Jeremías 43:1 - La'aqtaqa Ñim Lo'onatac 'Enauacna 2013

¹ Qaq so Jeremías, co'ollaq ime, da da'aqtaxaateguem so nhuo' le'ecpi, 'enauac nam ỹamaxalec Ñim Nataxala', maye Natamnaxala' na Israel le'ecpi, da ỹa'axatem somayepi,

Jeremías 43:1 Referans Kwoze

Jeremías 26:8

Qaq somaye co'ollaq ime da ỹa'axat dam ỹamaxalec Ñim Nataxala', nache so ntaxaỹaxanaxanecpi qataq so na'aqtaxanaxanecpi qataq 'enauac so nhuo' le'ecpi, ỹaconeua'a somaye nache 'enapega, 'eeta': «¡'Am 'aleu qome!

Jeremías 51:63

Qaq qom ime da 'autaxaỹaxan ana'ana nere, nache 'aucoñereguet qome ca coma', nache 'auasaxangui so tala Éufrates,

Jeremías 42:22

Qaq ỹoqo'oye no'on da qauaỹaañita, da chegoqchigui qome ca alaataxac, nqouaxa qataq ca napiina, da qaullivi qom huaña yem 'alhua maye huotaique da qanqo'oñiỹa da qoñiỹalec.»

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Hechos 5:20

–Qanqo'oñiỹa añi no'onaxanaxaqui late'erai. Huaña, nache qaua'aqtaxañim 'enauac na shiỹaxauapi dam na'aqtaxanaxac maye chegaqaigui da nca'alaxa.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Jeremías 26:2

nache 'eeta': «'Anachaañi qome, qoua'a ye nqasoxoc añi atamnaxaqui nache 'aua'axat 'enauac nam 'am samaxalecpi da 'aua'aqtaxanem na shiỹaxauapi maye chegaqa'a nam huaqta'a't nỹecpi maye ỹotta'a't naua nañalo ye Judá, da naỹa añi atamnaxaqui da yo'oxonnataxan, nache qaica qome ca sa 'aua'axat.

Jeremías 1:17

Qaq 'am, 'anaỹamaxat qome. Nache qojec da 'aua'aqtaxanem namayepi 'enauac nam 'am samaxalec. Qaq saishet da 'aye'etega qome namayepi, cha'aye da 'añi'i, nache so'ot da 'aviloxol qom 'auataỹa'aguet namayepi.

Jeremías 1:7

Qalaxaye Ñim Nataxala' aỹem 'enapega, 'eeta': «Saishet qome da qonapec da ñaq 'am nsoqolec. Cha'aye 'am 'aigue qome cam 'am samaxague, qataq 'aua'axat qome cam 'am samaxalec.

1 Samuel 8:10

Nache so Samuel da'aqtaxanem de'era lasataxac Ñim Nataxala' so shiỹaxauapi maye iỹaxaataique ca lta'a.

Éxodo 24:3

Qaq co'ollaq ime da qana'aqtaxaatague' so Moisés, nache ñe'eguelañi da da'aqtaxanem 'enauac so shiỹaxauapi na la'aqtacpi qataq na lqataxacpi Ñim Nataxala'. Nache 'enauac somayepi 'oonolec da lasataxac, 'eeta': ‹¡So'otaq qome 'enauac nam damaxasoxoolecpi Ñim Nataxala'!›

Génesis 19:14

Nache so Lot, nqo'onalo soua laronaxanaqa som huotaique da huaronegueta soua llalel, nache 'enapegalo, 'eeta': «¡Qoñiishiguem qome, nache qoquiỹa'ai ne'ena, cha'aye Ñim Nataxala' ilaxachigui qome ne'ena huaqta'a't nỹecpi!» Qalaxaye soua laronaxanaqa, saishet co'ollaxa da 'eesa naqa'en so la'aqtac so Lot.

Jeremías 5:12

Na Israel qataq na Judá, qaica naqa'en Ñim Nataxala'; namayepi 'enapec: «Qaica cam Lo'onatac 'Enauacna. Qaq saishet qome da qomi' taleguete ca qauem, qataq saishet qome da ñeque'etaxanaxagui ca alaataxac qataq ca nqouaxa.»

Jeremías 42:21

Qaq ne'ena na'a'q, aỹem qami' sa'axattapeguema dam aỹem ỹanem Ñim Nataxala' da qami' sa'axatema, qalaxaye qami' saishet da qaualaqai.