Jeremías 44:16 - La'aqtaqa Ñim Lo'onatac 'Enauacna 2013

¹⁶ Qomi', saishet da salaxasoxoguet de'era qomi' 'andota'alo, maye qonetega la'aqtaxanaxac Ñim Nataxala'.

Jeremías 44:16 Referans Kwoze

Lucas 19:27

Qaq nam aỹem ipa'agueetacpi maye sa ỹaỹamaxaren da aỹem lta'a, qalaq qanaviquiiua'a aỹem. Ime, qaq qaualauache.»

Lucas 19:14

Qalaxaye so shiỹaxauapi maye lma' se'eso 'alhua, ỹataqta nquiỹa somaye. Nache ỹauo'o so ỹamaq da ica'ataxanaxaalec somaye da yaqto' 'enapega, 'eeta': «Qomi' sa saỹamaxarenaq ne'ena ỹale da qarta'a.»

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

Jeremías 38:4

Qaq huaña, nache so 'amaqtaqaicpi nataxala'pi detaxaỹot so nta'a, 'eeta': De'era ỹale iuen da qaỹalauat, cha'aye naua la'aqtaqa ỹo'ot da qaica ca la'añaxac nam alleppi qataq nam laỹepi shiỹaxauapi maye ñaq hueta'a ne'ena huaqta'a't nỹecpi. De'era ỹale saishet da nmittaique ca laỹamaxa ne'ena nhuo' le'ecpi, nacherata da ỹasaxalec da qauem.

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Jeremías 11:10

Nache ỹe'eguelaxa da ỹo'ot nam nasouaxashetpi maye ỹo'ot co'ollaxa som hua'au lta'alpi, som saishet co'ollaxa da aỹem ỹalaxaguet, nacherata da quegue nam ỹaqa'a atamnaxala'pi nache ỹo'oxoreetac. Qaq yem Israel qataq ye Judá saipaguelec dam ñaỹamaxataxac maye so'ot co'ollaq ñaỹamaxate' som hua'au lta'alpi.

Jeremías 11:8

Qalaxaye saishet da Aỹem qocha'a qataq saishet da Aỹem ỹalaxaguet, nachaqrata da qaramchigui da lquiyaqteỹaxac nache queguelo na maiche lhuennataxaco. Nache saishet da ipaqueeleguete naua ỹa'aqtaqa maye samaxaleguete co'ollaxa, qaq huaña nache so'ot so iuaxanaxanaxac maye ỹa'axatta'a co'ollaxa de'era ñaỹamaxataxac.»

Jeremías 8:12

¡Qamaq iuen taxa da huo'o da la'agaxa da ỹo'ot de'era maye sa sesheteguet! ¡Qalaxaye namayepi qaica ca la'agaxa! Ỹoqo'oye qom sauo'o ca nhuaxanaguec, nache depoxolaxaañi qataq huañi, 'eeta'am so laỹepi. Qaq 'era da ỹa'aqtac Aỹem Nataxala'.

Jeremías 8:6

Aỹem ña'axaỹaxaatañi co'ollaxa, qalaxaye saishet da huo'o ca sa'axaỹa da ntogottac souaxat na qauem maye ỹo'otpi, qataq cam huesota da, 'enapec: ¿Negue't cam so'ot co'ollaxa? Nda'a't dam layaqchec da llecỹaxac 'eeta'am ca caaỹo maye sancherapec da huetaigui ca alaataxac.

Isaías 3:9

Cha'aye da maiche lashiguiỹaxac nachera da ỹa'axat da lataxac namayepi, qaq saishet da ỹoxooñi nam lasouaxashetpi 'eeta'am co'ollaxa so Sodoma da imauec da ỹa'axat na lasouaxashetpi. ¡Qaq choxoraxaso' qome namayepi cha'aye iqataxaatapigui' da maiche nhuaxanaguec!

Salmos 2:3

Nache 'eeta': «Ñaq ñeqataq na lcoñetaxanaxatpi Ñimaye, ñaq ñesoxoueeguesop na laqtaxanaxatpi.»

Éxodo 5:2

Qalaxaye so faraón 'enapeco': «¿Negue't que'eca ‹Nataxala'›, da yaqto' aỹem salaxaguet qataq sa'aqta'a da jec na Israel le'ecpi? Aỹem saishet da sauatton que'eca Nataxala', qataq saishet da sashen da jec na Israel le'ecpi.»

1 Samuel 8:19

Qalaxaye se'eso shiỹaxauapi saishet co'ollaxa da iqocha'a so Samuel, nache 'eeta': Aja' qalaxaye na'aictaxa. Qomi' sauoqtaique ca qarta'a,

Proverbios 1:24

Aỹem qami' seỹaxaategalo naxa, qataq qami' sheetegalo da aỹem qauanaiua'a, qalaxaye qami' saishet da aỹem qaualaqaiguet.

Jeremías 13:10

Ne'ena nhuo' le'ecpi qauemaicpi, maye saishet da ỹalaxaguet nam ỹamaxasoxonaxacpi, qataq quetagueto naua qauema lhuennataxaco da lquiyaqteỹaxac. Namayepi quegue na ỹaqa'a atamnaxala'pi da do'onataxanot, qataq ỹo'oxoreetac. Nache 'eeta'am som saataxaqui maye saishet da qaltaq ỹe'eguelaxa da qaiuen.

Jeremías 42:13

Qalaxaye qami' da saishet da qauaỹamaxayiñi da qoñiỹalec ne'ena 'alhua, qataq da saqaualaqaiguet Ñim Nataxala', maye Qanatamnaxala'ai,

Jeremías 43:2

nache so Azarías som llalec so Osaías, Johanán, som llalec so Careaj, qataq som laỹepi ỹalleppi maye qaica ca iren, 'enapega so Jeremías, 'eeta': «¡Dam 'aua'axattac damaye saq'en! Ñim Nataxala' maye Qanatamnaxala' saishet da 'am ỹamaxalec da qomi' 'aua'aqtaxanema da saishet da saxague da Egipto.

Jeremías 44:24

Qaq so Jeremías, nataqa'en 'enapega 'enauac so shiỹaxauapi, qataq 'enauac so 'alpi, 'eeta': Ñaq qana'axaỹaxañiỹa dam la'aqtac Ñim Nataxala', 'enauac qami' Judá le'ecpi maye qoñiitaña na Egipto.

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Jeremías 44:25

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': Qami' qataq ana qarhuaipi dam qanasaqaiuec naxa, qaq damaye nache ipacchigui da qauo'ocheetac naxa. Qami' qoñiỹapec da mashe qaỹa'añi da qara'aqtaqui da qaỹa'añiỹot na qarchenaxanaxachi maye ama na laita, qataq na qarachetaqtaxanaxachi lataxa añi Nate'e na Piguem, qataq qoñiỹapec da ỹataqta qapaquiitelec qome dam qara'aqtaqui. ¡Qaq damaye ỹaỹamaqchiguiñi, qaupaquiitelec qome da qaỹa'añi qara'aqtaqui!