Jeremías 47:4 - La'aqtaqa Ñim Lo'onatac 'Enauacna 2013

⁴ Cha'aye ivita ca na'a'q da qailaxachigui na filisteopi, qataq da qaỹacona da ntaunaguec maye ñaqauo'o yem Tiro qataq ye Sidón.» Aja', Ñim Nataxala' ilaxachigui qome na filisteopi qataq nam netalec añi ỹaqa'ata 'alhua maye le'enaxat Creta.

Jeremías 47:4 Referans Kwoze

Amós 9:7

Qaq Ñim Nataxala', 'eeta': «Qami' Israel le'ecpi, da qami' selota'alo nache ỹataqta qoñeeta'am na etiopepi. Qaq cha'aye co'ollaq qami' sachegoxota'alo ye Egipto, qaq nache 'eeta'am na filisteopi da sachegoxota'a ye Creta, qataq na arameopi da sachegoxota'a ye Quir.»

Isaías 20:6

Qaq que'eca na'a'q nache 'enauac qome na netaña yi'iye loigue, 'eeta': ‹Ña qauloỹa da ivireguet nagui yem ñaquitaqtalec naxa, yem seỹaxanaqtega naxa da qomi' itaua'n da yaqto' qomi' isoueeguesopa ñi nta'a ye Asiria. Qaq nagui ¿ca 'eeteco' da ñeca'alaxauec?›»

Deuteronómio 2:23

Qataq nachera da 'eetec nataqa'en co'ollaxa so filisteopi maye chegaqa'a co'ollaxa ye Creta da nmatchiguiñi so heveopi, maye nañalo naua lỹa't nma'ate maye lauoreu' ye Gaza, nache nalec yi'iye 'alhuapi.

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Ezequiel 21:29

Qaq nam lauanaqchecpi qalaq saq'en qataq naua la'aqtaxanaxaco qalaq choche ashepegaxanaxaco. Ca ỹeelonec qalaq ipelecot qome na lqosot nam qauemaicpi laataxanaxaicpi. Mashe saqaỹapeque ca laloqo' cam pa'atec nhuaxanaguec.

Ezequiel 21:25

Qaq 'am nta'a na Israel maye 'am laataxanaxaic, mashe 'am nayeeta'a ye laloqo' ca pa'atec 'anhuaxanaguec.

Ezequiel 7:12

Mashe ivita ye laloqo', mashe nvi' na na'a'q. Imeuo qome da lamaicỹaxac nam huo'o na imeetac qataq cam desheenaxatega na nmenecpi. Cha'aye Aỹem serolec qome da inogoxonaxac da sauo'o ca nhuaxanaguec da na'amqaanaxac na Israel le'ecpi.

Jeremías 46:10

Qaq que'eca na'a'q nacheca ca lalamaxat Ñim Nataxala' maye Qaica ca Ỹaqalanapec, que'eca na'a'q nache huaigui da ỹe'eguelaxateguet nam mpa'aguenaxauapi. Ca ỹeelonec qalaq qalota qome ca ỹalauat nache ivitta'a da nlaqtegue na ntago'q. Cha'aye Ñim Nataxala' maye Qaica ca Ỹaqalanapec ỹauo'o qome ca lta'araic lalaataxanaxac da huaña ye 'alhua maye pa'aigue da sheu' maye hueto'ot na loigue so tala Éufrates

Salmos 37:13

Qalaxaye Ñim Nataxala' daỹalleguettac, cha'aye ỹaỹaten da ne'ena qauemaicpi, mashe saqaỹapeque ca loga't.

Lucas 21:22

Cha'aye que'eca na'a'q laloxoqui da Ñim Lo'onatac 'Enauacna ỹauo'o ca nhuaxanaguec 'enauac na shiỹaxauapi, yaqto' ipacchiguilo naua 'ena'ape naua ñiyigui'she la'aqtaqa Ñim Lo'onatac 'Enauacna.

Ezequiel 30:8

Qaq qom ivita da so'ot da ỹavic yi'iye 'alhua, qataq da dolachigui nam itauan yemaye, huaña nache ỹaỹaten da Aỹem nachaỹem Nataxala'.

Ezequiel 25:16

Qaq ỹoqo'oye Aỹem Nataxala' shenapec: Ñauaxaỹaxaasheguem qome na ihuaq da sataỹa'aguet na filisteopi, ñematchiguiñi qome na cretensepi, qataq selaxachigui nataqa'en cam no'onañipi maye hueto'ot na loigue aso auaxai.

Isaías 31:8

Nache ye Asiria noxonec qome qairolec ca ỹeelonec, qalaxaye saishet da nacheca ca yo'oqchigui la'añaxac ca shiỹaxaua. Nam shiỹaxauapi qalaq dataueeguesop qome ca alaataxac, qalaxaye noxonec qome na nalleppi nsoxoppiolec nache qaỹauo'o nlatacpi,

Isaías 10:3

Qaq ¿hua'ago' ca 'eetec qom ivita da ỹaneuo da lo'onataxanaxac, qom ilota'aguet da ña qaỹoqteguet cam nhuaxanaguec namayepi? Qataq ¿negue't ca ỹe'eguenot da yaqto' itauan? Qataq ¿hua'ague qome ca ỹacha'ague da lsallaxa?

Da na'aqtaguec so Job 9:13

Ñim Lo'onatac 'Enauacna da dalemata, qalaq saishet da pasa'a da nañaxaañi, qaq na ltauapi so Rajab qalaq ỹa'atto'oto naua l-llecte Ñimaye.

1 Crónicas 1:12

patruseopi, casluhiitapi qataq som caftoriitapi, maye nacheso som chegoxoguetpi na filisteopi.

Josué 22:30

Qaq so ntaxaỹaxanaxanec Finés, qataq soua lataxala'ate so maiche nalamaxat nhuo' le'ecpi, maye nnaictagueto somaye, co'ollaq hua'aqchigui de'era la'aqtac so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, nache soomaye ỹataqta ỹaỹamaxareeta de'era.

Génesis 10:15

Qaq so Canaán, nacheso so lta'a so Sidón som hua'auchiguiñi llalec, qataq so Jet.

Isaías 14:31

¡Qanỹeñi qome qami' Filistea le'ecpi, qaua'alqai qome souaxat da qanqui'iqui, qataq qaviloxolli qome souaxat da qarcolanqai! Cha'aye da sheu' chegoqtegue na alleppi 'eeta'am ca napalñi lmala'q, nache namayepi qaica da 'oonolec ỹale ca huaỹoxouec.