Jeremías 44:1 - La'aqtaqa Ñim Lo'onatac 'Enauacna 2013

¹ Da la'aqtac Ñim Nataxala' maye nvita so Jeremías da yaqto' ỹanem 'enauac so judiopi maye hueta'a ye Egipto, som hueta'a ye huaqta'a't nỹecpi ye Migdol, Tafnes, Menfis qataq yem 'alhua maye pa'aigue da la'añaxa, 'eeta':

Jeremías 44:1 Referans Kwoze

Jeremías 46:14

«Qaua'aqtaxañim ye Egipto, qataq ye Migdol, ye Menfis qataq ye Tafnes, qoñiita': ¡Ña qanaỹamaxache, nache qami' lhuotte' qome! ¡Cha'aye na ỹeelonec mashe anacta da qami' ilaxachiguilo!

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Éxodo 14:2

«Qonapega qome na Israel le'ecpi da ỹe'eguelaq, ime nache hua'a qome ye datatta ye Pi Ajirot maye vichiguinguilo yeua Migdol qataq aso auaxai. Qaq nache hua'a qome ye loigue aso auaxai, yem datatta ye Baal Sefón.

Isaías 19:13

Na nataxala'pi ye Soán ỹataqta qaica ca ỹaỹaanapec, nam nataxala'pi ye Menfis qalaq hua'aqta'a da qaỹatenachet, qataq nam nataxala'pi naua lỹa't 'aleu' yi'iye 'alhua, qalaq ỹo'ot da npe'en da llecỹaxac ye Egipto.

Ezequiel 30:18

Qaq qom selaxachigui da la'añaxac ye Egipto qataq qom sha'axaneguet da la'añaxac maye ỹo'ottac da ño'oxonnaxac, nache añi nala' qome 'om ye Tafnes, qaq ye Egipto qalaq ỹapolec qome ca lo'oc na piguem, qaq na netaigui na lalamaxat huaqta'a't nỹecpi, qalaq qaỹauec qome da qaicoñe'.

Ezequiel 30:16

Qataq savigaxat qome ye Egipto, qaq ye Sin qalaq nque'etaxangui qome da nqui'ic, qataq qaỹauo'o qome na lauacpi na lpaqtaxanaxatpi ye Tebas, qaq ye Menfis qalaq qailoquiaxan qome, huaigui ca na'a'q.

Ezequiel 30:14

Qataq she'eguelaxata qome da nlachiguiñi ye pa'aigue da taguiñi ye Egipto, qataq savigaxat ye Soán, qataq sacoolec da ñimit ye Tebas.

Ezequiel 29:14

Qataq so'ot qome da na ncoñeteguishecpi Egipto le'ecpi, ñe'eguelaq nache qaltaq nalec ye pa'aỹa'ague da taguiñi ye Egipto, yem maiche lma' co'ollaxa, yem huaña qome da qaica ca la'amaqchec ca lo'onataxanaxac.

Jeremías 46:19

Qami' Egipto le'ecpi ñaq qanaỹamaxache, cha'aye qami' qaỹaue'c qome, cha'aye na Menfis ỹe'eguelaxa da toolec qome qataq nlachiguiñi nache qaica ca ishet da nalec qome.

Jeremías 2:16

Qaq na shiỹaxauapi ye Menfis qataq ye Tafnes ilaxachigui na 'arqaic.

Ezequiel 29:10

Qaq ỹoqo'oye Aỹem ñechoxot da 'am ñepa'aguenaxaua qataq so 'aralamaxat tala. Qaq 'am she'eguelaxata qome da 'am toolec 'alhua maye ncolanaxat, qataq 'am nlachiguiñi ñaqa'en, chegoqchiguiña ye Migdol nache ivira'a ye Asuán, qataq ivira'a so loigue ye Etiopía.

Génesis 10:14

patruseopi, Casluhiitapi qataq so caftoriitapi, som chegoxoguet so filisteopi.

Jeremías 24:8

Qalaxaye ñi Sedequías, ñim nta'a ye Judá, qataq na nataxala'pi qataq na laỹepi maye hueta'a ye Jerusalén, qataq nam hueta'a ne'ena 'alhua, huo'otaq nam neta'ague da Egipto, namayepi 'eeta'am ñaqa'en qome ana hiigo maye qauem, qaq souaxat da ỹataqta qauem nache saishet da qanallec.

Jeremías 43:13

Nataqa'en ilaxachigui qome ana logorai coma'pi ye Heliópolis maye naña na Egipto, qataq ỹavigaxat ana atamnaxaquipi maye netaigui na atamnaxala'pi na Egipto.›»

Ezequiel 30:13

Aỹem Nataxala', shenapec: Aỹem selaxachigui qome na nqolacpi, qataq sha'axaneguet na saq'en atamnaxala'pi ye Menfis. Qaq ye Egipto saishet qome da ỹe'eguelaxa da huo'o ca nta'a da ilo'ogue, nache nlaqaalec ñaqa'en yi'iye 'alhua da ncolanaxa.

Oseas 9:6

Qaq da qoqui da qananeltaxañeeguet da qanhuaxanaguiiqui, nache na Egipto le'ecpi qami' ỹaconeua'alo qome, nache huaña ye Menfis da qami' ilalyiñi. Qaq ana qaraỹamaqtai plata qalaq ñaxaalec qome ana poqo no'onaxa lashe, qaq nam qaranataqa'aipi qalaq ñaxaalec qome ana qo'oipaqole maye huo'o ana le.

Jeremías 44:15

Qaq huaña, nache som shiỹaxauapi maye ỹaỹaten da aso lhuapi ỹaatacot naxa na lchenaxanaxat maye ama na laita na laỹepi atamnaxala'pi, qataq som laỹepi 'alpi maye ỹataqta qalota, qataq ỹalegueuo so judiopi maye netaña ye pa'aigue da la'añaxa ye Egipto, ỹasateguet so Jeremías, 'eeta':