Jeremías 44:2 - La'aqtaqa Ñim Lo'onatac 'Enauacna 2013

² «Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': ‹Qami' qauauañiichigui co'ollaxa 'enauac nam qauemsat maye talec ñaqa'en ye Jerusalén qataq nam laỹepi nỹecpi maye ỹotta'a't naua nañalo ye Judá. Qaq nagui qalaq nlachiguiñi yemaye nache qaica ca ishet da netaigui,

Jeremías 44:2 Referans Kwoze

Jeremías 34:22

Aỹem samaxalec qome da ỹe'eguelaxalec da iloquiaxan ne'ena huaqta'a't nỹecpi, qaq da mashe loxonec nache ỹavigaxat. Qataq so'ot qome da toolec na laỹepi huaqta'a't nỹecpi maye ỹotta'a't naua nañalo na Judá, nache qaica qome ca netaigui. Qaq 'era da ỹa'aqtac Aỹem Nataxala'.»

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Jeremías 4:7

Qaq ñi llon mashe ca'ai ñim lle'eguenaxaqui, mashe anacta nam ilaxachigui na ỹotta'a't shiỹaxauapi, qaq mashe ca'ai yem na'alhua da naỹa na 'ana'alhua da yaqto' ilaxachigui, qataq toolec naqa'en, qataq nlachiguiñi naqa'en nam 'aralamaxat huaqta'a't nỹecpi.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Lamentaciones 5:18

Souaxat da mashe toolec añi qasoxonaxa Sión, nache nda'a't ana huaxaỹaxapi da coleeteguelec añimaye.

Lamentaciones 1:16

Qaq ỹoqo'oye aỹem ñeỹeetac, naua ỹa'ai'te qalaq nlaxaguilo na ỹache', cha'aye qaica ca aỹem ỹa'añaqchet, qataq qaica ca aỹem ỹanem ca dalaxaic ỹa'añaxac. Som ỹalaqpi qalaq 'enauac qanlaxatchiguiñi, cha'aye qomi' napacaleguete da la'añaxac som qampa'aguenaxauapi.

Lamentaciones 1:1

¡Choxoraxaso' som huaqta'a't nỹecpi maye nlaqchigui co'ollaxa na shiỹaxauapi! ¡'Eeta'am da lataxac aca pa'ai, som huaqta'a't nỹecpi maye na'attaua'a co'ollaxa nam laỹepi shiỹaxauapi! ¡Qoỹaneguet nagui da ỹo'ottac nam qapa'atta no'onatacpi, asom nate'e maye ilotague' co'ollaxa da no'onataxanaxac!

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Jeremías 25:11

Qaq 'enauac qome ne'ena 'alhua da ỹataqta nlachiguiñi qataq logosheguem qome. Qaq ivittrec qome caua setenta vi'iye da ne'ena ỹotta'a't shiỹaxauapi do'onataxaatacot ñi nta'a ye Babilonia.

Jeremías 7:34

Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Isaías 24:12

Ye huaqta'a't nỹecpi qalaq ỹataqta nlachiguiñi, so lasom som ñegueuo qalaq nlachiguiñi.

2 Reyes 21:13

Qaq da nque'eenaxac na Jerusalén, ñaloqteeteguet qome da nque'eenaxac co'ollaxa ye Samaria, qataq sauo'o ca nhuaxanaguec nam chegoxoguetpi so Ajab, nache ỹataqta qui'ittelec ñaqa'en na Jerusalén, 'eeta'am da qaiqui'itaxatta ca nquia'axaqui, ime nache qanqapaxanaqchiiñi.

Josué 23:3

Qaq qami' qauauañiichigui 'enauac nam qami' ỹo'oteque Ñim Nataxala' maye Qanatamnaxala'ai, qataq da 'eetec naqa'en na ỹotta'a't shiỹaxauapi, cha'aye Ñimaye nacheñi Ñim qami' deloctapegueleguete.

Deuteronómio 29:2

Nache so Moisés laỹona't co'ollaxa so Israel le'ecpi nache, 'eeta': Qami' qauauañiichigui co'ollaxa 'enauac nam ỹo'otpi Ñim Nataxala' co'ollaq huaña ye Egipto da ỹo'otec so faraón, qataq so ltauapi qataq 'enauac na lma' co'ollaxa yi'iye 'alhua.

Levítico 26:43

yem 'alhua maye taỹa'a da qoquiỹa'ai qome, da yaqto' ỹataqta nmatec, nachichiigui da qami' saishet da qoñiỹalec. Qalaxaye qauaỹachiñiita qome da qami' huo'o da qanpe'enaxaqui, souaxat da sa qaualaqailec na ỹamaxasoxonaxacpi qataq na iqataxacpi.

Éxodo 19:4

Qami' qauauañiichigui co'ollaxa da so'otec so Egipto le'ecpi, qataq da 'eetec da qami' ñauegalo na soota'a. De'era qoyecỹaxaqui 'eeta'am da qoñeetalguete naua laua't so vi'ic.

Levítico 26:31

Qataq nlachiguiñi ñaqa'en ca qaralamaxache huaqta'a't nỹecpi, qataq dolachigui ñaqa'en ca qanatamnaqa'aipi, qataq sevira'a da saishet da sesheteguet da laitaỹaxac aca qarachetaqtaxanaqche maye samaateguet co'ollaxa.

Jeremías 44:23

Qaq de'era qauem, maye qami' qoviitaigui nagui, damaye qami' taleguete souaxat da qaỹa'añiitacot na qarchenaxanaxache maye ama na laita nam laỹepi atamnaxala'pi, qaq nache huo'o da qarasouaxashechi hueto'ot Ñim Nataxala', cha'aye saishet da qaualaqaiguet nam lapaxaguenataxanaxacpi, qataq nam lqataxacpi Ñimaye, qataq saishet da qaupaquiiteleguete naua lamaxasoxonaxaco.

Daniel 9:12

'Am co'ollaq qomi' 'anamaxalo so lta'araic qauem, nache 'aupaqueelec som 'arasauaqtaxanaxac maye 'aua'axatta'a co'ollaxa da qomi' taleguete, qataq som nta'alpi maye qomi' ilotegueto co'ollaxa, cha'aye saỹauano' co'ollaxa da huo'o ca huaña ana 'alhua, cam 'eeta'am de'era nhuaxanaxanaxac maye talec ye Jerusalén.

Jeremías 8:3

Qaq cam lca'alaxaic qome ne'ena shiỹaxauapi maye qauemaicpi, da maiche cam hueta'ague, qom ime da selagaxattac nache namayepi iyaqa'a da ileu qaq saq 'ena'am da nca'altauec. Qaq 'era da ỹa'aqtac Aỹem Nataxala', maye Qaica ca Saqalanapec.