Jeremías 47:1 - La'aqtaqa Ñim Lo'onatac 'Enauacna 2013

¹ Qaq 'era da la'aqtac Ñim Nataxala' maye ỹanem so na'aqtaxanaxanec Jeremías, da ỹa'axata'a dam 'eetec qome na filisteopi, co'ollaq so faraón saxanaxa da iloquiaxan ye Gaza, 'eeta':

Jeremías 47:1 Referans Kwoze

Jeremías 25:20

qataq nam chegaqauec shiỹaxauapi maye hueta'a yemaye, qataq 'enauac na nta'alpi ye 'alhua Us, qataq hueta'a ye na'alhua na Filisteopi: yem Ascalón, Gaza, Ecrón qataq nam no'onañi ye Asdod,

Génesis 10:19

Qaq so na'alhua so cananeopi nquictauec, chegoqchiguiña ye Sidón, nache ivitta'a ye 'alhua Gerar qataq ye Gaza, qataq dataigue da pa'aigue ye Sodoma, Gomorra, Adma, qataq ye Zeboyin, nache ivira'a ye Lasa.

1 Reyes 4:24

Qaq so Salomón imauec da ilotague' yi'iye 'alhua, yem pa'aigue da nala' lliguisheguem so tala Éufrates, chegoqchiguiña ye Tifesaj, nache ivitta'a ye Gaza. Qaq ỹataqta huo'o da nlagaxayec 'enauac yi'iye 'alhua.

Isaías 14:29

Qami' Filistea le'ecpi saishet qome da qantoñiitapigui', da qoñeetega mashe huacaigui so pon maye qami' qairotegalo naxa da qami' qaiuaxaata'ape, cha'aye yem chegoqchiguiña so na'araxanaq, nache chegoqchiguiña qome ca lỹa na'araxanaq, qaq camaye ỹactec qome, cha'aye camaye huaỹo qome.

Ezequiel 25:16

Qaq ỹoqo'oye Aỹem Nataxala' shenapec: Ñauaxaỹaxaasheguem qome na ihuaq da sataỹa'aguet na filisteopi, ñematchiguiñi qome na cretensepi, qataq selaxachigui nataqa'en cam no'onañipi maye hueto'ot na loigue aso auaxai.

Joel 3:4

Qami' Tiro, Sidón qataq Filistea le'ecpi, ¿negue't ca qoñeetapeguec da sheeta? ¿Peta'a qansheetaique da aỹem qavi'iguelaxachiỹa'aguet? Qaq da nache qoñeetec de'era, nache aỹem sa ñaỹaloxon qome da qami' taleguete ñaqa'en ca qanhuaxanaguiiqui.

Ezequiel 25:15

Aỹem Nataxala', shenapec: Na filisteopi ipalaique lvi' co'ollaxa souaxat da ỹataqta ỹapacauec da lquiỹaxa ye Judá. Nache ilaxachigui souaxat da nache 'eetai' da chegoqta'ague da npa'agueetague'.