Jeremías 44:6 - La'aqtaqa Ñim Lo'onatac 'Enauacna 2013

⁶ Qaq ỹoqo'oye 'eroigui da ỹalemataic, qataq da ỹayeloxo, nache nalaqaasheguem 'eeta'am ca norec da ỹavigaxat so huaqta'a't nỹecpi maye ỹotta'a't naua nañalo ye Judá, qataq so nqa'aicpi ye Jerusalén. Nache ỹataqta nlachiguiñi qataq toolec choche ivitta'a nagui.›

Jeremías 44:6 Referans Kwoze

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»

Ezequiel 8:18

Qalaxaye Aỹem so'onataxana qome da ỹayeloxo, nache saishet da sechoxoreetac qome namayepi. Qaq huaña nache na'aictaxa da ỹa'alaqtagui da Aỹem iỹaxaatacot, qalaxaye saishet qome da sa'axaỹa.»

Jeremías 42:18

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': ‹Cha'aye dam 'eetec co'ollaq 'eroigui da inogoxonaxac qataq da ỹalemataic da sataỹa'aguet nam lma' ye Jerusalén, qaq nache 'eetec qome da 'eroigui da ỹalemataic da qami' sataỹa'agueta qom qanqo'oñiỹa ye Egipto. Nache qami' naloqnaxanaqa'ate qome dam qauem, qataq cam ỹo'ot ca ncolanaxa, qaq nache saishet qome da ỹe'eguelaxa da qaltaq qauloỹa'a ne'ena 'alhua.›

Jeremías 21:5

Qaq Nachaỹem da qami' seloguito qome, qami' seroleguete da lta'araic ỹa'añaxac, qataq dam 'eroigui ỹalemataic qataq da lta'araic ỹayeloxo.

Jeremías 7:34

Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Isaías 51:20

Na 'aỹa'alaqpi qalaq decopche co'ollaxa huetaña ana lamaqaipi na nqa'aicpi, qataq 'eeta'am aca chegaxango da noxona da huetaigui ca naleguec. Qaq 'enauac da que'emaq souaxat da layeloxo Ñim Nataxala' qataq da lhuogoqtaxanaxac Ñim 'Anatamnaxala'.

Isaías 51:17

Ñaq 'anlouec, ñaq 'anlouec 'am Jerusalén, ña qoñesheguem. 'Am 'anque'etaxangui co'ollaxa da nnogoxonaxac Ñim Nataxala', qoneta'am ca nỹomgui aca ỹomaxaqui nache ivitta'a da qui'itchigui naqa'en, nache ivitta'a da ỹataqta da taxaic.

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Nahúm 1:2

Ñim Nataxala' maye Lo'onatac 'Enauacna, Ñimaye ca'alaxanaxaic, qataq ishet da ipalaique lvi', qataq ishet da ipalaique lvi' da dataỹa'aguet nam ipa'agueetacpi Ñimaye, nache sa ỹala'ac da dalemataỹa na npa'aguenaxauapi.

Daniel 9:12

'Am co'ollaq qomi' 'anamaxalo so lta'araic qauem, nache 'aupaqueelec som 'arasauaqtaxanaxac maye 'aua'axatta'a co'ollaxa da qomi' taleguete, qataq som nta'alpi maye qomi' ilotegueto co'ollaxa, cha'aye saỹauano' co'ollaxa da huo'o ca huaña ana 'alhua, cam 'eeta'am de'era nhuaxanaxanaxac maye talec ye Jerusalén.

Ezequiel 24:13

'Am Jerusalén, Aỹem sauotaique co'ollaxa da seỹouec na 'arshepaxanaxapi, souaxat da maiche 'ananoiqueetac naxa da huo'o ye 'auo'ot, qalaxaye saishet da 'am qui'itta. Nacherata qom 'am sematalec da ỹayeloxo, nache cheta'ague da 'am qui'itta.

Ezequiel 24:8

Qalaxaye Aỹem nataqa'en sa'aqta'a qome na ltago'q da huetalec añi qaramta coma' yaqto' saishet da qaỹapolec, cha'aye ỹo'ot da 'eroigui da inogoxonaxac, qataq ỹo'ot da sepalaique ivi'.

Ezequiel 20:33

Cha'aye Aỹem Nataxala', maye Qanatamnaxala'ai, maiche ñañan da san da ỹa'aqtac, da qami' selo'oguelo qome sauota'a da ỹa'añaxac, qataq sachaxanec na ihuaq, qataq ñashetcheguem da inogoxonaxac,

Ezequiel 6:12

Qaq cam qaỹoqta ca hueta'a nache ilem qome na nalolaxapi, qaq cam saqaỹapeque ca hueta'a qalaq ileuaigui qome ca alaataxac, qaq ca lca'alaxaicpi qome qalaq ilem qome na nqouaxa. Qaq 'era da sheetec qom ñashetcheguem da ỹayeloxo da sataỹa'aguet namayepi.

Ezequiel 5:13

Qaq huaña qome nache ñashetcheguem da ỹayeloxo, qaq qom nmisheguem damaye, nache samaguiñi. Qaq qom nmisheguem da ỹayeloxo souaxat namayepi, nache namayepi ỹaỹaten qome da Aỹem Nataxala', maiche ỹa'aqtac co'ollaxa damaye.

Jeremías 36:7

Saiuena'a da ỹanem ca nachoxonnaxac Ñim Nataxala', qataq ỹaxaañi dam qauem lataxac, cha'aye da layeloxo qataq da nnogoxonaxac Ñim Nataxala' maye do'ogoxona da ỹareetalec ne'ena shiỹaxauapi, damaye ỹataqta chaqaic.»

Jeremías 21:12

Qataq 'auqata nam chegoxoguet so David da Ñim Nataxala' 'eeta' da la'aqtac: Qauo'oche qome 'enauaque naua na'axa'te ca nalochiguiñi lataxac, qataq qausoiuec nam qarcoñeteguishequi, cha'aye da saiuena'a da souaxat da qauem qaro'onataxanaxaqui, nache 'eroigui da ỹalemataic 'eeta'am ca norec, qataq nalaqaasheguem, nache qaica ca ishet da ỹalamat.

Jeremías 4:4

Qami' shiỹaxauapi maye qoñiitaña na Judá qataq na Jerusalén, qauo'oche qome ca na'anaxat da qaro'ocỹaxaqui, qataq aỹem qauauattoñeeta da Aỹem Nataxala', qauachiỹaiguilo naua qarquiyaqtelli' da la'anaxat da aỹamaxataxac, cha'aye saiuena'a da souaxat cam qauem maye qauo'oche, nache da 'eroigui da inogoxonaxac, 'eeta'am ca norec qataq 'erangui damaye, nache qaica ca ishet da ỹalamat.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Levítico 26:31

Qataq nlachiguiñi ñaqa'en ca qaralamaxache huaqta'a't nỹecpi, qataq dolachigui ñaqa'en ca qanatamnaqa'aipi, qataq sevira'a da saishet da sesheteguet da laitaỹaxac aca qarachetaqtaxanaqche maye samaateguet co'ollaxa.

Isaías 1:7

Ye qana'alhuai qalaq ỹataqta toolec, qataq ye huaqta'a't nỹecpi maye qarmaye ỹataqta ỹavicta. Qataq ỹataqta qauauañiichigui da na qampa'aguenaxauaipi chectac na ala na qa'añiguishiqui. Nache 'enauac da ỹataqta toolec, 'eeta'am da ilaxachigui ca chegaqauec shiỹaxauapi.

Jeremías 4:27

Ñim Nataxala', 'enapec: «'Enauac ana 'alhua da nlaguiñi qome, qalaxaye saishet qome da imauec da selaxachigui.

Jeremías 7:17

¿Peta'a sa 'aula'a nam ỹo'ottac namayepi, da huaña nam huaqta'a't nỹecpi maye ỹotta'a't naua nañalo ye Judá, qataq na nqa'aicpi na Jerusalén?

Jeremías 34:22

Aỹem samaxalec qome da ỹe'eguelaxalec da iloquiaxan ne'ena huaqta'a't nỹecpi, qaq da mashe loxonec nache ỹavigaxat. Qataq so'ot qome da toolec na laỹepi huaqta'a't nỹecpi maye ỹotta'a't naua nañalo na Judá, nache qaica qome ca netaigui. Qaq 'era da ỹa'aqtac Aỹem Nataxala'.»

Lamentaciones 1:13

Ñim Nataxala', ỹachegoxottot na pa'asheguem da nasaxañi so norec, nache somaye ỹataqta ivira'alo naua ipi'ineqa da ỹavigaxa't, qataq ỹanangui so ỹec aso nqoina, nache aỹem ỹe'eguelaxat, nache ỹo'ot da aỹem qaỹalata'a't, qataq da ñequi'ic nache ỹa'atta'a't ye na'a'q.

Ezequiel 20:34

nache qami' ñeqateeguesopa nam nhuo' le'ecpi, qataq nam 'alhuapi, maye qoviita'a da qanlagaxacheetac, nache qami' llaỹona't sauota'a da lta'araic ỹa'añaxac, qataq ñashetcheguem da inogoxonaxac.

Zacarías 1:2

«Aỹem Nataxala', maye Qaica ca Seqalanapec, ỹataqta salemataỹa som hua'au qarta'ailpi.

Zacarías 7:14

Qaq ỹoqo'oye Aỹem selagaxatapec co'ollaxa sheeta'am aca daua'ache, da yaqto' ỹaleeguet ñaqa'en nam ỹotta'a't shiỹaxauapi maye saỹauatton co'ollaxa. Qaq na na'alhua namayepi ivira'a da ỹataqta toolec, nache qaica ca ishet da nalec. ¡Nam 'alhua maye ỹataqta 'onaxaic co'ollaxa, qalaxaye namayepi ỹo'otec da ỹataqta toolec!»

Jeremías 8:3

Qaq cam lca'alaxaic qome ne'ena shiỹaxauapi maye qauemaicpi, da maiche cam hueta'ague, qom ime da selagaxattac nache namayepi iyaqa'a da ileu qaq saq 'ena'am da nca'altauec. Qaq 'era da ỹa'aqtac Aỹem Nataxala', maye Qaica ca Saqalanapec.

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Lamentaciones 1:1

¡Choxoraxaso' som huaqta'a't nỹecpi maye nlaqchigui co'ollaxa na shiỹaxauapi! ¡'Eeta'am da lataxac aca pa'ai, som huaqta'a't nỹecpi maye na'attaua'a co'ollaxa nam laỹepi shiỹaxauapi! ¡Qoỹaneguet nagui da ỹo'ottac nam qapa'atta no'onatacpi, asom nate'e maye ilotague' co'ollaxa da no'onataxanaxac!

Lamentaciones 5:18

Souaxat da mashe toolec añi qasoxonaxa Sión, nache nda'a't ana huaxaỹaxapi da coleeteguelec añimaye.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»