Jeremías 46:8 - La'aqtaqa Ñim Lo'onatac 'Enauacna 2013

⁸ Qaq nachena na Egipto na nquictasheguem, 'eeta'am ca 'etaxat da npaxanec nache qaica ca iren. Na Egipto 'enapec naxa: ‹Ñequictasheguem qome nache semattalec ana 'alhua, qataq selaxachigui qome na huaqta'a't nỹecpi, qataq nam netaiguipi namayepi.›

Jeremías 46:8 Referans Kwoze

Ezequiel 32:2

«'Auo'on de'era no'onec maye lataxaua da huo'o ca ileu, da 'auo'onaxaalec ñi faraón ñim nta'a ye Egipto, qoneta': 'Am qoneta'am ca llon da 'aualectaigui na ỹotta'at shiỹaxauapi, qoneta'am ca shiguiỹac lta'araic 'etaxat le'ec: 'anapaloqnaxaateguesheguem da qouetangui so 'aralamaxat tala naua 'arapia'ate qalaq imalaxat na 'etaxat qataq deqaqa naqa'en na talapi.

Ezequiel 29:3

Qoneta': 'Era da la'aqtac Ñim Nataxala', 'eeta': Aỹem ñechoxot da 'am ñepa'aguenaxaua, 'am faraón maye 'am nta'a ye Egipto, 'am shiguiỹac lta'araic maye 'annaatangui aso tala nache qoneta', naxa: Na tala Nilo maiche ỹalamaxat, aỹem ỹo'onatac.

Daniel 11:10

Qalaxaye caua llalqa cam nta'a maye lma' da sheu', naỹamaxa't qome da yaqto' ỹo'ot ca alaataxac, nache laỹona't cam qalota nalleppi. Nache ca 'oonolec caamaye lỹatac qome ca nalleppi da iloquiaxan da yaqto' deuotaxanec ye 'alhua maye pa'aigue da taguiñi, nache ỹataqta ilaxachigui 'enauac dam tata'ague, 'eeta'am ca tala da ipa'axanec, ime qome nache qaltaq ỹe'eguelaxalec da iloquiaxan nache iviraua'a cam qampaxattaua'a nỹec maye lalamaxat ca nta'a maye lma' da taguiñi.

Amós 8:8

Qaq ¿peta'a saishet qome da cholaxan ana 'alhua souaxat de'era? Qataq ¿peta'a saishet da nỹen qome na shiỹaxauapi maye netalec anamaye? Qom nquiguisheguem qataq nquiguiñi ana 'alhua, 'eeta'am na 'etaxat so tala Nilo.