Jeremías 44:7 - La'aqtaqa Ñim Lo'onatac 'Enauacna 2013

⁷ Qaq nagui Aỹem Nataxala' maye Qaica ca Seqalanapec maye Aỹem Natamnaxala' na Israel le'ecpi, sheeta': ¿Ta'ainco' da maiche qanỹoqoitala't dam lta'araic qauem? ¿Ta'ainco' da qauo'ochec da ileu 'enauac na shiỹaxauapi na Judá, ỹelleppi, 'alpi, ñaqpiolec qataq ivira'a na cheta'ague da ñiguiñi, qaq ivira'a da qaica ca no'onañi?

Jeremías 44:7 Referans Kwoze

Habacuc 2:10

Qaq 'era da huo'omshe imattalec 'anqa'en da ncoxo na 'arma', qataq souaxat da qalota so 'aulaxachigui ỹotta'a't shiỹaxauapi, nache maiche 'anasouaxaala't.

Jeremías 51:22

'Am so'ogoxona da selaxachigui na ỹalleppi qataq na 'alpi na ỹa'axaiquipi qataq na nsoxoppi qataq na ñaqpiolec qataq na qa'ampiolec.

Números 16:38

Nache ana'ana laỹe' so lchenaxanaxat se'eso shiỹaxauapi maye ileu souaxat da lasouaxashet, nache qairapaqchen qome, da yaqto' qalapaxalec añi nca'atoxonaxalate. Cha'aye anamaye mashe qaiỹotauga da qoỹanot Ñim Nataxala'. Qataq yaqto' nachera qome da ỹo'ot da lvitaxa na Israel le'ecpi.

Ezequiel 33:11

Qalaxaye Aỹem Nataxala', maiche ñañan da san da ỹa'aqtac, da saishet da saỹamaxaren da ileu cam qauemaic, nacherata da naralaxat da lataxac yaqto' nca'alec. 'Am Israel, 'aỹa'axanec de'era qauem 'arataxac maye 'auachetac. Cha'aye ¿ta'ainco' taxa da 'aleu?

Lamentaciones 2:11

Da ñenoinaxac qalaq mashe na'axa't naua ỹa'ai'te, qataq ñanomteguet da ỹataqta seuet ana itogue, qataq mashe qaica ca ỹa'añaxac, souaxat da sauaachigui da qailaxachigui som huaqta'a't nỹecpi maye lma'pi som ihuo' le'ecpi, qataq da sauaachigui som ñaqpiolec maye ñaq lleptac da ileuangui na nqa'aicpi.

Jeremías 44:14

Nache nam saq 'amaqtaq maye no'onañi na Judá, maye taỹa da naña ye Egipto, qaica qome ca ishet da naneltaxan, huo'otaq da nca'altauec. Qaq na'aictaxa da huotaique da ỹe'eguelaxa ye Judá da yaqto' naña yemaye, qalaq saishet qome da ỹañoxot. Nachaqcauate' caua sa 'amaqtache maye ishet da naneltaxa'n.»

Jeremías 9:21

«Da nleuaxa nvitalo naua qarma'ate, qataq taigui na qarma' lta'araicpi, qataq huangui naqa'en na nqa'aic da ỹalauat na ñaqpiolec qataq huaña naqa'en na nlagaqa'pi da ỹalauat na nsoxoppiolec.

Jeremías 7:19

Qalaxaye saishet nachaỹem da Aỹem isheueetac, maye namayepi maiche nsheueetapeguela't da yaqto' maiche pa'aỹo'ot da la'agaxa. Qaq 'era da ỹa'aqtac Aỹem Nataxala'.

Proverbios 15:32

Ca sa ỹaconeguet da qanlaxanec, qache sa ỹauotec da nachaalataxac, qaq ca ỹaconeguet da qanlaxanec qalaq ỹaconeguet da naỹaanataxanaxac.

Proverbios 5:22

Cam qauemaic qalaq maiche lqoishec da qauem lataxac, ca maiche lasouaxashet 'eeta'am ca nañec da icoñerai' camaye.

1 Samuel 15:3

Qaq ỹoqo'oye nagui 'anqo'ona yemayepi, nache saishet da 'auchoxoreetac da 'auloquiaxan, nache ỹataqta 'anmatchiguiñi qome da 'aualauat 'enauac ye ỹalleppi, 'alpi, ñaqpiolec, qataq na cheta'ague da ñiguiñi, qataq aye huacapi, qaguetapi, cameellopi qataq 'ashenapi.»

Jueces 21:11

qataq 'enauac som ỹalleppi, qataq so 'alpi maye mashe lauatapiguiñi' na ỹale.

Josué 6:21

Ime, nache irolec so ỹeelonec da ỹalauat 'enauac so ỹalleppi, 'alpi, nsoxoppi qataq so ỹa'axaiquipi. Nataqa'en so nauegaxanaxala' huacapi, qaguetapi, qataq 'ashenapi. Nache ỹataqta 'enauac da nlachiguiñi naqa'en.

Deuteronómio 32:25

Qataq huangui qanqa'en ca nqa'aic da qaỹalauat na llalaqpi qairolec ca ỹeelonec, qataq da hueta'a ca lma' qalaq ỹe'elaqtapigui', qaq na nsoxoppi qataq na qa'ampi qalaq ileu, qataq na ñaq lleptacpi qataq na mashe ỹa'axaiquipi.

Jeremías 44:8

¿Ta'ainco' da Aỹem qanogoqcheche souaxat nam qauo'ocheetacpi, qataq qaỹa'añiỹot na qarchenaxanaxache maye ama na laita nam ỹaqa'a atamnaxala'pi ne'ena Egipto, maye qauanaiỹa co'ollaxa da qoñiỹalec? Qaq nam qauo'ocheetacpi nachena qome na maiche qami' ilaxachiguilo, qaq huaña nache qami' naloqnaxanaqa'ate nam qauem, qataq da qaica ca qara'amaqchiqui da qaualliquiitaigui 'enauac nam ỹotta'a't shiỹaxauapi ana 'alhua.

Jeremías 42:20

Qami' huo'o da lta'araic qarasouaxashechi, cha'aye maiche qami' da aỹem qoñiỹapega co'ollaxa da seỹaxanot Ñim Nataxala' maye Qanatamnaxala'ai nache aỹem qoñiỹapega, qoñiita': ‹Ñaq 'anachoxonnot Ñim Nataxala' maye Qanatamnaxala', da qomi' 'anachoxoreeleguete, nache qomi' 'auaỹaanaxaneque cam damaxasoxoolec Ñimaye da yaqto' so'otaq.›

Jeremías 26:19

¿Qaq peta'a so nta'a Ezequías qataq 'enauac so nhuo' le'ecpi ye Judá, ỹalauat co'ollaxa so Miqueas? 'A'i, maye nacherata da so nta'a huo'o co'ollaxa da lcolanaxa Ñim Nataxala', nache iỹaxanot da yaqto' ichoxoren somayepi. Huaña nache Ñim Nataxala' saishet co'ollaxa da namaxa somayepi cam qauem maye ỹa'axatta'a co'ollaxa. Qalaxaye qomi' sauoqtaique da maiche qomi' taleguete ca qauem.»

Jeremías 25:7

Qaq nagui Ñim Nataxala', 'eeta': ‹Qami' saishet da Aỹem qaualaqaiguet, Aỹem qanogoqcheche, souaxat da qanatamñiitacot na atamnaxala'pi maye maiche qaro'onataqui, qaq souaxat de'era nache maiche qami' taleguete qome ca qauem.›

Proverbios 8:36

Qalaxaye ca aỹem ca'ai qalaq huetalec da lchec da nachaalataxac, ¡qaq ca aỹem nquiỹa, qache ỹauotec da nleuaxa!»

Proverbios 1:18

qaq ỹoqo'oye da lapaxañi aca lqoina ne'ena shiỹaxauapi, qalaq 'eeta'am da maiche nqoviila't namayepi, qaq ỹataqta huetalec naqa'en da lchec da maiche nachaalataxac.

1 Samuel 22:19

Ime, qataq nqo'ona ye Nob, yem lma' so ntaxaỹaxanaxanecpi. Nache irolec so ỹeelonec da ỹalauat so ỹalleppi, 'alpi, ñaqpiolec qataq som cheta'ague da ñiguiñipi, qataq so huacapi nauegaxanaxala'pi, 'ashenapi, qataq aso qaguetapi.

Jeremías 3:24

Chegoqta'a co'ollaq ñaq qomi' nsoxoppi, nache nam ỹo'ot da na'agaxa atamnaxala'pi, nachena nam iqataqchet som la'añaqtegueshec co'ollaxa som qarta'alpi: Aso lalopi qaguetapi qataq so laỹepi na'atetpi qataq so llalaqpi ỹalleppi qataq aso llalepi 'alpi.

Lamentaciones 2:22

Qataq 'auachegoxotteguelo co'ollaxa da 'auanacot nam lcheguesat, 'eeta'am da qanqo'ona ca huo'o da la'amaqchec na'ashaxac, som na'a'q co'ollaq 'aualemata 'Am Nataxala' qalaq qaica ca ishet da datauec. Som ñepa'aguenaxauapi qalaq ỹalauat co'ollaxa, som ỹaqtacpi qataq so ỹapaxaguenatacpi.

Jeremías 25:6

Qaq saishet qome da qoquiigue nam laỹepi atamnaxala'pi, saishet da qavio'oxoreñiitac qataq da qanatamñiitacot. Saishet qome da qanogoqcheche Ñim Nataxala' souaxat da qavio'oxoreñiitac nam atamnaxala'pi maye maiche qaro'onataqui, nache Ñimaye saishet qome da qami' namaxalo ca qauem.›

Jeremías 38:17

Nache so Jeremías, 'enapega so nta'a Sedequías, 'eeta': Ñim Nataxala' maye Qaica ca Ỹaqalanapec, qataq Natamnaxala' na Israel le'ecpi, 'eeta': Da 'anañanot nam ltauapi ñi nta'a ye Babilonia, nache 'am qataq na 'aỹa'alaqpi nca'alec qome, qataq ne'ena huaqta'a't nỹecpi saishet qome da qoỹegueua'a.

Ezequiel 9:6

Qauachegoqoichiguiña qome añi ỹalamaqte atamnaxaqui nache qaualauache na ỹa'axaiquipi, nsoxoppiolec qataq na qa'ampiolec, na ñaqpiolec qataq na 'alpi, nache qaviraxachiỹa'a da qaica ca no'onañi da nca'altauec. Qalaxaye saishet qome da huo'o ca qoñeeta'ac ca huo'o ca na'anaxat. Nache soomaye ỹalauat so ỹa'axaiquipi maye nachatto'ot aso atamnaxaqui.»