Jeremías 47:6 - La'aqtaqa Ñim Lo'onatac 'Enauacna 2013

⁶ ¡'Agai, 'am maye 'am lainec Ñim Nataxala'! ¿chaq laguio' qaq 'anmatec? ¡Ñaq 'avi'eguelaxaigui na 'araỹe', ñaq 'anañaxaañi qataq 'añe'emaxat!

Jeremías 47:6 Referans Kwoze

Jeremías 12:12

Qaq 'enauac ana lcomaraxalatepi yem toolec 'alhua, da naỹa da nalec na qauemaicpi shiỹaxauapi, qalaxaye Aỹem Nataxala', huo'o na ỹainec maye ivira'alo qome naua loga'te ana 'alhua da ilaxachigui, qaq huaña nache qaica qome ca hueto'ot ca nlagaxayec.

Juan 18:11

Qalaxaye So Jesús 'enapego' so Pedro, 'eeta': –'Avi'eguelaxaañi na 'ainec, 'anshiiñi. Ñim Ita'a da Aỹem ipagaqaana'aguet da ñeque'eenaxac maye 'eeta'am da qanỹomigui ca deshenataxan, qaq ¿peta'a saisheto' da saigui damaxa?

Ezequiel 21:30

¡'Am ỹeelonec 'avi'eguelaxangui qome ca 'araỹe'! ¡Cha'aye yem 'alhua maye 'arañoqo' co'ollaxa, yem huaña co'ollaq 'am qanqassheguem, nache huaña qome da 'am ñemit!

Ezequiel 14:17

Qaq da ñamaxa ca alaataxac que'eca 'alhua, qataq da samaxasoxoolec da qaỹalauat na shiỹaxauapi qataq na shiguiỹacpi,

Jeremías 25:27

Qaq ime, nache aỹem 'enapega Ñim Nataxala', 'eeta': «Qonapega namayepi da, Aỹem Nataxala' maye Qaica ca Seqalanapec, maye Natamnaxala' na Israel le'ecpi, samaxalec namayepi da nỹomgui qome, nache ivitta'a da taxaicpi qataq noltañi, qataq hueta'aguet na 'alhua, nache saishet da ñisheguem, souaxat ca alaataxac maye ñamaxa qome namayepi.

Jeremías 15:3

Aỹem ñamaxa qome namayepi caua cuatro ỹotta'a't nhuaxanagueco: Qaỹalauat qome huaigui ca alaataxac qaq na pioxoppi ỹauogoleetac qome namayepi qataq na maỹopi maye chec na lapat qalaq chec qome namayepi qataq na huauec shiguiỹacpi chec qome namayepi. Qaq 'era da ỹa'aqtac Aỹem Nataxala'

Jeremías 12:4

¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Jeremías 4:21

¿Chaq laguio' qaq ime da selota'a ana na'anaxanaqtepi, qataq da sa'aqtega da l-lamaxa ana nasheerepi?

Isaías 10:15

Qaq ¿ishet peta'a aca qachepe da 'eetega ỹactec da la'amaqchec napacalec cam do'ogoxootega acamaye? Qataq cam nchegaxanaxat ¿napacalec peta'a cam dechegaxaatega camaye? ¡'Eeta'am aca nashelte, ye acamaye chochaq 'epaq qaq saishet da nachaca aca iraxaatapigui' cam shiỹaxaua maye ỹachetac acamaye!

Isaías 10:5

¡Ñim nta'a ye Asiria! Nacheñi ñim so'ogoxona qome 'eeta'am ñaqa'en ca 'epaq qom sauo'o ca iuaxanaxanaxac, qataq nacheñi ñim nashelte maye seuen qom salemata.

Salmos 17:13

Ñaq 'anachaañi qome 'Am Nataxala', ñaq 'anachaateguet namayepi nache 'auamaxañi, qataq 'auo'ogoxona ca 'ainec da aỹem 'anca'alaxateeguesop ne'ena qauemaicpi.

1 Crónicas 21:27

Huaña, nache Ñim Nataxala' 'enapega so lamaxashec piguem le'ec da ỹoxochigui so laỹe' so lainec.

2 Samuel 2:26

Nache so Abner ỹa'alaxalec so Joab, 'eeta': ¿Peta'a sa 'ausheto' da 'avia'axaneguet de'era nalaataxanaxac? ¿Peta'a sa 'auaỹateno' da 'enauac de'era taỹa'a da que'eenaxac? ¿Negue't ca 'auatta'a da sa qonapega na 'analleppi da a'aye, ỹaxaañi da icaatac na lqaỹañecpi?

Jueces 7:20

nache 'enauaque se'esoua tres lpa'axaco son alleppi, ỹataqta nalota't co'ollaq ỹashiiyigui aso lasheerepi, qataq ilaxat asom naco'oñapi. Qaq na ne'emaxashec lhuaq nasoqta'a aso lcoỹaraxanaqtepi, qaq na aloiguishec lhuaq qalaq nasoqta'a aso lasheerepi, nache ỹa'alaqtagui, 'eeta': «¡Seloquiaq! ¡Souaqta'aguet Ñim Nataxala' qataq da Gedeón!»

Jeremías 48:10

¡Ỹataqta qauem qome ca talec cam saishet da nasapattelec da ỹo'ot dam no'onataxanaxac maye damaxasoxoolec Ñim Nataxala'! ¡Ỹataqta qauem qome ca talec cam sa nashen da ỹalegueua'a da nalaataxanaxac!

Jeremías 50:35

Ñim Nataxala', 'eeta': «Qanalaate' qome ye Babilonia qataq nam lma' yemaye! ¡Nam lataxala'pi qataq nam ỹaanaxanaxaicpi maye hueta'a yemaye!

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!