Jeremías 48:11 - La'aqtaqa Ñim Lo'onatac 'Enauacna 2013

¹¹ Ye Moab nache 'eetai' naxa dam chegoqta'ague da huetaigui da l-lagaxayec, saỹauano' da qaỹauega ca ỹaqa'a 'alhua. 'Eeta'am ca lataxa maye saishet da qairaxanapigui' da qaicottangui ana ỹomaxaquipi, qaq ỹoqo'oye saishet da deqat da lamaicỹaxac qataq da no'on laitaỹaxac.

Jeremías 48:11 Referans Kwoze

Sofonías 1:12

Qaq que'eca na'a'q qalaq sacona qome aca ncoỹaraxanaxaqui nache ñemit ye Jerusalén. Huaña nache sauo'o ca nhuaxanaguec nam shiỹaxauapi maye ỹe'emaqtac 'eeta'am na lataxa da qaica ca ldaxac, qataq 'enapec naxa: Ñim Nataxala' saishet da ỹo'ot ca no'on qalaxaye nataqa'en, saishet da ỹo'ot ca qauem.

Zacarías 1:15

Qaq ỹoqo'oye da ỹalemataic, 'eroigui da talec nam ỹotta'a't shiỹaxauapi maye qaica ca lhuogoxo, cha'aye co'ollaq ñaq saq 'amaqtaq da ỹayeloxo, nache namayepi nquigaxatec dam lle'etaxaloxo.

Nahúm 2:2

Cha'aye Ñim Nataxala' qaltaq ỹe'eguelaxata qome da llo'oxoyec so Jacob, da 'eeta'am naqa'en da llo'oxoyec so Israel, cha'aye nam huotaxanaxaicpi nhuo' co'ollaxa namayepi, nache 'eeta'am naqa'en ana nañiguishe uvapi da qui'itta'ague ana lcouepi.

Jeremías 48:29

Qomi' sauattonaqta da lta'araic ño'oxonnaxac ye Moab, da napagaqaanaxac, nachaqaanaxac, qataq da na'amqaanaxac.

Isaías 24:3

Nache ana 'alhua ỹataqta toolec qome qataq qaỹacona 'enauac na huetalec. Cha'aye nachera da la'aqtac Ñim Nataxala'.

Isaías 16:6

Qomi' saỹaanaq da lta'araic ño'oxonnaxac ye Moab, da na'amqaanaxac, da napagaqaanaxac qataq da ño'oxonnaxac, qataq nam qaica ca naigui ltaxaỹaxacpi.

Salmos 123:4

Qataq mashe ỹaguec da ñeque'eenaqtapigui da le'enaxanaxac na sallaxanecpi, qataq da lo'otanaxanaxac na ño'oxonnaxaicpi.

Salmos 55:19

Qaq Ñim Lo'onatac 'Enauacna ñim choche tatec da ilotague' 'enauacna, Ñimaye aỹem hua'axaỹa qome, nache huetaiya' naqa'en namayepi, cha'aye namayepi saishet da naralaxat de'era lataxac, qataq saishet da ñe'etega Ñim Lo'onatac 'Enauacna.

Jeremías 51:34

Ye Jerusalén maye hueta'a ye Sión, 'eeta': «Ñi nta'a ye Babilonia aỹem chec, qataq aỹem ilaxachigui, nache ỹo'ot da sheeta'am ca nquia'axaqui da qui'itchigui. Qataq 'eeta'am ca shiguiỹac lta'araic 'etaxat le'ec da aỹem iuoxonañi, nache ỹataqta nlaqchigui ñimaye da isallaxa maye aỹem hueto'ot co'ollaxa, qaq so laỹepi maye no'onañi qalaq ỹalat.

Isaías 25:6

Ñim Nataxala' maye Qaica ca Ỹaqalanapec huaña qome añi qasoxonaxa Sión da iqataxanai' da ỹo'ot da yaqto' ỹalegueua'a na ỹotta'at shiỹaxauapi ca nquia'axac da qanallec ca ỹataqta ama nallec, qataq qanỹomigui ca ỹataqta togoshaapec lataxa, qataq ca ỹataqta no'on nallec qataq cam ỹataqta no'on lataxa.

Proverbios 1:32

Na 'enaqaicpi qalaq maiche ỹalauat qome da ne'enaxac, ca qaica ca ỹaỹaana'a qalaq maiche ilaxachigui qome da qaica ca ỹoqocha'a,

Nahúm 2:10

Nache ye Nínive, qui'ita'ac, nlachiguiñi qataq toolec qanqa'en, qataq ñi'i da lquiyaqteỹaxac, iviloxo'l naua l-llecte, qaica ca la'añaxac, qataq napagaqtec da lasheguiỹaxac.

Jeremías 22:21

Aỹem 'am setaqtecot co'ollaq qouetaigui da qaica ca 'auena'a, qalaxaye 'am saishet da Aỹem 'ana'axaỹaxana. Qaq nache qoneta'ac de'era chegoqta'a co'ollaq saxanaxa da 'am ỹe, da saishet da Aỹem 'aualaxaguet!

Jeremías 48:12

Qalaxaye Ñim Nataxala' da la'aqtac, 'eeta': «Anacta ca na'a'q, da Aỹem ñamaq qome ca shiỹaxauapi da yaqto' icoyingui aca lỹa laỹe' ne'ena lataxa, qaq acam qui'itchigui laỹe'pi qalaq ilaxachigui qome.