Jeremías 48:12 - La'aqtaqa Ñim Lo'onatac 'Enauacna 2013

¹² Qalaxaye Ñim Nataxala' da la'aqtac, 'eeta': «Anacta ca na'a'q, da Aỹem ñamaq qome ca shiỹaxauapi da yaqto' icoyingui aca lỹa laỹe' ne'ena lataxa, qaq acam qui'itchigui laỹe'pi qalaq ilaxachigui qome.

Jeremías 48:12 Referans Kwoze

Nahúm 2:2

Cha'aye Ñim Nataxala' qaltaq ỹe'eguelaxata qome da llo'oxoyec so Jacob, da 'eeta'am naqa'en da llo'oxoyec so Israel, cha'aye nam huotaxanaxaicpi nhuo' co'ollaxa namayepi, nache 'eeta'am naqa'en ana nañiguishe uvapi da qui'itta'ague ana lcouepi.

Jeremías 48:38

«'Enauac na pa'asheguem na nỹecpi, qataq 'enauac na nqa'aicpi ye Moab, da nacherata da noinaxac qaỹa'aqtega, cha'aye Aỹem selaxachigui ye Moab, 'eeta'am ñaqa'en aca naco'oña da mashe qauem. Qaq 'era da ỹa'aqtac Aỹem Nataxala'.»

Isaías 30:14

qataq 'eeta'am aca ỹomaxaqui 'alhua, da ỹataqta imauec da dolachigui nache nam saq 'amaqtaq laỹepiolec qaica ca ishet da qaỹo'ogoxona da qoỹemaxaua'a aca poqo maye huetangui ca norec, huo'otaq da qoỹemaxana da qanqatsheguem ca 'etaxat da qaỹachegoxotangui aca nshere.»

Salmos 2:9

Nache 'aurolec qome aca 'arashelte lcat, da 'anlaxaañi na nta'alpi nache ỹataqta 'aulaxachigui, 'eeta'am 'anqa'en aca naco'oña 'alhua.»

Jeremías 48:15

Cha'aye mashe nayeetai' nam ilaxachigui qome ye Moab, qataq nam huaqta'a't nỹecpi maye ỹotta'a't na nañalo, qataq na no'on nsoxoppiolec qalaq ileu qome. Qaq 'era da la'aqtac Ñim Nta'a, maye le'enaxat Nataxala' maye Qaica ca Ỹaqalanapec.

Jeremías 48:11

Ye Moab nache 'eetai' naxa dam chegoqta'ague da huetaigui da l-lagaxayec, saỹauano' da qaỹauega ca ỹaqa'a 'alhua. 'Eeta'am ca lataxa maye saishet da qairaxanapigui' da qaicottangui ana ỹomaxaquipi, qaq ỹoqo'oye saishet da deqat da lamaicỹaxac qataq da no'on laitaỹaxac.

Jeremías 48:8

Qaq 'enauac qome na huaqta'a't nỹecpi maye ỹotta'a't naua nañalo qanlaxaañi, nache saishet da no'onañi ca 'oonolec namayepi. Ye ca'amegue qataq ye pa'asheguem nalochiguiñi 'alhua qalaq nlachiguiñi qome. Qaq 'era da ỹa'aqtac Aỹem Nataxala'.

Jeremías 25:34

¡Qami' qagueta lo'opi, ña qaua'alqai qome souaxat da qanqui'iqui! ¡Qami' maye qami' lataxala'ate ana qaguetapi ña qanviñiingui qome na 'alhua! Cha'aye mashe nvi' nam na'a'q maye huetoigui da nalaataxanaxac, qaq qami' nache qami' qaỹalaua't qome qoñeeta'am ca qagueta lhuaraicpi maye chaxaraicpi.

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.

Jeremías 19:10

Qaq qom ime da qonapec de'era, nache 'aulaxachigui aca naco'oña 'alhua ỹauaachigui 'anqa'en cam ỹalleppi maye 'annaictague',

Jeremías 14:3

Na sallaxanecpi qalaq ỹamaq naxa na lamaxashecpi da ilaique 'etaxat, nache namayepi taỹa ana laỹe'pi na 'etaxat, qalaxaye saỹanata, nache qui'itchiguilo naxa naua laco'oña da ỹe'eguelaq, nache saỹaỹaten ca 'eetec qataq nlaqchigui da la'aloxo, qataq ỹapoleguete naua lqaigo.

Isaías 16:2

Qaq na lma' ye Moab qalaq ỹa'axasoxoolec qome so tala Arnón, 'eeta'am ca qoỹo da qaỹo'oraxat, nache datauec ca'ai ca lpata'c.

Jeremías 48:13

Qaq huaña qome nache ye Moab, nomteguet da la'agaxa souaxat ñi Quemós, 'eeta'am na Israel le'ecpi co'ollaq nomteguet da la'agaxa souaxat so Betel maye ỹacheto'ot co'ollaxa da naquitaxac.