Jeremías 46:4 - La'aqtaqa Ñim Lo'onatac 'Enauacna 2013

⁴ ¡Qauo'ocheelec na caipi! ¡Nache qaunocheelec namayepi! ¡Qaỹa'añiiñi ana alaataxaquipi aro'o, nache qanaloiñi! ¡Qaqueuoqui ana taquiaxaipi! ¡Qataq qaỹa'añiiñi ana npaqtaxanaqtepi!

Jeremías 46:4 Referans Kwoze

Jeremías 51:3

¡Ña ỹaỹamaxaañi na lchecnecpi na checna lo'opi! ¡Qataq ỹaañi ana ltogue lapoqtepi! ¡Qalaxaye saishet qome da qauchoxoyiñi na nsoxoppiolec maye lma' ye Babilonia, qataq qaulaxachiigui qome 'enauac na nalleppi!

Ezequiel 21:28

'Am shiỹaxaua, 'auachegoxotchigui da ỹe'enaxat da 'aua'aqtaxanem da ỹa'aqtac na Amón le'ecpi maye isheueetac naxa na Israel le'ecpi, da ca ỹeelonec mashe qanqateeguesop ca laỹe': mashe lhuotta da qaỹalaataxana, qataq qashelecteguiñi da yaqto' chegaqaigui ca nqashelgaxa, nache ilaxachigui nam huo'o.

Nehemías 4:16

Qaq huaña se'eso na'a'q, nache seỹoracache so ñalleppi, huo'o so do'onataxaatac ñaqa'en, qaq so laỹepi qalaq ỹauota'a so lo'ogoxonaxat, taquiaxai, lpaqtaxanaqte, lchecnec qataq aso ltogue lapoqte. Qaq so nataxala'pi ỹataqta ỹa'añaqchettac 'enauac so shiỹaxauapi maye lma' ye Judá,

2 Crónicas 26:14

Nache so Uzías ỹo'ot aso mpaqtaxanaqtepi, taquiaxaipi, aro'opi, ntogue lapoqtepi, nchecnecpi, qataq so npocnaxanaxatpi da yaqto' ỹanem 'enauac se'eso alleppi.

1 Samuel 17:38

Ime, nache so Saúl no'otaxanaxan co'ollaxa so David, ỹanaxanaxaanguilo soua maiche nalaataxaqui' alogo somaye, qataq aso naro'o ima'a't bronce, qataq ỹanaxanaxaangui so lapoxot ana ltogue maye nalaataxaqui.

1 Samuel 17:5

Qaq somaye ỹaatañi co'ollaxa aso naro'o lcat bronce, qataq so nhuomaigui lpaqtaxat ana ltogue maye chegaqaigui nataqa'en na bronce, maye ivi' cincuenta y cinco kilos.

Jeremías 51:11

Ñim Nataxala' huotaique da ilaxachigui ye Babilonia, nache nquetoxon na nta'alpi ye Media nache ỹanem de'era lhuennataxac. Qaq 'era da lvi' Ñim Nataxala' souaxat dam qaỹo'otec co'ollaxa aso lalamaqte atamnaxaqui. ¡Qauaỹamaxachiiñi ana checnapi! ¡Qataq qauaỹamaxachiiñi ana mpaqtaxanaqtepi!

Joel 3:9

Qaq ỹataqta qaua'aqtaxañim qome de'era nam ỹotta'a't shiỹaxauapi, qataq qaua'axache qome da huo'o ca alaataxac, nache qoñiỹapega da anac qome na 'añaxaicpi, qataq naỹamaxat qome da yaqto' nalat 'enauac nam ỹalleppi maye ỹataqta alaataxaicpi.

Isaías 8:9

Qalapoñiỹa't qami' ỹotta'a't shiỹaxauapi, maye qami' nlaqchiguilo da qarcolanaqai, qana'axaỹaxañiỹa qome de'era qami' maye qauachegoqỹa'a na qaỹoqta 'alhuapi: na'aictaxa da qauacoñiỹa ca qaro'ogoxonaxache qalaxaye nache 'ena'am qami' qaiquichoqche't qome, aja', na'aictaxa da qauacoñiỹa ca qaro'ogoxonaxache qalaxaye nache 'ena'am qami' qaicolanaqche't qome.

Jeremías 46:14

«Qaua'aqtaxañim ye Egipto, qataq ye Migdol, ye Menfis qataq ye Tafnes, qoñiita': ¡Ña qanaỹamaxache, nache qami' lhuotte' qome! ¡Cha'aye na ỹeelonec mashe anacta da qami' ilaxachiguilo!