Jeremías 46:7 - La'aqtaqa Ñim Lo'onatac 'Enauacna 2013

⁷ ¿Negue't nam 'ena maye nquictasheguem, 'eeta'am so tala Nilo, 'eeta'am ca 'etaxat da npaxanec, nache qaica ca iren?

Jeremías 46:7 Referans Kwoze

Jeremías 47:2

«Aỹem Nataxala', 'eeta', da ỹa'aqtac: Chegoxogue qome da sheu' ca ndep 'eeta'am so tala da ipaxaateguelec, nache ipaxaalec 'enauac na 'alhua qataq 'enauac nam huetalec namaye, nataqa'en nam huaqta'a't nỹecpi qataq nam netaigui namayepi, nache 'enauac nam netalec na 'alhua ỹa'alaqtagui qome, na shiỹaxauapi na'axannec qome da la'alaxac souaxat da nqui'ic.

Daniel 11:22

Nache loxonec qome cam 'añaxaicpi maye dataỹa'aguet camaye, qataq nataqa'en ỹalauat qome cam nataxala' maye naỹamaxate' co'ollaxa.

Apocalipsis 12:15

Qaq se'eso shiguiỹac leguemaxaic iquetetec na 'etaxat chegaqaigui na alap, qaq nache chegoqchigui da huo'o so tala da huotaique da huaỹoxon naqa'en asa'aso 'alo.

Amós 8:8

Qaq ¿peta'a saishet qome da cholaxan ana 'alhua souaxat de'era? Qataq ¿peta'a saishet da nỹen qome na shiỹaxauapi maye netalec anamaye? Qom nquiguisheguem qataq nquiguiñi ana 'alhua, 'eeta'am na 'etaxat so tala Nilo.

Daniel 9:26

Qaq qom inoxoorec caua sesenta y dos semanas, nache qanqat da nachaalataxac cam nataxala' maye nca'aguishec. Nache ye Jerusalén qataq añi atamnaxaqui ilaxachiguilo qome cam shiỹaxauapi maye nalleppi cam nta'a maye anac qome. Qaq ỹataqta nque'elaxatta qome que'eca loga't, 'eeta'am da lviraxac ca ndep. Qataq huo'o qome ca nlaqtaxanaxac qaq camaye vi'iiguet qom ime ca alaataxac.

Isaías 63:1

Negue't ne'ena maye chegaqa'a ye Bosra yem 'amaqtaqaic huaqta'a't nỹecpi ye Edom ỹaatrañi naua alogo togaxaraiqa, qataq qashelectrapiguiñi naua alogo qataq ỹataqta chaqaic da lqueuoxoc. Nachaỹem, maye sa'axatta'a ca nauegaxanaxac, qataq Aỹem 'añaxaic da seca'alaqtaxan.

Cantares 8:5

¿Chaq negue't ana chegoqtelec na toolec 'alhua, hua'aqtalec na lallac na lauotaxat? Hua'asop aso nañiguishe manzano da sa salemaxat na 'aro'ochaxa, yem huaña caillaye da aso 'arate'e nanomteguet da naỹallaxa, nache huaña co'ollaxa da 'am ñiguiñi.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Ezequiel 32:2

«'Auo'on de'era no'onec maye lataxaua da huo'o ca ileu, da 'auo'onaxaalec ñi faraón ñim nta'a ye Egipto, qoneta': 'Am qoneta'am ca llon da 'aualectaigui na ỹotta'at shiỹaxauapi, qoneta'am ca shiguiỹac lta'araic 'etaxat le'ec: 'anapaloqnaxaateguesheguem da qouetangui so 'aralamaxat tala naua 'arapia'ate qalaq imalaxat na 'etaxat qataq deqaqa naqa'en na talapi.

Daniel 11:10

Qalaxaye caua llalqa cam nta'a maye lma' da sheu', naỹamaxa't qome da yaqto' ỹo'ot ca alaataxac, nache laỹona't cam qalota nalleppi. Nache ca 'oonolec caamaye lỹatac qome ca nalleppi da iloquiaxan da yaqto' deuotaxanec ye 'alhua maye pa'aigue da taguiñi, nache ỹataqta ilaxachigui 'enauac dam tata'ague, 'eeta'am ca tala da ipa'axanec, ime qome nache qaltaq ỹe'eguelaxalec da iloquiaxan nache iviraua'a cam qampaxattaua'a nỹec maye lalamaxat ca nta'a maye lma' da taguiñi.