Jeremías 43:7 - La'aqtaqa Ñim Lo'onatac 'Enauacna 2013

⁷ Qaq 'era da 'eetec somayepi, da saỹalaxaguet da lamaxasoxonaxac Ñim Nataxala', nache 'enauac somayepi da taigue da Egipto, nache ivira'a co'ollaxa ye nỹecpi maye naña ye 'alhua Tafnes.

Jeremías 43:7 Referans Kwoze

Jeremías 44:1

Da la'aqtac Ñim Nataxala' maye nvita so Jeremías da yaqto' ỹanem 'enauac so judiopi maye hueta'a ye Egipto, som hueta'a ye huaqta'a't nỹecpi ye Migdol, Tafnes, Menfis qataq yem 'alhua maye pa'aigue da la'añaxa, 'eeta':

Jeremías 2:16

Qaq na shiỹaxauapi ye Menfis qataq ye Tafnes ilaxachigui na 'arqaic.

Jeremías 46:14

«Qaua'aqtaxañim ye Egipto, qataq ye Migdol, ye Menfis qataq ye Tafnes, qoñiita': ¡Ña qanaỹamaxache, nache qami' lhuotte' qome! ¡Cha'aye na ỹeelonec mashe anacta da qami' ilaxachiguilo!

Isaías 30:4

Qataq na'aictaxa da ỹamaxa ye Soán qataq ye Janés, na ltaxaỹaxanaxanecpi namayepi,

Ezequiel 30:18

Qaq qom selaxachigui da la'añaxac ye Egipto qataq qom sha'axaneguet da la'añaxac maye ỹo'ottac da ño'oxonnaxac, nache añi nala' qome 'om ye Tafnes, qaq ye Egipto qalaq ỹapolec qome ca lo'oc na piguem, qaq na netaigui na lalamaxat huaqta'a't nỹecpi, qalaq qaỹauec qome da qaicoñe'.

2 Crónicas 25:16

Qalaxaye co'ollaq ñaq detaqtac som la'aqtaxanaxanec Ñim Lo'onatac 'Enauacna, nache so nta'a 'enapega somaye, 'eeta': «¿Negue'to' ca 'am ỹanem co'ollaxa da 'am la'aqtaxanaxanec na nta'a? Ñaq 'aue'enaxaatai' taxa. ¿Qalqo' huotaique da 'am qaỹalauat?» Nache so na'aqtaxanaxanec saishet da qaltaq 'enapega, qalaxaye nacherata da 'eeta': «Aỹem saỹaten da Ñim Lo'onatac 'Enauacna 'am ilaxachigui qome, souaxat da 'auo'ot de'era, qataq saishet da 'aualaxaguet da iqataxac.»

Isaías 30:2

Qataq namayepi saishet da aỹem inattac, nacherata da sanaỹaloxon da taỹa ye Egipto, da dequiguiỹo'ot ñi Faraón da npaxaalec namayepi, qataq nache deuaqtacot na lpaqal ye Egipto.

Jeremías 44:24

Qaq so Jeremías, nataqa'en 'enapega 'enauac so shiỹaxauapi, qataq 'enauac so 'alpi, 'eeta': Ñaq qana'axaỹaxañiỹa dam la'aqtac Ñim Nataxala', 'enauac qami' Judá le'ecpi maye qoñiitaña na Egipto.

2 Reyes 25:26

Huaña, nache 'enauac se'eso shiỹaxauapi, som ñaq nsoxoppi qataq som ỹa'axaiquipi, lỹatec som lataxala'pi som alleppi, da taỹa ye Egipto da datauec, souaxat da ñe'etega so caldeopi.

Jeremías 41:17

Nache jec somayepi nache ivitta'a ye Guerut Quimán maye huaqta'ai' ye Belén, yem huaña co'ollaxa da vi'iiguet. Qaq somayepi lhuennataxac co'ollaxa da ivira'a ye Egipto

Jeremías 42:21

Qaq ne'ena na'a'q, aỹem qami' sa'axattapeguema dam aỹem ỹanem Ñim Nataxala' da qami' sa'axatema, qalaxaye qami' saishet da qaualaqai.