Jeremías 48:14 - La'aqtaqa Ñim Lo'onatac 'Enauacna 2013

¹⁴ Qaq qami' Moab le'ecpi, saishet qome da qoñeeta': ‹Qomi' qaramchiguilo, qomi' alaataxaicpi 'añaxaicpi.›

Jeremías 48:14 Referans Kwoze

Salmos 33:16

Ca nta'a saishet da deca'alligui ca qalota nalleppi, qataq na 'añaxaicpi saishet da deca'alligui da qalota la'añaxac.

Isaías 10:16

Qaq ỹoqo'oye Ñim Nataxala' maye Qaica ca Ỹaqalanapec qaica qome ca la'añaxac naqa'en nam ỹataqta 'añaxaicpi, qataq ỹo'ot da 'eroigui na lo'oc souaxat na le'eraxa ca napaxa.

Isaías 10:13

Cha'aye ñimaye 'enapec: «Nam so'otpi chegoqchigui da maiche ỹa'añaxac, qataq chegoqchigui da ỹaỹaanec cha'aye aỹem ỹaanataxanaxaic, qataq seuotaxanec nam na'alhuapi nam shiỹaxauapi, qataq sacona da lsallaxa namayepi, qataq sheeta'am cam 'añaxaic da ỹoxonec so nta'alpi.

Sofonías 2:10

Qaq 'era da nsheetenaguec qome na Moab le'ecpi qataq na Amón le'ecpi, souaxat da isheueetac na lalamaxat nhuo' le'ecpi Ñim Nataxala', qataq da na'amaqten da 'eetega saishet da 'eeta'am nam lalamaxatpi, Ñim Nataxala', maye Qaica ca Ỹaqalanapec.

Ezequiel 30:6

Da la'aqtac Ñim Nataxala', 'eeta': Cam itauan qome ye Egipto, nache ileuaigui ca alaataxac, chegoqchiguiña na lma' ye Migdol nache ivira'a ye Asuán. Da ño'oxoreetapigui la'añaxac ye Egipto damaye qaica qome ca la'amaqchec. Qaq 'era da san ỹa'aqtac Aỹem Nataxala'.

Jeremías 49:16

Dam 'año'oxonnaxac co'ollaxa, nachera da 'am ỹatenachet, cha'aye souaxat 'am ncolanaxat. Qataq qouetaigui na lpoxoỹaxapi na coma'pi, qoueta'a na ỹataqta qaỹoqotcheguemec qasoxonaxapi. Qalaxaye na'aictaxa da qaỹoqotcheguemec 'anqa'en ca 'arpata'c da qoneta'am ca vi'ic qalaxaye nache 'am sachegoxotchiguiña qome da 'am ñeqaañi. Qaq 'era da ỹa'aqtac Aỹem Nataxala'.

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Jeremías 8:8

Qalaq ¿ta'ainco' da qoñiitega qami' ỹaanaxanaxaicpi qataq da qami' hueto'oto nam lqataxacpi Ñim Nataxala'? ¡Ye nam neraxanaqpi maye deraxaatega na maỹo laue saq 'en nam ỹereñipi!

Isaías 16:6

Qomi' saỹaanaq da lta'araic ño'oxonnaxac ye Moab, da na'amqaanaxac, da napagaqaanaxac qataq da ño'oxonnaxac, qataq nam qaica ca naigui ltaxaỹaxacpi.

Eclesiastés 9:11

Qataq huo'o da lỹa sela'a ana'ana 'alhua, da saishet da nachena nam qayaqaicpi na dauegaxan da qomitaxac, qataq saishet da nachena nam 'añaxaicpi nam dauegaxan da huo'o ye alaataxac. Qataq da saishet da nache 'eetai' naxa da deque'etai' nam ỹaanaxanaxaicpi, qataq nam ỹaanataxanaxaicpi da nache hueto'ot da lsallaxa, qataq nam sanqalaate' da ltaxaỹaxac saishet da qaỹaỹamaxatta da qaỹaconeguet. Cha'aye 'enauac namayepi da huo'o ye na'a'q da nvita da no'on qataq da qauem.

Salmos 11:1

Ñim Nataxala' nacheñi Ñim ỹe'eguenaxala'. Qaq ỹoqo'oye qaica ca aỹem 'enapega, 'eeta': «'Aue, 'avi'iguena añi qasoxonaxa qoneta'am qome ca qoỹo.