Jeremías 47:2 - La'aqtaqa Ñim Lo'onatac 'Enauacna 2013

² «Aỹem Nataxala', 'eeta', da ỹa'aqtac: Chegoxogue qome da sheu' ca ndep 'eeta'am so tala da ipaxaateguelec, nache ipaxaalec 'enauac na 'alhua qataq 'enauac nam huetalec namaye, nataqa'en nam huaqta'a't nỹecpi qataq nam netaigui namayepi, nache 'enauac nam netalec na 'alhua ỹa'alaqtagui qome, na shiỹaxauapi na'axannec qome da la'alaxac souaxat da nqui'ic.

Jeremías 47:2 Referans Kwoze

Jeremías 46:20

Na Egipto qalaq 'eeta'am aca 'onaxai huaca llale, qalaxaye chegaqa'ague qome da sheu' aca ncoga da inac.

Jeremías 8:16

¡Mashe anacta na qampa'aguenaxauapi! ¡Mashe dachemnaxaata'aguet na lalopi caipi, chegoqchiguiña ye Dan! Naxa da nỹen, nache cholaxan na 'alhua. Anac da nlaxaañi ne'ena 'alhua qataq 'enauac nam huetalec namaye, nam huaqta'a't nỹecpi maye ỹotta'a't na nañalo qataq nam hueta'a namayepi.

Jeremías 1:14

Qaq huaña nache Ñim Nataxala' aỹem 'enapega, 'eeta': «Chegoqtegue qome da sheu' da huecorec dam qauem da talec 'enauac nam netalec ne'ena 'alhua.

Apocalipsis 17:15

So namaxashec piguem le'ec nataqa'en aỹem 'enapega, 'eeta': «Ne'ena talapi maye 'aulota'a maye nso'ootalec añi 'alo maye quisheguetaxai, namayepi nachena na ỹotta'a't shiỹaxauapi maye ỹotta'a't na la'aqtacpi.

Apocalipsis 17:1

Nache so 'oonolec soua siete namaxa'she piguem lashe' maye lasoqta'alo soua siete ỹomaxaqui', somaye anac. Nache aỹem 'enapega, 'eeta': «'Aỹala, ñaq 'am sachaxana da nhuaxanaguec maye iuatta'aguet añim 'alo maye ỹataqta lta'araic da lquisheguetaxac maye nso'ooto'ot na loigue na qalota 'etaxat.

Santiago 5:1

Qaq nagui aỹem qana'axaỹaxañiỹa qami' sallaxanecpi: Qanỹeñi, qataq qana'alaqaitapiguiñi, souaxat da qanque'eenaxaqui maye mashe saqaỹaloq da qami' taleguete.

1 Corintios 10:28

Qalaxaye da huo'o ca qami' da'aqtaxanema, 'eeta': «Ne'ena lapat, mashe qoỹanot na qanatameetacotpi maye saq 'en qataq choche ne'enaqtacpi,» nache saishet da qolliqui, yaqto' saishet da qauque'emaqchichi da lhuennataxac cam qami' da'aqtaxanema, cha'aye qami' qaica ca 'eetec da qolliqui qalaxaye cam qami' da'aqtaxanema maye ishet da ique'emaqchet da lhuennataxac.

1 Corintios 10:26

Cha'aye ana 'alhua qataq 'enauac nam huetalec, namayepi lalamaxat Ñim Nataxala'.

Nahúm 1:8

qalaxaye nmichiguiñi naqa'en qome na npa'aguenaxauapi, 'eeta'am ca qapa'atteguet ndep da ỹache 'enauac na huetangui na llec, qataq Ñimaye 'eeta'am ca napalaxa da iviralec na npa'aguenaxauapi.

Daniel 11:22

Nache loxonec qome cam 'añaxaicpi maye dataỹa'aguet camaye, qataq nataqa'en ỹalauat qome cam nataxala' maye naỹamaxate' co'ollaxa.

Jeremías 48:39

Qanỹeñiilec qome ye Moab, cha'aye yemaye nlaqaalec da lchec, ye Moab ỹe'eguelaxague da chegaqa'ague ỹachetec da la'agaxa, nache na lauoreuapi ỹe'eguelaxa da deqaiga qataq saisheteguet yemaye.

Jeremías 46:13

Ñim Nataxala' detaxaỹot so na'aqtaxanaxanec Jeremías, co'ollaq so Nabucodonosor maye nta'a ye Babilonia, jec da iloquiaxan ye Egipto, 'eeta':

Isaías 59:19

Qaq 'enauac qome ana 'alhua, chegoqchiguiña da nala' lliguisheguem, nache ivira'a da nala' lliguiñi, da huo'o naq 'enec naqa'en Ñim Nataxala' qom ila'a da la'amaqchec, cha'aye Ñimaye qom anac qalaq 'eeta'am aso tala da ỹa'auat, souaxat da ỹasheerelec na la'at maye huo'o da la'añaxac.

Isaías 28:17

Qaq qom ño'oxoosheguem que'eca nỹec, nache so'ogoxona da nalochiguiñi lataxac qataq da no'on lataxac.» Qaq dam natenataxanaxac maye qavi'eguiñiỹoigui co'ollaxa, qalaq ilaxachigui qome aca lache, qataq ca 'etaxat nlaxagui qome naqa'en ca qanqañoxotaqa'ai.

Isaías 22:1

Da na'aqtac da qaỹa'axata'a so ca'amegue maye huaña so nauanaqchec: ¿Ta'ainco' ye 'enauac da qoñeeta da qa'aisheguema na l-laq na nỹecpi?

Isaías 15:8

Cha'aye da noinaxac ivira'alo naua loga'te ye 'alhua Moab, qataq da na'alaxac ivira'a ye Eglayin qataq ye Ber Elim.

Isaías 14:31

¡Qanỹeñi qome qami' Filistea le'ecpi, qaua'alqai qome souaxat da qanqui'iqui, qataq qaviloxolli qome souaxat da qarcolanqai! Cha'aye da sheu' chegoqtegue na alleppi 'eeta'am ca napalñi lmala'q, nache namayepi qaica da 'oonolec ỹale ca huaỹoxouec.

Salmos 98:7

Ỹataqta dauaxan qome aso auaxai qataq 'enauac na huetangui asomaye, ana 'alhua qataq 'enauac na netalecpi anamaye.

Salmos 96:11

Qaq machiguiñi qome na piguem qataq ana 'alhua, qataq dauaxan qome aso auaxai qataq 'enauac na huetangui asomaye.

Salmos 50:12

Qaq da huo'otaq seqouat qalaq saishet da 'am seỹaxaatacot, cha'aye maiche ỹalamaqte ana 'alhua, qataq 'enauac na huetalec anamaye.

Salmos 24:1

Ñim Nataxala' lalamaqte 'enauac ana 'alhua, qataq 'enauac nam huetalec anamaye, qataq nam netalecpi anamaye.

Jeremías 6:22

Ñim Nataxala' 'eeta', da la'aqtac: «Yem qaỹoqta 'alhua maye pa'aigue da sheu', mashe naỹamaxattac da anac yem shiỹaxauapi maye 'añaxaicpi.

Jeremías 46:12

Nam ỹotta'a't shiỹaxauapi mashe ỹaỹaten da qaica ca qara'amaqchiqui qataq imauec ana 'alhua da qaỹa'aqtega da qara'alaxaqui, ñi 'oonolec nam alaataxaicpi qalaq ỹe'egueetega't ca maiche lỹa, nache 'enauac da huañi hueta'aguet na 'alhua.»

Jeremías 46:24

Qaq ye Egipto, qaica ca 'enec qome, nache nam shiỹaxauapi maye chegoxogue da sheu' loxonec qome.»