Jeremías 42:21 - La'aqtaqa Ñim Lo'onatac 'Enauacna 2013

²¹ Qaq ne'ena na'a'q, aỹem qami' sa'axattapeguema dam aỹem ỹanem Ñim Nataxala' da qami' sa'axatema, qalaxaye qami' saishet da qaualaqai.

Jeremías 42:21 Referans Kwoze

Ezequiel 2:7

Qalaxaye 'am, 'aua'aqtaxanem qome namayepi naua ỹa'aqtaqa, saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq.

Hechos 20:20

Qalaxaye aỹem saishet da saxaañi da qami' sa'axattapeguema 'enauac nam ishet da qami' ỹo'oteque ca ỹaỹamaqchiguiñi, qataq da qami' sapaxagueeta'ape da huo'o na naponaxac qataq da huañalo naua qarma'achilli'.

Ezequiel 3:17

«'Am shiỹaxaua, Aỹem 'am sanagui da 'am lauanaxanaxanec na nhuo' Israel le'ecpi. Qaq da ivita da 'am sanem ca ỹa'aqtac nache 'aua'aqtaxanem namayepi da aỹem ỹa'aqtac, yaqto' namayepi ỹaỹaten cam ỹo'ot.

Deuteronómio 29:19

Qaq qom ime da qana'axaỹaxañiitega ne'ena qoỹan na'aqtacpi, nache da huo'o ca 'oonolec da qoñiita da ipi'itaxaatega da no'on da lataxac, nache 'eeta': 'Enauac na so'otpi ỹaỹamaqchiguiñi, na'aictaxa da so'ot nam maiche sheetapeguecpi nache camaye nacheca ca qami' ỹasouaxa't qome.

Jeremías 43:1

Qaq so Jeremías, co'ollaq ime, da da'aqtaxaateguem so nhuo' le'ecpi, 'enauac nam ỹamaxalec Ñim Nataxala', maye Natamnaxala' na Israel le'ecpi, da ỹa'axatem somayepi,

Jeremías 43:4

Qaq 'era da 'eetec so Johanán, qataq som lataxala'pi so alleppi, qataq som laỹepi shiỹaxauapi, da saishet da naña yem na'alhua so Judá, nache saishet da ỹalaxaguet da lamaxasoxonaxac Ñim Nataxala'.

Deuteronómio 30:15

Qaq nagui qami' sanema da qalca'aiua'a da achaalataxac qataq da no'on, huo'otaq da nleuaxa qataq da qauem.

Deuteronómio 30:19

Qaq nagui ỹauaachigui ñaqa'en na piguem qataq ana 'alhua da qami' sanema da qalca'aiua'a da nca'alaxa huo'otaq da nleuaxa, da no'on huo'otaq da qauem. Qaq no'on qome da qalca'aiua'a da nca'alaxa, yaqto' qanca'alliitauec qome, qataq ca qami' chegoxogueta,

Salmos 81:12

Qaq ỹoqo'oye namayepi saxanec da quegue ca maiche 'eetapeguec, qataq maicheye ca lauela da ỹo'ot.

Jeremías 43:7

Qaq 'era da 'eetec somayepi, da saỹalaxaguet da lamaxasoxonaxac Ñim Nataxala', nache 'enauac somayepi da taigue da Egipto, nache ivira'a co'ollaxa ye nỹecpi maye naña ye 'alhua Tafnes.

Ezequiel 33:31

Qaq 'era da 'eetec naxa na ỹalamaxat nhuo' le'ecpi, da anac nache nso'ooñi 'am datato'ot da na'axaỹaxanalo naua 'ara'aqtaqa, qalaxaye saishet da ỹo'o't. Nacherata da ỹe'eguelaxattaleguete 'eeta'am naqa'en ca no'onec maye huetaigui da nauotaxanaqtaic, qalaxaye da lquiyaqteỹaxac quetague' da lauotaxanaqtaic ana anom plata.

Ezequiel 33:32

Namayepi 'am ỹamata'ac da qoneta'am ca 'onaxanaxaic maye ỹo'ootac na no'onecpi maye huetaigui da nauotaxanaqtaic, qataq 'onaxaic da lavilỹaxac, qataq ỹaỹaten da ivicñigui ana arpa. Namayepi hua'aqtegalo naua 'ara'aqtaqa, qalaxaye saishet da ỹo'o't.