Jeremías 44:25 - La'aqtaqa Ñim Lo'onatac 'Enauacna 2013

²⁵ Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': Qami' qataq ana qarhuaipi dam qanasaqaiuec naxa, qaq damaye nache ipacchigui da qauo'ocheetac naxa. Qami' qoñiỹapec da mashe qaỹa'añi da qara'aqtaqui da qaỹa'añiỹot na qarchenaxanaxachi maye ama na laita, qataq na qarachetaqtaxanaxachi lataxa añi Nate'e na Piguem, qataq qoñiỹapec da ỹataqta qapaquiitelec qome dam qara'aqtaqui. ¡Qaq damaye ỹaỹamaqchiguiñi, qaupaquiitelec qome da qaỹa'añi qara'aqtaqui!

Jeremías 44:25 Referans Kwoze

Mateo 14:9

Nache so nta'a Herodes ỹataqta daquico. Qalaxaye mashe ỹan so la'aqtac maye 'enapec da ipacchigui, qataq souaxat so lquia'axauapi maye hua'aqchigui co'ollaxa somaye, nache damaxasoxoolec da qoỹami' asomaye so iỹaxanaua'a.

Judas 1:13

Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.

Ezequiel 20:39

Qami' nhuo' Israel le'ecpi, da la'aqtac Ñim Nataxala', 'eeta': Qoquiito'ot qome da qavio'oxoyeñeetac na qarqolaquipi. Qalaxaye qom ime, nache qami' Aỹem qaualaqaiguet qome, nache saishet da qaltaq nshepaxan qanqa'eñi da qui'itta ỹe'enaxat da qauo'ocheetac ana qarachetaqtaxanaqchepi da qavio'oxoyeñeetac na nqolacpi.

Isaías 28:15

Qami' maye qoñiỹapec naxa: «Qomi' mashe ñaỹamaxataxai' co'ollaxa da nleuaxa, mashe ñaỹamaxataxai' co'ollaxa añi huachiqui, yaqto' qom ivita da anac cam ỹataqta qauem na'a'q, nache saishet qome da qomi' loxonqa, cha'aye she'eguenoqot da natenataxanaxac, qataq qomi' npaxattaleguete da ashepegaxanaxac.»

Da na'aqtaguec so Job 34:22

Qaica ca lta'araic lpaqal, huo'otaq ca lta'araic napalaxa, da ishet da nqañoxotoigui ca ỹo'ottac na qauem.

Jeremías 32:29

Na caldeopi maye iloquiaxan ne'ena huaqta'a't nỹecpi, taigui qome namaye nache ỹe'egueua'a, l-llañe' qome na nỹecpi maye hualec naxa na pa'asheguem da qaỹavigaxat na nchenaxanaxat da qoỹanot so Baal, qataq huaña naxa da qoỹanot na lataxa nam ỹaqa'a atamnaxala'pi da Aỹem qainogoqchet.