Jeremías 43:6 - La'aqtaqa Ñim Lo'onatac 'Enauacna 2013

⁶ qaq damaye, 'eeta': ỹalleppi, 'alpi, ñaqpiolec, qataq asom llalpi so nta'a, qataq 'enauac som shiỹaxauapi maye so Nabuzaradán, som 'amaqtaqaic lataxala' so nauaatalecpi so nta'a, ipataxalec co'ollaxa da ilo'ogue so Gedalías, qaq nataqa'en ỹalectauo naqa'en so Jeremías, qataq so Baruc.

Jeremías 43:6 Referans Kwoze

Jeremías 39:10

Qaq nda'a't som ỹataqta choxoraqpi da no'onalec naqa'en ye na'alhua so Judá, som ỹataqta qaica ca lalamaxat logoxoshet, qaq nacheso se'eso na'a'q da ỹanem somayepi na nanaxanaqa'pi uva lma'pi, qataq na 'alhua maye ishet da qoỹanaxaalec.

Jeremías 40:7

Qaq som 'amaqtaqaicpi nataxala'pi qataq so alleppi maye judiopi, maye ñaq netauga ye no'onaxa, la'axaỹaxac co'ollaxa da so nta'a ye Babilonia ỹanagui da nta'a da ilo'ogue ye 'alhua so Gedalías som llalec so Ahicam qataq da ipataxalec da ilo'ogue so ỹalleppi qataq so 'alpi qataq so ñaqpiolec maye llalaqpi som shiỹaxauapi maye ỹataqta choxoraqpi maye hueta'a yi'iye 'alhua, maye saishet co'ollaxa da qaỹauega ye Babilonia da qaicoñe',

Lamentaciones 3:1

Nachaỹem maye ñauane' co'ollaxa da que'enaxac, aỹem iuaxaatalec Ñim Nataxala' souaxat da lalemataic.

Jeremías 41:10

Qaq co'ollaq ime nache so Ismael ỹaconeua'a da icoñi' asom llalpi so nta'a, qataq som shiỹaxauapi maye no'onalec co'ollaxa ye Mispá, som shiỹaxauapi maye so Nabuzaradán, ipataxalec co'ollaxa so Gedalías da ilo'ogue. Nache so Ismael icoñi' somayepi, qaq huaña nache jec, qalaq lhuennataxac co'ollaxa da taỹa yem na'alhua na Amón le'ecpi.

Jeremías 52:10

nache ỹauaachigui naqa'en somaye, co'ollaq damaxasoxoolec da qaicheguec na lqaic so llalaqpi, qataq 'enauac som 'amaqtaqaicpi ye Judá.

Juan 21:18

Qaq ỹataqta 'eesa de'era 'am sa'axatem nagui, da co'ollaq ñaq 'am nsoqolec, qalaq 'am maiche 'aỹa'aayiñi naua 'ogo da 'ano'ot qataq 'am maiche 'oiqueetac cam 'aigue. Qalaxaye da ivita da 'am ỹa'axaiquiolec, nache 'am 'aỹa'aatrauec naua 'arhua'q qataq ỹaqa'a ca 'am no'otaxanaxan, qataq 'am qaỹaueegue cam saishet da ỹoqta 'atapeegue.

Jeremías 38:22

'Enauac na 'alpi maye no'onaigui ñi lma' lta'araic ñi nta'a, qanqatec qome nache qoỹanem na ltauapi ñim nta'a ye Babilonia, qaq anamayepi qome maiche, 'eeta': Nam ỹataqta nauochaxauapi ñi nta'a qalaq ỹatenachet nache loxonec, qataq hua'aqta'a ñimaye da petangui na nshaxa, qataq saishet da qochetega.

Jeremías 43:3

Yo'oqta da nacheso so Baruc som llalec so Nerías som ỹo'ot da qomi' 'auataỹa'agueta, da yaqto' ỹo'ot da qomi' loxonqa na Caldeopi, nache qomi' ỹalaua't, huo'otaq qomi' ỹauegalo ye Babilonia.»

Jeremías 45:1

Qaq so vi'i cuatro da lo'onataxanaxac, da nta'a ye Judá so Joaquim, som llalec so Josías, qaq so Baruc som llalec so Nerías, co'ollaq ñaq ỹetteguiñi da na'aqtaxanaxac maye nasaqtauec so na'aqtaxanaxanec Jeremías, nache so Jeremías 'enapega so Baruc, 'eeta':

Jeremías 40:11

Qaq nataqa'en na judiopi maye hueta'a ye Moab, Amón, Edóm, qataq na hueta'a na laỹepi 'alhuapi la'axaỹaxac co'ollaxa, da so nta'a ye Babilonia ỹasheetem na judiopi da huo'o na no'onaña ye maiche na'alhua, qataq da ỹanagui da nta'a so Gedalías da ilo'ogue somayepi.