Jeremías 43:12 - La'aqtaqa Ñim Lo'onatac 'Enauacna 2013

¹² Qataq ỹavigaxat qome ana atamnaxaquipi maye netaigui nam atamnaxala'pi na Egipto, qaq nam natamnaxala'pi namayepi qalaq ỹavigaxat huo'otaq ỹache, 'eeta'am naqa'en da lcoñeteguishecpi. Qataq ichegoq qome na 'alhua na Egipto, 'eeta'am ca qagueta lo'o da ichegoxouec na lalaxat caua logo, ime nache ca'ai qome namaye nache qaica ca ishet da nqanaxat.

Jeremías 43:12 Referans Kwoze

Ezequiel 30:13

Aỹem Nataxala', shenapec: Aỹem selaxachigui qome na nqolacpi, qataq sha'axaneguet na saq'en atamnaxala'pi ye Menfis. Qaq ye Egipto saishet qome da ỹe'eguelaxa da huo'o ca nta'a da ilo'ogue, nache nlaqaalec ñaqa'en yi'iye 'alhua da ncolanaxa.

Isaías 49:18

Ñaq 'anamatasheguem, qataq 'ameenaxanapiguiñi, ñaq 'aumeten da 'eetec da laỹootega't 'enauac namayepi nache 'am ỹe'eguelaxa. Aỹem ñeca'altauec 'enapec Ñim Nataxala', qaq san da ỹa'aqtac da 'enauac namayepi, 'eeta'am qome aca nqola da 'am qoỹanaxanaxangui, qataq 'eeta'am aca llo'oxoraqte aca auonaxaua.

Isaías 19:1

Qaỹa'axata'a dam talec qome ye Egipto. Ña qauloỹeeguet nam Nataxala', netalec na ỹataqta qayaqaic lo'oc na piguem da naỹa'a ye Egipto. Qaq nam atamnaxala'pi ye Egipto qalaq iviloxol qom nvi' namaye, qataq nlaxagui qome da lli'iỹaxa ye Egipto le'ecpi.

Jeremías 48:7

'Am Moab, 'aupe'etega co'ollaxa da 'ara'añaxac, qataq da 'arsallaxa, qalaxaye nataqa'en 'am noxonec qome. Ñi 'anatamnaxala' Quemós qaỹauega qome ca lỹa 'alhua, caueegue' qanqa'en na ltaxaỹaxanaxanecpi qataq nam shiỹaxauapi maye 'amaqtaqaicpi.

Jeremías 46:25

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': «Aỹem sauo'o qome ca nhuaxanaguec ñi Amón, maye atamnaxala' ye Tebas, qataq ye Egipto cañe' ñaqa'en nam natamnaxala'pi, qataq nam lta'alpi, qataq ñi faraón qataq nam ỹa'amaqteetac ñimaye.

Salmos 104:2

'Eeta'am 'anqa'en ca npo' da 'anapogoña na yo'oqchiguiñi. Qataq 'aupiguiisheguem na piguem 'eeta'am ca napoxonaxat.

Da na'aqtaguec so Job 40:10

Qaq da nache 'eetec de'era, nache 'aỹa'aañi qone' da 'ayo'oxoyec qataq da 'ara'amaqchec, nache 'anapogoña da 'ara'amaqchec qataq da 'aryacỹaxac.

Ester 6:9

Qaq aca'aca mpoto qataq ca caaỹo, iuen da qoỹanem cam ỹataqta 'amaqtaqaic na 'aramaxashecpi, da yaqto' nacheca cam huapegue' da no'otaxanaxan que'eca ỹale, maye huotaique da 'aỹa'anem da la'amaqchec, qataq nache ỹauecta'aguet que'eca caaỹo maye netalec camaye, da coleeteguelec naqa'en ye nlagaqa' maye nangui na laiñi na huaqta'a't nỹecpi, nache ỹa'alaqtalec camaye, 'eeta': ¡'Era da qoỹeetec cam shiỹaxaua maye ñi nta'a huotaique da ỹanem da la'amaqchec!

2 Samuel 5:21

Cha'aye nataqa'en huaña co'ollaxa yemaye da so filisteopi ỹalat so lqolacpiolec, nache so David qataq so nalleppi laỹona't somayepi nache ỹache.

Éxodo 12:12

Qaq que'eca pe nache Aỹem ñanaguelec 'enauac na Egipto. Nache salauat 'enauac na la'auaxanec llalec na Egipto le'ecpi, nataqa'en nam la'auaxanec llalec na na'atetpi. Qataq sauo'o da nhuaxanaguec 'enauac na l-latacpi na Egipto le'ecpi. Aỹem Nataxala', 'era da ỹa'aqtac.

Colosenses 3:14

Qalaxaye ỹataqta ỹactec qome da qa'añiiñi da qarsoxoyiqui, cha'aye nachera da na'atta't 'enauac naqa'en na shiỹaxauapi.

Colosenses 3:12

Cha'aye Ñim Lo'onatac 'Enauacna ỹataqta qami' ỹauoteque, qataq qami' lca'agui'she, da yaqto' qami' lalamaqa'ate. Qaq ỹoqo'oye ỹataqta qami' choxonnataxanaxaiqa, qataq qami' huotaxanaqtaqaiqa, qataq sa qami' na'amqaanaxaiqa, qataq qami' huesotte' da qarataxaqui, qataq qami' hualaxaunaxaiqa.

Efesios 6:11

Qataq qaupaqtaxañiỹa qome nam no'ogoxonaxatpi maye qami' ỹanema Ñim Lo'onatac 'Enauacna, yaqto' da qami' iloquiaxa'n so pa'aguenataxanaxaic, nache ishet da qauataiỹa'aguet.

Romanos 13:12

¡Mashe yaqta'a da ivita ye laloqo'! Qaq ỹoqo'oye nagui saxanaxañi da so'otaqtac da qaye'etaxaloxo, cha'aye da qaỹo'ottac damaye, nache 'eeta'am da qanayeetaigui na napalaxa. Nachaqrata da so'otaq ca ỹaỹamaqchiguiñi maye 'eeta'am da qanayeetaigui da yo'oqchiguiñi. Ñellaqañi da qarqopitaxanaqtaic maye qomi' ỹauecta'alo da so'otaq ca qauem, ime, nache ño'onaxataq da qarataxac, 'eeta'am da ima'ape naua na'axa'te da souaqtaigui ye na'a'q. Saishet da ñeqo'onaxa ca naponaxac maye huaña da sa qailo'ogue da nataxac, saishet da qomi' taxaiqa qataq saishet da qomi' quisheguetaxaiqa, qataq saishet da qolaqtague' da qaramanaxanaqtaic, qataq saishet da ñimitaqta'a da loquiaxac, qataq saishet da qomi' ca'alaxanaxaiqa. Nachaqrato' da sa'axasoqta'a So Jesucristo da qomi' npaxattaleguete qataq qomi' itauaata'ape da se'enaxataq da maiche lataxac.

Sofonías 2:11

Ñim Nataxala' ỹataqta huo'o da lchec qom dataỹa'aguet namayepi. Cha'aye ilaxachigui qome 'enauac na atamnaxala'pi yi'iye 'alhua, qaq huaña qome nache 'enauac nam pa'aiguelo da qaỹo'oxoren Ñimaye, ivira'a nam shiỹaxauapi maye netaleguete nauatai' ỹaqa'atalo 'alhuole.

Jeremías 51:44

«Sauo'o qome ca nhuaxanaguec ñi atamnaxala' Bel ye Babilonia, Aỹem so'ot qome da anolec som iuoxonañi co'ollaxa, na ỹotta'a't shiỹaxauapi qalaq saishet da ỹe'eguelaxa da natamnot ñimaye, qataq saishet qome da nachattañi na lpaqtaxatpi ye Babilonia.

Jeremías 50:2

«Qaua'axachem qome de'era nam ỹotta'a't shiỹaxauapi. Qanauaxaỹaxañiisheguem qome aca la'anaqte, qaua'axacheeuec saishet da qo'oxocheetañi, nacherata da qoñeeta': ‹¡Ye Babilonia noxonec qome! ¡Ñi atamnaxala' Bel qalaq huo'o qome da la'aloxo, qaq ñi atamnaxala' Marduc qalaq nlaqchigui da lcolanaxa! ¡Nam lqolacpi qataq na saq'en natamnaxala'pi qalaq qane'eetapigui qataq nlaqchigui da lli'iỹaxa!›

Isaías 61:10

Aỹem ỹataqta lta'araic da ñetootapeguec Ñim Nataxala', da ñachaalataxac qalaq nlaqchigui da ntonaxac souaxat Ñim Ñatamnaxala', cha'aye Ñimaye aỹem ỹanaxanaxangui da nca'alaxa qataq aỹem napogonaxaaña da nalochiguiñi lataxac, Aỹem no'otaxanaxan sheeta'am ca auonaxaua qataq ỹauo'o ana ño'otaqtepi sheeta'am naqa'en aca auonaxaua.

Isaías 61:5

Qaq nam shiỹaxauapi maye chegaqauec qalaq ilo'ogue qome ana qaguetapi, na no'onaxapi, qataq na nanaxanaqa' uva lma'pi maye qaralamaxache.

Isaías 59:17

Huaña nache napogoña da lauegaxanaxac, 'eeta'am naqa'en aca mpaqtaxanaqte, qataq ỹaañi da nca'alaxa 'eeta'am aca aro'o da ỹanagui na lqaic, qataq ipalaique lvi' nache ỹaañi damaye 'eeta'am aca npoto, qataq lpachigui da layeloxo 'eeta'am ca npo'.

Isaías 52:1

Ñaq 'anlouec 'am Sión, ñaq 'anlouec, ñaq 'auauo'o da 'ara'añaxac, 'am Jerusalén, huaqta'a't nỹecpi maye qui'itta, 'aỹa'aayiñi naua 'ogo maye ỹataqta 'onaxaiqa, cha'aye na shiỹaxauapi maye ỹaqa'a da la'amqaanataxanaxac qataq nshepaxan da lataxac, namayepi saishet qome da ỹe'eguelaxalec da 'am huenoxoneua'a.

Isaías 46:1

Ñim atamnaxala' Bel qalaq mashe qaica ca la'añaxac, qaq ñi atamnaxala' Nebo qalaq hua'axañi nache hueta'aguet na 'alhua. Ñiimaye qaỹacheleguete qome nam shiguiỹacpi, qalaq ỹataqta qapa'atte' da ỹacheta'ape nam shiguiỹacpi maye nasamñi.

Isaías 21:9

Qaq aỹem sela'aguet na shiỹaxaua netangui ana naigona maye lauegaxala'ate naua caaỹo. Qaq da la'aqtac namaye, 'eeta': «¡Mashe qailaxachigui, mashe qailaxachigui ye Babilonia! Qaq 'enauac na lqui'ipi nam natamnaxala'pi huetaiya', ỹataqta 'enauac dolachigui.»

Salmos 132:18

Qaq na mpa'aguenaxauapi qalaq talec ñaqa'en da na'aloxonaxac, qalaxaye somaye sanagui qome da llo'oxoyec.»

Salmos 132:16

Qataq sanaxanaxangui da nca'alaxa na ltaxaỹaxanaxanecpi, qataq do'onaxaata'ai' da ntonaxac na quetague' namayepi.

Isaías 46:2

Ñeua ne'enaqtaqa atamnaxala'ate qalaq mashe qaica ca la'añaxa'c, qataq hua'axareñi hueta'agueta na 'alhua, nache saishet da nca'alde'c, qaq ñiimaye qaỹauegalo qome ca lỹa 'alhua.

Jeremías 43:13

Nataqa'en ilaxachigui qome ana logorai coma'pi ye Heliópolis maye naña na Egipto, qataq ỹavigaxat ana atamnaxaquipi maye netaigui na atamnaxala'pi na Egipto.›»

Jeremías 49:27

Aỹem savigaxat qome na lpaqtaxanaxatpi ye Damasco, nache que'eca norec nlachiguiñi naqa'en qome, na nma' lta'araicpi ye Ben Adad.»

Ezequiel 29:11

Qaq ivittrec qome caua cuarenta vi'iye, da saishet da choche 'am ỹa'axasoxoolec ca shiỹaxauapi, qataq ca shiguiỹacpi, qataq qaica qome ca 'am nalec.

Daniel 11:8

Qaq nataqa'en era'a qome ye Egipto ca atamnaxala'pi maye chegaqaigui na nqatelliguishec lcat, qataq cam laỹepi no'on nogoxoshetpi maye chegaqaigui na oro qataq na lcat plata. Qaq qom huo'oi caua inoxoorec vi'iye, da qaica ca alaataxac que'ecaua dos 'alhua,

Jeremías 10:11

Qami' Israel le'ecpi, qaua'aqtaxañim nam ỹaqa'a da la'amqaanataxanaxac, qoñeeta': «Nam atamnaxala'pi maye saishet da ỹo'ot co'ollaxa na piguem qataq ana 'alhua saishet qome da queta da netalec ana 'alhua, qataq saishet da huo'otaq 'oonolec ca hueta'a na mpa'aguiñi na piguem.»

Jeremías 10:15

namayepi qaica ca naigui, nda'a't da qane'eetapigui, qaq Ñim Nataxala' qom ivita ca lhuaxanaxanaxac, nache ilaxachigui namayepi.

Jeremías 25:19

Qaq nataqa'en sanem da nỹomgui, ñi Faraón maye nta'a ye Egipto, qataq na ltauapi, qataq na nataxala'pi, qataq 'enauac na lauo' le'ecpi ñimaye,

Ezequiel 29:19

Qaq ỹoqo'oye Aỹem Nataxala', shenapec: So'ot qome da ñi Nabucodonosor loxonec ye Egipto, nache deuotaxanec da lsallaxa, qataq laỹona't qome 'enauac cam lhuotaxanaxatpi, nache desheetenaxana da isheeten na nalleppi.