Jeremías 45:4 - La'aqtaqa Ñim Lo'onatac 'Enauacna 2013

⁴ Qalaxaye Aỹem maye Aỹem Nataxala', 'am sa'aqtaxanem da seshet da selagaxachigui nam ño'oxoosheguem co'ollaxa, qataq nataqa'en seshet da ñapoc nam saañi co'ollaxa. Qaq damaye naigui da 'enauac ne'ena 'alhua.

Jeremías 45:4 Referans Kwoze

Jeremías 31:28

Qaq dam 'eetec co'ollaxa da Aỹem lhuotta da ñapogosheguem, sa'axasoxooñi qataq huetaiya' ñaqa'en, selaxachigui qataq so'otec da qauem, qaq nache 'eetec nagui da Aỹem lhuotta da yaqto' ño'oxoosheguem qataq saañi. Qaq 'era da ỹa'aqtac Aỹem Nataxala'.

Jeremías 1:10

«Aỹem sanaigui na 'ap naua ỹa'aqtaqa. Nagui 'am sanem da huo'o da qonec, da 'aulo'ogue na nta'alpi qataq na ỹotta'a't shiỹaxauapi, da yaqto' ishet da 'anqat qataq 'auamaxañi, qataq da 'anlaxaañi qataq 'aulaxachigui, qataq nataqa'en ishet da 'ano'oxoosheguem qataq 'aỹa'aañi.»

Jeremías 11:17

Ñim Nataxala' maye Qaica ca Ỹaqalanapec ñim 'am ỹaañi co'ollaxa, 'am namaxa so qauem, da 'am talec souaxat nam qauem maye ỹo'ot na Israel qataq ye Judá, cha'aye inogoqche't souaxat da ỹaatracot na lchenaxanaxat so Baal.

Deuteronómio 28:63

Qaq dam 'eetec co'ollaxa Ñim Nataxala' co'ollaq ỹaỹamaxareeta da 'am talec da no'on qataq 'anquictauec, qaq nache 'eetec Ñimaye da ỹaỹamaxareeta qome da 'am ilaxachigui, nache ỹo'ot da 'am sa qaiyacnapec qom 'am qanqateeguesop yem 'alhua maye qonetalec qome.

Jeremías 12:2

'Am 'aỹa'aañi, nache namayepi ỹa'ayiñi na lpa'a'pi qataq nquittasheguem da lañaxataxac qataq huo'o ana ala. Da 'Am detaqtega qalaq 'eeta'am da 'Am saqaỹapeque, qalaxaye da lquiyaqteỹaxac ỹataqta qaỹoqtaique naqa'en 'am.

Eclesiastés 3:3

Huo'o ye laloqo' da huo'o na qaỹalauat, qataq huo'o ye laloqo' da huo'o na qanataren. Huo'o ye laloqo' da huo'o na qailaxachigui, qataq huo'o ye laloqo' da huo'o na qano'oxoosheguem.

Lamentaciones 2:6

Qataq ỹamaxañi so lpe'l, 'eeta'am naqa'en da ỹamaxañi ca npe'l maye hueta'a ca nañiguishe lma', qataq nlaxaañi som huaña naxa na naponaxac. Ñim Nataxala' ỹo'ot da nam hueta'a ye Sión, icoua'ai nam naponaxacpi, qataq yem na'a'q mataxaqui. Qataq co'ollaq 'eroigui da nnogoxonaxac Ñimaye, nache dataỹa'aguet so nta'a, qataq so ntaxaỹaxanaxanecpi.

Oseas 2:14

Qaq ỹoqo'oye aỹem ñemanaqchet qome, nache sauega ye toolec 'alhua, nache sechettac da setaxaỹot, yaqto' ỹoxonec da lquiyaqteỹaxac.