Jeremías 44:5 - La'aqtaqa Ñim Lo'onatac 'Enauacna 2013

⁵ Qalaxaye qami' saishet da Aỹem qaualaqaiguet qataq saishet da Aỹem qauqochiỹa, nda'a't da nache qoquiito'ot da qaỹa'añiitacot na qarchenaxanaxache maye ama na laita nam ỹaqa'a atamnaxala'pi.

Jeremías 44:5 Referans Kwoze

Jeremías 19:13

Na nỹecpi na Jerusalén, qataq na lta'araic lma'pi na nta'alpi ye Judá, qataq na l-laq na nỹecpi maye huaña naxa da qaỹauo'o na nchenaxanaxat da qoỹanot ana huaqaañipi qataq da qaicorec na lataxa da nachetaqtaxanaxat da qoỹanot na laỹepi atamnaxala'pi, namayepi qaỹamata'ac qome da nshepaxan, 'eeta'am ye Tófet.›»

Jeremías 11:10

Nache ỹe'eguelaxa da ỹo'ot nam nasouaxashetpi maye ỹo'ot co'ollaxa som hua'au lta'alpi, som saishet co'ollaxa da aỹem ỹalaxaguet, nacherata da quegue nam ỹaqa'a atamnaxala'pi nache ỹo'oxoreetac. Qaq yem Israel qataq ye Judá saipaguelec dam ñaỹamaxataxac maye so'ot co'ollaq ñaỹamaxate' som hua'au lta'alpi.

Jeremías 11:8

Qalaxaye saishet da Aỹem qocha'a qataq saishet da Aỹem ỹalaxaguet, nachaqrata da qaramchigui da lquiyaqteỹaxac nache queguelo na maiche lhuennataxaco. Nache saishet da ipaqueeleguete naua ỹa'aqtaqa maye samaxaleguete co'ollaxa, qaq huaña nache so'ot so iuaxanaxanaxac maye ỹa'axatta'a co'ollaxa de'era ñaỹamaxataxac.»

Jeremías 7:24

Qalaxaye saishet da Aỹem ỹalaxaguet qataq saishet da Aỹem qocha'a, nacherata da saỹalaq nache queueegue da qauem lquiyaqteỹaxac. Qaq saishet da aỹem ñe'eguelaxa, nacherata da aỹem ca'ai.

Isaías 48:18

'Am taxa da 'ana'axaỹaxanalo naua ỹamaxasoxonaxaco, nache da 'al-lagaxayec 'eeta'am taxa ca tala, qataq dam 'araỹamaxa nquictauec, 'eeta'am ana lapaxa aso auaxai.

Isaías 48:4

Qaq Aỹem ye saỹaten da ỹataqta qaramchigui na 'arqaic, ỹataqta 'am qaramta qoneta'am ca lcat qataq na 'aratap 'eeta'am ca lcat bronce,

2 Crónicas 36:16

Qalaxaye somayepi ỹataqta ỹe'eetac co'ollaxa som la'aqtaxanaxanecpi Ñim Lo'onatac 'Enauacna, qataq saỹaconegueta naua la'aqtaqa, qataq isheueetac som la'aqtaxanaxanecpi, choche ivitta'a da Ñim Nataxala' talec naqa'en da layeloxo som lalamaxat nhuo' le'ecpi, qaq 'era da 'eetec da qaica ca lata' damaye.

Jeremías 13:10

Ne'ena nhuo' le'ecpi qauemaicpi, maye saishet da ỹalaxaguet nam ỹamaxasoxonaxacpi, qataq quetagueto naua qauema lhuennataxaco da lquiyaqteỹaxac. Namayepi quegue na ỹaqa'a atamnaxala'pi da do'onataxanot, qataq ỹo'oxoreetac. Nache 'eeta'am som saataxaqui maye saishet da qaltaq ỹe'eguelaxa da qaiuen.

Jeremías 43:4

Qaq 'era da 'eetec so Johanán, qataq som lataxala'pi so alleppi, qataq som laỹepi shiỹaxauapi, da saishet da naña yem na'alhua so Judá, nache saishet da ỹalaxaguet da lamaxasoxonaxac Ñim Nataxala'.

Daniel 9:6

Qataq saishet da salaxasoxoguet co'ollaxa so 'aramaxashecpi maye 'ara'aqtaxanaxanecpi, som da'aqtaxanem co'ollaxa da 'are'enaxat som qomi' ilotegueto nta'alpi, qataq so qarataxala'pi, qataq som hua'au qarta'alpi, qataq 'enauac so nhuo' le'ecpi ye Israel.

Nehemías 9:30

Qataq qaỹoqteguelo soua vi'iye da 'anhualaxaueetague' somayepi, qataq 'auachegoxotchigui da lta'araic 'ara'añaxac, qataq so 'ara'aqtaxanaxanecpi da 'anhuoxoqtega somayepi qalaxaye ỹoqta 'am sana'axaỹaxana, ỹoqo'oye qaltaq 'aỹa'aneguet da lhuaqỹaxac so npa'aguenaxauapi, maye lma' yi'iye 'alhua.

Jeremías 11:13

Ye Judá, ỹataqta qalota na natamnaxala'pi, 'eeta'am nam huaqta'a't nỹecpi maye ỹotta'a't naua nañalo, qataq na netaña ye Jerusalén qalota ana nauaxaỹaxaasheguem lca'atoxonaxalatepi maye 'eeta'am ye lcata na nqa'aicpi, da yaqto' ỹanot na lchenaxanaxat so Baal.

Jeremías 11:17

Ñim Nataxala' maye Qaica ca Ỹaqalanapec ñim 'am ỹaañi co'ollaxa, 'am namaxa so qauem, da 'am talec souaxat nam qauem maye ỹo'ot na Israel qataq ye Judá, cha'aye inogoqche't souaxat da ỹaatracot na lchenaxanaxat so Baal.

Oseas 11:2

Qalaxaye co'ollaq ỹapac da seỹaxaatega, nache lamaxa nquictauec da aỹem ca'ai. Nache namayepi ỹaatacot ana lachetaqtaxanaqte nam saq 'en atamnaxala'pi, qataq ỹavigaxattac na lchenaxanaxat da ỹanot nam ne'enaqtacpi.