Jeremías 42:6 - La'aqtaqa Ñim Lo'onatac 'Enauacna 2013

⁶ Qaq saỹamaxannaqta huo'otaq saishet cam lasataxac Ñimaye, qalaxaye qomi' salaxasoxoguet qome Ñim Nataxala' maye Qanatamnaxala', cha'aye 'am seỹaxanaqot da 'auquiguiỹo'ot da yaqto' sana'aigue da qoyecỹaxac.

Jeremías 42:6 Referans Kwoze

Jeremías 7:23

Qaq nacherata da samaxalec, da Aỹem ỹalaxaguet, qaq da 'eetec de'era, qaq nachaỹem da Aỹem Natamnaxala', qataq nache ỹalamaxat se'eso nhuo' le'ecpi. Qaq shenapega somayepi da ỹalaxalec dam samaxalec yaqto' no'on da llecỹaxac.

Deuteronómio 5:29

Qaq 'onaxaico' qome da nache 'eeta'ac de'era da lhuennataxa namayepi da aỹem ỹo'oxoreetac, qataq ỹalaxagueta naua ỹamaxasoxonaxaco, 'enauaque naua na'axa'te, yaqto' namayepi qataq na llalaqpi 'onaxaic qome da nachaalataxac.

Romanos 8:7

Nam saishet da nllañi nam qauem lqopitaxanaqtaicpi nda'a't da iuennatega da ỹo'ot ca qauem, nache namayepi ỹataqta ipa'agueetac Ñim Lo'onatac 'Enauacna. Cha'aye sa ỹaỹamaxaren qataq saishet da ỹalaxaguet na lamaxasoxonaxacpi Ñimaye.

Deuteronómio 5:33

Nacherata da ỹataqta qoquiitegue da llecỹaxac na qami' ỹamaxaleguete Ñim Nataxala' maye Qanatamnaxala'ai, yaqto' 'onaxaic da qoyecỹaxaqui, qataq qaỹoqtec da qanachaalataxaqui da qoñiitalec ye 'alhua maye qami' ỹanema qome Ñimaye.»

Romanos 7:13

Qaq de'era saishet da sheetega da na namaxasoxonaxacpi maye 'onaxaic aỹem ỹauecta'a da nleuaxa. ¡'A'i, saishet! Cha'aye dam aỹem ỹalauat nachera da ñe'etaxaloxo, maye do'ogoxona som 'oonolec nam 'onaxaic namaxasoxonaxacpi. Qaq ỹoqo'oye chegoqchigui so 'oonolec namaxasoxonaxac 'onaxaic da 'enauac saỹatenaq da ỹataqta huo'o da lchec qataq qauem, qaq damaye nachera da ñe'etaxaloxo.

Romanos 7:7

Qaq ỹoqo'oye ¿chaq hua'ague ca 'eetec ca qara'aqtac? ¿Peta'a qauem na namaxasoxonaxacpi, maye chegoqo'ot so Moisés? ¡'A'i, saishet! Cha'ayectaxa da qaica namayepi, nache saishettaxa da saỹaten chaq negue't dam ñe'etaxaloxo. Saloqnaxana da na nqataxacpi taxa da saishet da 'enapec: «Saishet da qoquiigue da qarqopitaxanaqtaiqui da qauqopichiita'a ca lalamaxat ca qarỹai», nache aỹemctaxa saishet da saỹaten damaye da sa ỹaỹamaxañi.

Isaías 3:10

Qaq machiguiñi qome cam no'on da lataxac cha'aye no'on qome da llecỹaxac, qataq huo'o da ntonaxac cha'aye no'on da alaỹaxac da lo'onataxanaxac.

Salmos 128:2

Qom chectac ca aloq maye chegaqaigui da lo'onataxanaxac, qalaq ỹataqta machiguiñi qataq no'on da llecỹaxac.

Josué 24:24

Nache so nhuo' le'ecpi, 'enapeco': «Qomi' so'onataxanaqot qome Ñim Nataxala' maye Qanatamnaxala', qataq so'otaq 'enauac na qomi' ỹamaxaleguete.»

Éxodo 24:7

Qaq co'ollaq ime, nache ỹacona aso nere maye huetalec da aỹamaxataxac, nache itaxaỹaxan, na'axaỹaxana naqa'en so shiỹaxauapi. Nache somayepi 'enapeco': ‹Qomi' so'otaq qome 'enauac nam qomi' ỹamaxaleguete Ñim Nataxala'›.

Deuteronómio 5:27

Qaq ỹoqo'oye 'onaxaic da 'am qojec, nache 'ana'axaỹaxana qome 'enauac na la'aqtacpi maye 'am ỹanem Ñim Nataxala' maye Qanatamnaxala'. Ime, qaq qomi' 'aua'aqtaxanema qome yaqto' so'otaq qataq salaxasoxoguet.»

Jeremías 22:15

¿'Aupi'itaxaatega peta'a da ca nta'a, nda'a't da na'attalec da netaigui ca coleesopa na cedro? So 'arta'a co'ollaxa saishet da choche deque'etac qataq nỹomtac, maye nataqa'en ỹo'ottac da nalochiguiñi lataxac qataq da no'on lataxac, qaq ỹoqo'oye somaye no'on da llecỹaxac.

Jeremías 43:4

Qaq 'era da 'eetec so Johanán, qataq som lataxala'pi so alleppi, qataq som laỹepi shiỹaxauapi, da saishet da naña yem na'alhua so Judá, nache saishet da ỹalaxaguet da lamaxasoxonaxac Ñim Nataxala'.

Salmos 78:36

Qalaxaye na alap qataq ñi lachaxat, choche nanoldec naua 'onaxaiqa latenataxanaxaco,