Jeremías 43:11 - La'aqtaqa Ñim Lo'onatac 'Enauacna 2013

¹¹ Qaq ñimaye anac qome nache ilaxachigui na 'alhua na Egipto. Qaq nam taỹa'aguet da ileu nache ileu qome, qaq nam taỹa'aguet da qaỹauec, nache qaỹauec qome, qaq nam taỹa'aguet da ileuaigui ca alaataxac, nache ileu qome huaigui ca alaataxac.

Jeremías 43:11 Referans Kwoze

Jeremías 44:13

Sauo'o qome ca nhuaxanaguec na hueta'a ye Egipto, 'eeta'am ñaqa'en da nhuaxanaguec co'ollaxa ye Jerusalén da serolec so alaataxac, nqouaxa qataq napiina.

Jeremías 15:2

Qaq da huo'otaq 'am inat cam hua'ague ca taigue, nache 'aua'aqtaxanem da ỹa'aqtac, qoneta': ‹Nam taỹa'a da ilem ca napiina, nache ilem qome ca napiina, qaq cam taỹa'a da ileuaigui ca alaataxac qalaq ileuaigui qome ca alaataxac, qaq cam taỹa'a da ilem na lqouaxa, qaq ilem qome na lqouaxa, qaq cam taỹa'a da qaỹauega ca ỹaqa'a 'alhua qalaq qaỹauec qome.›

Zacarías 11:9

Qaq huaña nache shenapega ana qaguetapi sheeta': «¡Saishet da nache shecto'ot da qami' selotegueto! ¡Da huo'o aca huotaique da ileu, qaq na'aictaxa da ileu! ¡Qaq da huo'o aca qaỹalauat, qaq na'aictaxa da qaỹalauat! ¡Qaq acam no'onañipi qome, qalaq maiche chec aca lỹa!»

Jeremías 25:19

Qaq nataqa'en sanem da nỹomgui, ñi Faraón maye nta'a ye Egipto, qataq na ltauapi, qataq na nataxala'pi, qataq 'enauac na lauo' le'ecpi ñimaye,

Ezequiel 5:12

'Oonolec naua tres lpa'axaco na nhuo' le'ecpi maye 'am netaigui, ca ilem qome ca napiina, qataq ca nqouaxa, qaq ca lỹa caua tres lpa'axaco qalaq huaugalo naua loiguiye da ỹalauat ca 'ampa'aguenaxauapi, qaq ca lỹa caua tres lpa'axaco maye no'onañi qalaq selagaxaalec qome 'enauac ana 'alhua. Qaq Aỹem sauota'a qome ca ỹainec da secanapec namayepi.

Da na'aqtaguec so Job 20:29

Qaq 'era da 'eetec da taỹa'a ca qauemaic, cha'aye nachera da ỹaqataxaatai' Ñim Lo'onatac 'Enauacna, da talec naqa'en camaye.»

Apocalipsis 13:10

«Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Jeremías 25:15

Ñim Nataxala' maye Natamnaxala' na Israel le'ecpi aỹem 'enapega, 'eeta': «Ña 'aumeten ana'ana ỹomaxaqui maye nlaqchigui na lataxa, maye naigui da inogoxonaxac. 'Auacona, nache 'aỹa'anem da yaqto' nỹomgui 'anqa'en 'enauac na ỹotta'a't shiỹaxauapi maye 'am samaxa qome.

Jeremías 42:22

Qaq ỹoqo'oye no'on da qauaỹaañita, da chegoqchigui qome ca alaataxac, nqouaxa qataq ca napiina, da qaullivi qom huaña yem 'alhua maye huotaique da qanqo'oñiỹa da qoñiỹalec.»

Ezequiel 29:11

Qaq ivittrec qome caua cuarenta vi'iye, da saishet da choche 'am ỹa'axasoxoolec ca shiỹaxauapi, qataq ca shiguiỹacpi, qataq qaica qome ca 'am nalec.

Jeremías 44:12

Aỹem so'ot qome da na lca'alaxaicpi ye Judá, maye lhuennataxac da taỹa ye Egipto da nalec, namayepi huaña qome yemaye da 'enauac da qailaxachigui. 'Enauac qome da qailaxachigui na ñaqpiolec qataq na ỹepi ileuaigui qome ca alaataxac, huo'otaq ca nqouaxa, nache nmeneguet qome da naloqnaxanaxat dam qauem, qataq ca qaica ca la'amaqchec, qataq cam ỹo'ot da ncolanaxa da qailota'a.