Jeremías 47:3 - La'aqtaqa Ñim Lo'onatac 'Enauacna 2013

³ Qaq qom hua'axaỹa da nỹaanaxac na caipi, qataq da l-llimiaxa ana naigonapi, qataq da l-lamaxa ana lasaxannapi, nache na nta'alpi qaica qome ca la'añaxac, nache ỹalat na llalaqpi.

Jeremías 47:3 Referans Kwoze

Jeremías 8:16

¡Mashe anacta na qampa'aguenaxauapi! ¡Mashe dachemnaxaata'aguet na lalopi caipi, chegoqchiguiña ye Dan! Naxa da nỹen, nache cholaxan na 'alhua. Anac da nlaxaañi ne'ena 'alhua qataq 'enauac nam huetalec namaye, nam huaqta'a't nỹecpi maye ỹotta'a't na nañalo qataq nam hueta'a namayepi.

Jueces 5:22

¡Ỹataqta ala'm naua nna'ache so caipi! ¡Ỹataqta nỹateetagui so qayaqaicpi caipi!

Nahúm 2:4

Qaq ana laigonapi qalaq ỹaguec ana naloxo da quetague' na nqa'aicpi, nache cholaxan naqa'en nam naponaqa'pi, qaq da lataxac qalaq 'eeta'am ana ncoỹaraxanaqtepi da 'ettaigui, qaq ana naloxo 'eeta'am ca nqashelgaxa.

Jeremías 46:9

¡Ñaq jec qome nam netalec na caipi! ¡Ñaq jec qome ana naigonapi! Qataq jec qome na alaataxaicpi, nam alleppi maye lma' ye Etiopía qataq ye Libia ỹaatañi ana lpaqtaxanaqtepi, qataq jec qome na alleppi ye Lidia maye ỹaỹaten da do'ogoxona na checnec!

Apocalipsis 9:9

Qaq na lo'oc, qalaq npaxattalec na 'eeta'am ana alaataxaqui lcat, qaq da l-lamaxa naua laua't, qalaq 'eeta'am da l-lamaxa ana ỹataqta qalota naigonapi maye lauegaxala' na caipi da taỹa ca alaataxac.

Jeremías 50:42

Nachetac na lo'ogoxonaxat lchecnecpi qataq ana lataquiaxaipi, namayepi ỹataqta qauemaicpi qaica ca ichoxoreetac, da la'alaxac qalaq 'eeta'am da lauaxanaxa aso auaxai, namayepi anacta netalec na lalopi caipi. Ỹataqta lhuotta da iloquiaxan ye Babilonia.

Ezequiel 23:24

Qaq 'am naỹa qome namayepi, huota'a ana qalota naigonapi, qataq na alleppi, nache 'am coleesop qome, na'atchigui na lo'ogoxonaxatpi, qataq ỹaatañi ana naro'opi maye nalaataxaquipi, qataq ana lpaqtaxanaqtepi, qaq Aỹem sanem qome namayepi da 'am nmi't, qaq 'am nmit qome, do'ogoxona da maiche lataxac namayepi da huo'o ñi nmit.

Nahúm 2:8

Qaq ye Nínive, qalaq 'eeta'am aca laỹe' na 'etaxat da depoqogui nache ipaxanec na le'ec, qaq nache 'eetec da datauec 'enauac na lma' yemaye. Nache na'alaqtapiguiñi 'eeta': «¡Ña qoviỹa'aina! ¡Qañe'eguelaqai!» Qalaxaye qaica ca ñe'eguelaq.

Isaías 5:28

Aca lchecnapi qalaq ỹataqta ỹaxaraipi, qaq ca lchecnecpi qalaq ỹataqta ichegaxattelec. Aca naro'opi ca lalopi caipi qalaq 'eeta'am na coma', qaq naua lasaxanna acam laigonapi qalaq 'eeta'am ana daua'ache,