a Ñim Nataxala', nache sanem da nỹomgui 'enauac na ỹotta'a't shiỹaxauapi maye Ñim Nataxala' aỹem ỹamaxa.

Jeremías 25:15

Ñim Nataxala' maye Natamnaxala' na Israel le'ecpi aỹem 'enapega, 'eeta': «Ña 'aumeten ana'ana ỹomaxaqui maye nlaqchigui na lataxa, maye naigui da inogoxonaxac. 'Auacona, nache 'aỹa'anem da yaqto' nỹomgui 'anqa'en 'enauac na ỹotta'a't shiỹaxauapi maye 'am samaxa qome.

Isaías 25:10

Da lhuaqỹaxac Ñim Nataxala' npaxaalec qome añi qasoxonaxa Sión, qalaxaye Ñimaye petapigui qome ye Moab 'eeta'am ca 'auaqpi da qaỹapetapigui da huetaigui ca lasogoñi.

Isaías 15:5

Añi iquiyaqte qalaq huo'o da lyaxa da huo'o ca itauan ye Moab, cha'aye na hueta'a yemaye datauec nache ivitta'a ye Sóar, qataq ivitta'a ye Eglat Selisiyá. Qataq nỹeetague' quetasheguemgue na loigue ye Luhit, qataq quetague' so nqa'aic maye taỹa'a ye Joronayin na'alaqtapiguiñi da nqui'ic souaxat dam qauem maye huaigui yemaye.

Isaías 15:1

Qaỹa'axata'a dam talec qome ye Moab. Qaq so pe maye huetoigui da qailaxachigui ye Ar, nache huetoigui nataqa'en da dolagui ye Moab, qataq so pe maye huetoigui da qailaxachigui ye Quir, nache huetoigui nataqa'en da dolagui ye Moab.

Jeremías 49:37

Aỹem so'ot qome da cholaxan ye Elam qom dataỹa'aguet na mpa'aguenaxauapi maye huotaique da ỹalauat, qataq ñamaxa qome ca lta'araic qauem, qataq talec ñaqa'en da ỹayeloxo yemaye, nache ñamaxa ca alaataxac, nache ivitta'a qome da imauec da nlachiguiñi. Qaq 'era da ỹa'aqtac Aỹem Nataxala'.