Jeremías 48:18 - La'aqtaqa Ñim Lo'onatac 'Enauacna 2013

¹⁸ 'Am huaqta'a't nỹecpi Dibón, ñaq 'aunoteeguesop nam qoueta'a maye huo'o da llo'oxoyec, nache 'anso'onangui na 'alhua maye ỹataqta deqaqta, cha'aye nam ilaxachigui na Moab mashe 'am nayeeta'a da yaqto' ilaxachigui na 'arpaqtaxanaxatpi.

Jeremías 48:18 Referans Kwoze

Isaías 47:1

Ña 'aunotec 'am qa'añole Babilonia, maye saxanaqca ca 'arhua, nache 'anso'ongui na namoxoỹaxa, ña 'aunoteeguesop añi 'anso'onaxaqui 'am qa'añole Caldea, nache 'anso'onangui na 'alhua, cha'aye saishet qome da qaltaq qaỹe'eguelaxa da 'am qaỹamata'ac da 'am nogotole qataq da 'am 'onaxaale.

Números 21:30

Qomi', ỹataqta ñemataqchiguiñi da selaxataxagui, chegoqchiguiña ye Dibón nache ivitta'a ye Nofa, da ỹataqta nlachiguiñi ñaqa'enaq qataq ivitta'a ye Medeba.»

Isaías 15:2

Na shiỹaxauapi maye hueta'a ye Dibón, tasheguema ye natamnaqa' maye nalec na pa'asheguem, añi lcomaraxalate da yaqto' nỹen, qaq ye Moab qalaq huo'o da laquicoxo souaxat da qailaxachigui ye Nebo qataq ye Medeba. Nache 'enauac namayepi da namarec na lqaic qataq ana lqa' laue.

Jeremías 48:22

Dibón, Nebo, Bet Diblatayin,

Josué 13:17

qataq ivira'a ye Jesbón qataq 'enauac so huaqta'a't nỹecpi maye naña ye nalochiguiñi 'alhua ye Dibón, Bamot Baal, qataq ye Bet Baal Megón,

Ezequiel 19:13

Qaq nagui qalaq ñaxattalec qanqa'en ye toolec 'alhua, yem 'alhua maye deqaqta qataq qaica ca 'etaxat.

Isaías 5:13

Qaq ỹoqo'oye na ỹalamaxat nhuo' le'ecpi qaỹauega qome ca ỹaqa'a 'alhua souaxat da saishet da aỹem ỹauatton, 'enauac na nhuo' le'ecpi qataq na lataxala'pi ilem qome na lqouaxa qataq na laquip.

Jueces 15:18

Qaq cha'aye so Sansón ỹataqta ỹaguec na laquip, nache iỹaxanot Ñim Nataxala', 'eeta': «¿Ta'ainco' ye aỹem 'aỹa'anem da lta'araic ỹa'añaxac da sauegaxan, qaq nagui qalaq seleu souaxat na ỹaquip, qataq da aỹem ỹalauat nam ỹalleppi maye sa ỹa'amaqtenaxanaxauapi?»

Josué 13:9

Qaq se'eso qoỹanem 'alhua somayepi, nache chegoqchiguiña ye Aroer, maye naña so loigue so tala Arnón, qataq so huaqta'a't nỹecpi maye naña yem laiñi so ca'amapega't, qataq 'enauac som nalochiguiñi 'alhua ye Medeba, nache ivitta'a ye Dibón.

Números 32:3

Naua 'aleu', Atarot, Dibón, Jazer, Nimrá, Jesbón, Eleale, Sebán, Nebo qataq Beón,

Éxodo 17:3

Qalaxaye se'eso nhuo' le'ecpi ỹataqta huo'o na laquip, ỹoqo'oye 'eetega so Moisés, 'eeta': «¿Che ta'ainco' da qomi' 'anqateeguesopa co'ollaxa ye Egipto? ¿Choche qomi' 'aualaateque na qaraquip, qataq na qoyalaqpi qataq na qana'atetpi?»

Génesis 21:16

nache taỹa so qaỹata'a da nso'ooñi, cha'aye huotaique da saishet da ỹauaachigui da ileu somaye. Qaq asomaye co'ollaq mashe nso'ooñi, nache so nogotolec nỹeetac.