Jeremías 48:19 - La'aqtaqa Ñim Lo'onatac 'Enauacna 2013

¹⁹ Qaq 'am huaqta'a't nỹecpi Aroer, ñaq qoua'a qome na loigue na nqa'aic, nache 'aumeenaxan, qataq 'aunat nam lca'alaxaicpi da negue'to' dam qanayeuaigui.

Jeremías 48:19 Referans Kwoze

Deuteronómio 2:36

Qaq nache chegoqchiguiña ye huaqta'a't nỹecpi ye Aroer maye hueto'ot na loigue ye tala Arnón, qataq so huaqta'a't nỹecpi maye naleguete aye lcomaraxalatepi ivitta'a ye Galaad, qaica ca ỹañoxot da qomi' dataỹa'agueta, cha'aye Ñim Nataxala' maye Qanatamnaxala' qomi' ỹanema somayepi da qoroxonec.

1 Samuel 4:16

Nache se'eso ỹale da'aqtaxanem somaye, 'eeta': Aỹem cheta'ague da ñevireuo, sachegoqtauga ye alaataqa', cha'aye aỹem qoỹet. Nache so Elí inat somaye, 'eeta': ¿Ca 'eetec cam qanayeuaigui 'am ỹalcolec?

1 Crónicas 5:8

qataq so Bela, som llalec so Azaz, qataq laual so Semá, som llalec so Joel. Qaq so Bela netalec co'ollaxa ye Aroer, qaq so na'alhua somaye nache ivira'a ye Nebo qataq ye Baal Megón.

2 Samuel 24:5

Nache somayepi ỹa'axasoxoolec so tala Jordán, qaq co'ollaq ivira ye saqaỹapeque ye Aroer, nache hua'a yem pa'aỹa'ague da la'añaxa so huaqta'a't nỹecpi maye nangui ye ca'amapega't ye Gad, huaqta'ai' ye Jazer.

Números 32:34

Nache so maiche nalamaxatpi nhuo' le'ecpi maye chegoxoguet so Gad, qaltaq nauaxaỹaxaasheguem co'ollaxa so huaqta'a't nỹecpi ye Dibón, Atarot, Aroer,

Josué 12:2

Som Sijón maye lta'a so amorreopi maye naña ye Jesbón. Qaq som ilotague'pi somaye nache chegoqchiguiña so huaqta'a't nỹecpi ye Aroer, nache ivitta'a so loigue so tala Arnón, qataq chegoqchiguiña so laiñi so ca'amapega't, nache ivitta'a so tala Yaboc, maye chegoqchiguiña som na'alhuapi so amoniitapi.

Jueces 11:26

Qaq mashe ivi' naua trescientos vi'iye da sonaqtalec na Jesbón, qataq na Aroer qataq na lauoreuapi nma'piolec, qataq 'enauac na huaqta'a't nỹecpi maye ỹotta'a't naua nañalo maye hueto'ot na loigue so tala Arnón. Qalaq ¿ta'ainco' da sa qauanaqui co'ollaxa 'enauac se'esoua vi'iye da qauotaxañic namayepi?