Jeremías 46:6 - La'aqtaqa Ñim Lo'onatac 'Enauacna 2013

⁶ ¡Nam ỹataqta qayaqaicpi qalaq saỹañoxot da datauec, nam ỹataqta 'añaxaicpi qalaq saỹañoxot da naneltaxan! Qaq huaña na pa'aigue da sheu' maye hueto'ot na loigue so tala Éufrates, da pogolaxaañi nache huañi.

Jeremías 46:6 Referans Kwoze

Daniel 11:19

Qaq huaña qome, nache que'eca nta'a ỹe'eguelaxa ca qanpaxattaua'a nỹecpi maye naña ca maiche na'alhua, qalaxaye camaye huo'o qome ca ivireguet cam ỹo'ot da deqat da nachaalataxac, qaq huaña qome, nache saishet da qaltaq qaỹaỹaten ca 'eetec camaye.

Jeremías 46:12

Nam ỹotta'a't shiỹaxauapi mashe ỹaỹaten da qaica ca qara'amaqchiqui qataq imauec ana 'alhua da qaỹa'aqtega da qara'alaxaqui, ñi 'oonolec nam alaataxaicpi qalaq ỹe'egueetega't ca maiche lỹa, nache 'enauac da huañi hueta'aguet na 'alhua.»

Jeremías 50:32

Qami' ỹotta'a't shiỹaxauapi maye qaica ca qanỹeñi, qaupogolaxañiiñi qome nache qoviỹañi, nache qaica ca qami' naviguiyeshegue'm. Aỹem savigaxat qome 'enauac na 'aralamaxat huaqta'a't nỹecpi maye ỹotta'a't naua nañalo, qaq que'eca norec nlaxatchiguiñi qome 'enauac nam 'am coleesoppi.

Jeremías 46:16

Na 'analleppi qalaq pogolaxaañi, nache huañi, nache ñi 'oonolec 'eetega ñi lỹa, 'eeta': ¡Qolaqa'ai qome ne'ena, nache she'eguelaxasaxa ye qana'alhua, yem 'alhua maye maiche qarañoqo' co'ollaxa! ¡Sataxaueguesop da alaataxac maye qaica ca qairen!

Jeremías 46:10

Qaq que'eca na'a'q nacheca ca lalamaxat Ñim Nataxala' maye Qaica ca Ỹaqalanapec, que'eca na'a'q nache huaigui da ỹe'eguelaxateguet nam mpa'aguenaxauapi. Ca ỹeelonec qalaq qalota qome ca ỹalauat nache ivitta'a da nlaqtegue na ntago'q. Cha'aye Ñim Nataxala' maye Qaica ca Ỹaqalanapec ỹauo'o qome ca lta'araic lalaataxanaxac da huaña ye 'alhua maye pa'aigue da sheu' maye hueto'ot na loigue so tala Éufrates

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.

Jeremías 20:11

Qalaxaye 'am Nataxala', aỹem qoueta'aguet qoneta'am ca alaataxaic maye saqanauec, nam aỹem icaatacpi qalaq huañi qome, nache saishet da aỹem loxonec, namayepi saipac qome cam 'eetapeguec, nache huo'o da la'aloxo, nache chochaq tatec qome da ne'enaguec qataq saishet da qaicoua'ai.

Jeremías 6:1

Qami' maye qauachegoqoiguet so Benjamím, ¡qanqañoxochiiñi qome qoquiỹa'ai na Jerusalén! Qauashiiyigui ana qarasheerei qom huaña ye Tecoa, qataq qaỹa'añiỹasheguem aca qara'anaxanaqchi da huaña ye Bet Haqueren, cha'aye chegaqa'ague qome da sheu' ca lta'araic qauem qataq cam ilaxachigui 'enauacna.

Jeremías 4:6

Qauachaxañiisheguem aca qara'anaxanaqchi qaloxonaxañiitegue da pa'aỹa'ague ye Sión, ime nache qauataiuec, saishet da huo'o ca qauacheeta'a, da qanmichiỹaique ca qaye'eguenaqa'ai. Cha'aye Aỹem sachegoxota'ague qome da sheu' da ñanacot ca ỹataqta qauem qataq cam lta'araic maye ishet da delaqtaxan.

Jeremías 1:14

Qaq huaña nache Ñim Nataxala' aỹem 'enapega, 'eeta': «Chegoqtegue qome da sheu' da huecorec dam qauem da talec 'enauac nam netalec ne'ena 'alhua.

Isaías 8:15

Nache qalota qome ca pogolaxaañi, huañi qataq ileu, qataq qalota ca loxonec aca qoina, qaq huaña nache netaigui acamaye.»

Eclesiastés 9:11

Qataq huo'o da lỹa sela'a ana'ana 'alhua, da saishet da nachena nam qayaqaicpi na dauegaxan da qomitaxac, qataq saishet da nachena nam 'añaxaicpi nam dauegaxan da huo'o ye alaataxac. Qataq da saishet da nache 'eetai' naxa da deque'etai' nam ỹaanaxanaxaicpi, qataq nam ỹaanataxanaxaicpi da nache hueto'ot da lsallaxa, qataq nam sanqalaate' da ltaxaỹaxac saishet da qaỹaỹamaxatta da qaỹaconeguet. Cha'aye 'enauac namayepi da huo'o ye na'a'q da nvita da no'on qataq da qauem.

Salmos 27:2

Na qauemaicpi maye ñepa'aguenaxauapi, naxa da anac da yaqto' aỹem iloquiaxan qataq aỹem nlaxaañi, nache namayepi maiche quia'aqñi, qataq huañi.

Daniel 11:22

Nache loxonec qome cam 'añaxaicpi maye dataỹa'aguet camaye, qataq nataqa'en ỹalauat qome cam nataxala' maye naỹamaxate' co'ollaxa.

2 Reyes 23:29

Qaq se'esoua na'axa'te, som faraón Necao, maye nta'a ye Egipto, taỹa co'ollaxa so tala Éufrates da itauan so nta'a ye Asiria. Qaq so nta'a Josías, ca'ateguet co'ollaxa somaye da iloquiaxan, qalaxaye so Necao dataỹa'aguet somaye huaña ye Meguido, nache ỹalauat.

2 Reyes 24:7

Huaña, nache so nta'a ye Egipto, saishet da qaltaq ỹe'eguelaxa da huenoxonec da ca'ai ye na'alhua, cha'aye so nta'a ye Babilonia, loxonec 'enauac som lalamaxatpi co'ollaxa somaye, chegoqchiguiña som la'auaxac ye Egipto, nache ivitta'a so tala Éufrates.