Jeremías 46:12 - La'aqtaqa Ñim Lo'onatac 'Enauacna 2013

¹² Nam ỹotta'a't shiỹaxauapi mashe ỹaỹaten da qaica ca qara'amaqchiqui qataq imauec ana 'alhua da qaỹa'aqtega da qara'alaxaqui, ñi 'oonolec nam alaataxaicpi qalaq ỹe'egueetega't ca maiche lỹa, nache 'enauac da huañi hueta'aguet na 'alhua.»

Jeremías 46:12 Referans Kwoze

Jeremías 46:6

¡Nam ỹataqta qayaqaicpi qalaq saỹañoxot da datauec, nam ỹataqta 'añaxaicpi qalaq saỹañoxot da naneltaxan! Qaq huaña na pa'aigue da sheu' maye hueto'ot na loigue so tala Éufrates, da pogolaxaañi nache huañi.

Jeremías 14:2

«Ye Judá nỹeetac souaxat da laquicoxo, na huaqta'a't nỹecpi maye ỹotta'a't naua nañalo qalaq qaica ca la'añaxac, na shiỹaxauapi qalaq huetaiya' hueta'aguet na 'alhua. Ye Jerusalén qalaq qaỹa'atega da la'alaxac souaxat da nqui'ic.

Isaías 19:2

Ñim Nataxala', 'enapec. «Aỹem so'ot qome da colaxagui ye Egipto le'ecpi, ñi 'oonolec qalaq delogui' qome ca lỹa, ye auochaxauapi qalaq maiche delogoỹa't, yem hueta'a ye huaqta'a't nỹecpi qalaq delogui' qome yem hueta'a ye lỹa huaqta'a't nỹecpi, ye nta'alpi qalaq nataqa'en maiche delogoỹa't qome.

Sofonías 1:10

Ñim Nataxala', 'eeta': «Que'eca na'a'q qaỹa'axaỹa qome ca na'alaxac, da qaiỹaxanaique ca ntaunaxanaxac, huaña ñim ñegueuo maye le'enaxat Nỹaq, qataq cam na'alaxac maye chemaxaña ñi lỹa lasom, qataq huo'o qome ca lta'araic l-lamaxa cam hua'axañi chemaxaña añi lcomaraxalate.

Jeremías 51:54

Chegoqchiguiña ye Babilonia da na'alaxac souaxat da qui'ic, chegoqchiguiña ye na'alhua na caldeopi da lta'araic nllimiaxa.

Jeremías 49:21

Qaq qom nlaguiñi ye Edóm, nache ỹataqta lta'araic ca l-lamaxa, nache ỹacholaxan qome ana 'alhua, huaña nache na'alaqtapiguiñi qome da iỹaxaataique ca ntaunaguec, qaq da la'alaxac ivira'a qome aso Auaxai Togaxarai.

Jeremías 48:34

Na shiỹaxauapi ye Hesbón qalaq ỹa'alaqtac souaxat da nqui'ic, qaq da la'alaxac qalaq ivira'a ye Eleale qataq ye Jahas. Qataq chegoqchiguiña ye Sóar, nache ivira'a ye Joronayin qataq ye Eglat Selisiyá, cha'aye ivira'a ana 'etaxat laỹe'pi ye Nimrín da deqaqta.

Isaías 10:4

Da saishet qome da nman nache qaỹauec da qaicoñe' qataq cañe' qanqa'en cam qaỹalauatpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

1 Samuel 5:12

Qaq da la'alaxac som netaigui se'eso huaqta'a't nỹecpi ỹataqta iviro'ot na piguem, cha'aye som saishet da ileu, qalaq nlaqchigui na lo'oc ana la'agotaqte.

Isaías 24:11

Na shiỹaxauapi qalaq netanguilo naua nqa'aico da nỹeetac, souaxat da qaica ca lataxa, qaq 'enauac da namaicỹaxac imeuo, qataq ca'ai ana 'alhua.

Jeremías 2:36

¿Ta'ainco' da ỹaguec da 'arỹalaxa da 'anaralaxat so 'anaỹamaxate'? Ye nataqa'en ye Egipto 'am ỹatenachet qome, 'eeta'am da 'eetec da 'am ỹatenachet co'ollaxa ye Asiria.

Jeremías 47:2

«Aỹem Nataxala', 'eeta', da ỹa'aqtac: Chegoxogue qome da sheu' ca ndep 'eeta'am so tala da ipaxaateguelec, nache ipaxaalec 'enauac na 'alhua qataq 'enauac nam huetalec namaye, nataqa'en nam huaqta'a't nỹecpi qataq nam netaigui namayepi, nache 'enauac nam netalec na 'alhua ỹa'alaqtagui qome, na shiỹaxauapi na'axannec qome da la'alaxac souaxat da nqui'ic.

Jeremías 50:46

Qaq qom nlaguiñi ye Babilonia, nache ỹataqta lta'araic ca l-lamaxa, nache ỹacholaxan qome ana 'alhua, qaq da la'alaxac qalaq ivira'a qome na laỹepi ỹotta'a't shiỹaxauapi.»

Nahúm 2:5

Qaq so nta'a ye Nínive, laỹona't da ỹamaq so 'amaqatqaic ltauapi, nache somayepi ỹataqta ỹe'egueetega't da taỹa so npaqtaxanaxat, da yaqto' nauaxaỹaxaasheguem som nqataxanatac npaqtaxanaxat.