Jeremías 44:11 - La'aqtaqa Ñim Lo'onatac 'Enauacna 2013

¹¹ Qaq ỹoqo'oye, Aỹem Nataxala' maye Qaica ca Seqalanapec, maye Natamnaxala' na Israel le'ecpi, shenapec: Mashe iuennataxac da ñanacot ca qauem da qami' taleguete ñaqa'en, qataq selaxachigui 'enauac ye Judá.

Jeremías 44:11 Referans Kwoze

Jeremías 21:10

Cha'aye Aỹem maiche iuennataxa da talec ñaqa'en ca qauem ne'ena huaqta'a't nỹecpi qaq saishet da talec ca 'onaxaic. Aỹem saneguet qome da lhuaqỹaxac ñi nta'a ye Babilonia, qaq ñimaye ỹavigaxat qome. Qaq 'era da ỹa'aqtac, Aỹem Nataxala'.

Amós 9:4

Qaq da huo'otaq ca npa'aguenaxauapi da loxonecpi namayepi, nache da ỹauega ca ỹaqa'a 'alhua nache ilem ñaqa'en ca ỹeelonec. Qaq aỹem selota'a qome namayepi qalaxaye saishet da so'otec ca no'on, nacherata da talec ñaqa'en qome ca qauem.»

Salmos 34:16

Ñim Nataxala' dataỹa'aguet na ỹo'ottac na qauemsat, da yaqto' ỹapalaxat da le'enaxat namayepi da huetalec ana 'alhua.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Ezequiel 15:7

Aỹem sataỹa'aguet qome namayepi. Namayepi dataueeguesop qome ca norec qalaxaye ca lỹa norec loxonec qome namayepi. Qaq qom sataỹa'aguet namayepi, nache ỹaỹaten da nachaỹem maye Aỹem Nataxala'.

Jeremías 44:26

Qalaxaye 'enauac qami' Judá le'ecpi maye qoñiitaña na Egipto, ña qana'axaỹaxañiỹa dam ỹa'aqtac Aỹem Nataxala': San da ỹa'aqtac chegoqchigui dam 'amaqtaqaic ỹe'enaxat, da nam Judá le'ecpi saishet qome da qaltaq huo'o ca nasaqteguec da ỹe'enaxat, da hueta'a na Egipto da, 'eeta': ¡Nca'altauec Ñim Nataxala'!