Jeremías 43:2 - La'aqtaqa Ñim Lo'onatac 'Enauacna 2013

² nache so Azarías som llalec so Osaías, Johanán, som llalec so Careaj, qataq som laỹepi ỹalleppi maye qaica ca iren, 'enapega so Jeremías, 'eeta': «¡Dam 'aua'axattac damaye saq'en! Ñim Nataxala' maye Qanatamnaxala' saishet da 'am ỹamaxalec da qomi' 'aua'aqtaxanema da saishet da saxague da Egipto.

Jeremías 43:2 Referans Kwoze

Isaías 7:9

Ye nỹecpi ye Samaria nacheye ye netaña na nta'alpi ye Efraín, qaq so llalec so Remalías nacheso so nata'a ye Samaria qaq qami' da saishet da aỹem qaua'amaqchiñi, nache qaica qome ca no'onañi da qoñeeta.»

2 Crónicas 36:13

Qaq nataqa'en dataỹa'aguet so nta'a Nabucodonosor, maye ỹanot co'ollaxa so la'aqtac da ntaune' da lo'onataxanaxac, qataq quegue da saỹalaq nache saishet da ỹe'eguelaxa Ñim Nataxala', Ñim Natamnaxala' so Israel le'ecpi.

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

Santiago 4:6

Qaq ỹoqta 'eesa da Ñim Lo'onatac 'Enauacna ỹataqta qomi' ỹauoteque, cha'aye nache 'eetec da nanettalec ana nere maye huetalec na la'aqtacpi Ñimaye maye 'eeta': «Ñim Lo'onatac 'Enauacna ỹataqta dataỹa'aguet nam na'amqaanaxaicpi, qalaxaye ỹauo'o ca ntaunaguec nam saishet da na'amaqten.»

Jeremías 43:1

Qaq so Jeremías, co'ollaq ime, da da'aqtaxaateguem so nhuo' le'ecpi, 'enauac nam ỹamaxalec Ñim Nataxala', maye Natamnaxala' na Israel le'ecpi, da ỹa'axatem somayepi,

Jeremías 42:1

Qaq 'enauac so lataxala'pi so alleppi nataqa'en ỹalectaigui so Johanán som llalec so Careaj qataq so Azarías som llalec so Osaías qataq 'enauac so shiỹaxauapi, ñaqpiolec qataq so ỹepi, nqo'ona co'ollaxa so

Jeremías 40:8

nache somayepi jec lỹatac so lauo' le'ecpi da taỹa ye Mispá da nqo'ona so Gedalías. Qaq somayepi ỹalectaigui so: Ismael som llalec so Netanías, qataq so Johanán qataq so Jonatán maye llalqa so Careaj, qataq so Seraías som llalec so Tanjumet, qataq soua llalqa so Efay maye lma' ye Netofa, qataq so Jezanías som llalec so ỹale maye lma' ye Maacat qataq so nalleppi.

Jeremías 13:15

¡Qami' Israel le'ecpi, Ñim Nataxala' qami' detaqtacoto! Saishet qome da qami' ño'oxonnaxaiqa, nacherata da qana'axaỹaxañiichiguiñi.

Proverbios 16:5

Ñim Nataxala' saisheteguet na ño'oxonnaxaicpi, ỹoqo'oye taỹa'a naqa'en da ỹauo'o ca nhuaxanaguec.

Jeremías 41:16

Qaq so Johanán qataq som lataxala'pi so alleppi maye nnaictague' pa'aiguet da ilo'ogue so alleppi, 'alpi, ñaqpiolec, qataq so 'amaqtaqaicpi nataxala'pi maye so Ismael ỹauec co'ollaxa da icoñi', ỹachegoxotchiguiña ye Mispá co'ollaq ime da ỹalauat so Gedalías, maye so Johanán ỹe'eguelaxat co'ollaxa ỹachegoxotchiguiña ye Gabaón.

Proverbios 30:9

cha'aye saiuena'a da ỹaguec ca anoq nache ishet da 'am seqoleguet, nache sheeta': «¿Negue't que'eca Nataxala'?» huo'otaq da ỹapac saq 'amaqtaq ca anoq nache ishet da secache, huaña nache qaica ca 'enec ñaqa'en da 'are'enaxat 'am Ñatamnaxala'.

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Proverbios 6:17

na'ai'te maye na'amqaanaxaiqa, qataq nachaxat maye shepecaic, qataq nhua'q maye ỹalaua't ca qaica ca ỹasouaxat,

Salmos 123:4

Qataq mashe ỹaguec da ñeque'eenaqtapigui da le'enaxanaxac na sallaxanecpi, qataq da lo'otanaxanaxac na ño'oxonnaxaicpi.

Salmos 119:21

Cha'aye 'am, 'aviraxato'ot ca saishet da ncherapec qataq na qauemaicpi maye ca'aisalo naua 'aramaxasoxonaxaco.

Salmos 12:3

'Am Nataxala' ỹataqta 'anlaxaañi qome na shepecaiqa naua la'aqtaqa, qataq na na'amqaanaxaiqa naua la'aqtaqa,

Éxodo 9:17

Qalaq ñaqaiyeta 'am ña 'anqanaxattac na ỹalamaxatpi, qataq saishet da 'auashen da jec.

Éxodo 5:2

Qalaxaye so faraón 'enapeco': «¿Negue't que'eca ‹Nataxala'›, da yaqto' aỹem salaxaguet qataq sa'aqta'a da jec na Israel le'ecpi? Aỹem saishet da sauatton que'eca Nataxala', qataq saishet da sashen da jec na Israel le'ecpi.»

Génesis 19:14

Nache so Lot, nqo'onalo soua laronaxanaqa som huotaique da huaronegueta soua llalel, nache 'enapegalo, 'eeta': «¡Qoñiishiguem qome, nache qoquiỹa'ai ne'ena, cha'aye Ñim Nataxala' ilaxachigui qome ne'ena huaqta'a't nỹecpi!» Qalaxaye soua laronaxanaqa, saishet co'ollaxa da 'eesa naqa'en so la'aqtac so Lot.

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Jeremías 41:18

da yaqto' naneltaxaneguet so caldeopi, cha'aye huo'o da lcolanaxa souaxat da so Ismael ỹalauat so Gedalías, maye so nta'a ye Babilonia ỹanagui co'ollaxa da nta'a da ilo'ogue yi'iye 'alhua.

Jeremías 42:5

Qaq huaña nache somayepi 'enapega so Jeremías, 'eeta': Ñim Nataxala' maye 'Anatamnaxala', nacheñi ñim saq yetaxan qataq 'eesa, da qomi' dataỹa'agueta qom saishet da so'otaq cam 'am ỹanem la'aqtac da qomi' 'aua'aqtaxanema.

Jeremías 42:20

Qami' huo'o da lta'araic qarasouaxashechi, cha'aye maiche qami' da aỹem qoñiỹapega co'ollaxa da seỹaxanot Ñim Nataxala' maye Qanatamnaxala'ai nache aỹem qoñiỹapega, qoñiita': ‹Ñaq 'anachoxonnot Ñim Nataxala' maye Qanatamnaxala', da qomi' 'anachoxoreeleguete, nache qomi' 'auaỹaanaxaneque cam damaxasoxoolec Ñimaye da yaqto' so'otaq.›

Jeremías 44:16

Qomi', saishet da salaxasoxoguet de'era qomi' 'andota'alo, maye qonetega la'aqtaxanaxac Ñim Nataxala'.

Isaías 9:8

Ñim Nataxala' ỹamaxa so la'aqtac da dataỹa'aguet na Israel le'ecpi, nam nhuo' le'ecpi maye chegoxoguet so Jacob.