Jeremías 42:4 - La'aqtaqa Ñim Lo'onatac 'Enauacna 2013

⁴ Nache so Jeremías ỹasateguet somayepi, 'eeta': Aja', ỹaỹamaqchiguiñi. Aỹem ñachoxonnot Ñim Nataxala' maye Qanatamnaxala'ai da qami' ñachoxoreeleguete, so'ot dam qarquiquiaxaqui, qaq ime nache qami' saỹaanaxaneque qome 'enauac cam aỹem ỹa'axatem Ñimaye, qaica qome ca qami' soxottaisopa.

Jeremías 42:4 Referans Kwoze

Salmos 40:10

Qataq saishet co'ollaxa da saq sa'axat da nalochiguiñi 'arataxac, nacherata da sa'axattapeguec da no'on 'arataxac qataq da 'arca'alaqtaxanaxac. Qataq saishet da soxooñi da 'arsoxoyec qataq da 'eesa lataxac, da salectaigui na qalota shiỹaxauapi.

1 Samuel 12:23

Qaq aỹem qalaq saishet qome da saxaañi da qami' ñatameetapegueleguete, yaqto' saishet da hueto'ot Ñim Nataxala' ca ỹasouaxashet, nacherata da qami' sapaxagueneque ca ỹaỹamaqchiguiñi, qataq ca no'on qoyecỹaxaqui,

Éxodo 8:29

Nache so Moisés 'enapeco': «Qom choche sheca'ai ne'ena, nache aỹem seỹaxanot Ñim Nataxala', da yaqto' nqateeguesop 'am ana ncoga nataqa'en na 'artauapi qataq na 'arhuo' le'ecpi, qalaxaye saishet qome da choche qomi' 'auatenachetta'ape da 'anqanaxattac na Israel le'ecpi, da yaqto' jec da ỹavigaxat aca lachetaqtaxanaqte da ỹanot Ñim Nataxala'».

Hechos 20:20

Qalaxaye aỹem saishet da saxaañi da qami' sa'axattapeguema 'enauac nam ishet da qami' ỹo'oteque ca ỹaỹamaqchiguiñi, qataq da qami' sapaxagueeta'ape da huo'o na naponaxac qataq da huañalo naua qarma'achilli'.

Jeremías 23:28

¡Ca na'aqtaxanaxanec da huo'o ca lchoxonaxac, qalaq iuen da ỹa'axatta da choche lchoxonaxac, qalaxaye da ỹaconegueta naua ỹa'aqtaqa qalaq iuen da ipagaqchiichiguilo da ỹa'axa't! Cha'aye, ca 'auaqpi saishet da qanaloqnet ca trigo.

Romanos 10:1

Qami' ỹaqaỹa't maye qaua'amaqchiñiitac So Cristo, ỹataqta imauec da iquiyaqteỹaxac da huo'o da iyaxa qataq ñeqouagaxaueetacot Ñim Lo'onatac 'Enauacna da Ñimaye nca'alaxateeguesop da nhuaxanaguec na Israel le'ecpi.

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Ezequiel 2:7

Qalaxaye 'am, 'aua'aqtaxanem qome namayepi naua ỹa'aqtaqa, saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq.

Jeremías 23:35

Qaq da huo'otaq huo'o ca inat ca nauochaxaua huo'otaq ca lalamaxat lauo' le'ec, qaq iuen da, 'enapec: ‹¿Ca 'eetec ca lasataxac Ñim Nataxala'? ¿Ca 'eetec ca la'aqtac?›

Jeremías 26:2

nache 'eeta': «'Anachaañi qome, qoua'a ye nqasoxoc añi atamnaxaqui nache 'aua'axat 'enauac nam 'am samaxalecpi da 'aua'aqtaxanem na shiỹaxauapi maye chegaqa'a nam huaqta'a't nỹecpi maye ỹotta'a't naua nañalo ye Judá, da naỹa añi atamnaxaqui da yo'oxonnataxan, nache qaica qome ca sa 'aua'axat.