Jeremías 42:2 - La'aqtaqa Ñim Lo'onatac 'Enauacna 2013

² na'aqtaxanaxanec Jeremías nache 'enapega, 'eeta': Qomi' sauoqtaique da 'am seỹaxanaqot, qalaq no'on qome da saishet da qomi' 'anhualoxonapeguema. Ñaq 'anachoxonnot Ñim Nataxala' maye 'Anatamnaxala' da qomi' 'auỹaxaaleguete, qomi' maye saq qomi' lamai' da ño'onqañi. Co'ollaxa maye qomi' qalotoiguilo, qalaxaye nagui qalaq qomi' salamai' da ño'onqañi, qaq mashe qomi' 'aumeteeta'ape nagui.

Jeremías 42:2 Referans Kwoze

Jeremías 36:7

Saiuena'a da ỹanem ca nachoxonnaxac Ñim Nataxala', qataq ỹaxaañi dam qauem lataxac, cha'aye da layeloxo qataq da nnogoxonaxac Ñim Nataxala' maye do'ogoxona da ỹareetalec ne'ena shiỹaxauapi, damaye ỹataqta chaqaic.»

Levítico 26:22

Nache qami' samaxaleguete ca shiguiỹacpi maye dequi'iỹapec, da yaqto' chec ca qaỹa'alquipi, qataq ito ca qareloipi, nache nquigaxattañi, qataq ivitta'a da toteguelo caua qanqa'aicolli'.

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

Hechos 8:24

Nache so Simón 'enapeco': –Aỹem qanqouagaxauñiilec, qauỹaxañiỹot Ñim Lo'onatac 'Enauacna, da yaqto' saishet da huo'o ca aỹem tagui 'enauac nam qaua'axacheetac.

Lamentaciones 1:1

¡Choxoraxaso' som huaqta'a't nỹecpi maye nlaqchigui co'ollaxa na shiỹaxauapi! ¡'Eeta'am da lataxac aca pa'ai, som huaqta'a't nỹecpi maye na'attaua'a co'ollaxa nam laỹepi shiỹaxauapi! ¡Qoỹaneguet nagui da ỹo'ottac nam qapa'atta no'onatacpi, asom nate'e maye ilotague' co'ollaxa da no'onataxanaxac!

Isaías 37:4

Qaq 'onaxaictoxo' da Ñim nataxala' maye 'anatamnaxala', da hua'aqchiguilo naua la'aqtaqa som lataxala' na alleppi maye lamaxashec ñim nta'a ye Asiria, cha'aye anac da isheueetac Ñim Lo'onatac 'Enauacna maye nca'altauec, qataq 'onaxaictoxo' da ỹauo'o ca nhuaxanaguec souaxat nam qauem la'aqtacpi, maye yo'oqta da hua'aqchigui Ñim 'Anatamnaxala'. Ñaq 'auo'ot taxa ca 'anatanmaxac da 'auỹaxaalec nam no'onañi nhuo' le'ecpi maye ña nca'altauecpi.»

Isaías 1:9

Ñim Nataxala' maye Qaica ca Ỹaqalanapec, taxa da qaica ca no'onaxatañi da nca'altauec da shenaqta, qaq nagui taxa nache shenaqta'ama soua Sodoma qataq Gomorra.

1 Samuel 12:19

Qaq ỹoqo'oye 'enauac somayepi 'enapega so Samuel, 'eeta': 'Anachoxonnot qome Ñim Nataxala' maye 'Anatamnaxala', nache 'auỹaxaalec ne'ena 'aramaxashecpi, yaqto' saishet da seleuaq, cha'aye co'ollaq seỹaxanaqaique ñi qarta'a nache maiche ñequigaxataxauec da qarasouaxashet.

1 Samuel 7:8

nache somayepi 'enapego' so Samuel, 'eeta': «Saishet qome da 'axaañi da qomi' 'auỹaxaategueleguete da 'anachoxoreetacot Ñim Nataxala' maye Qanatamnaxala', yaqto' qomi' nca'alaxateeguesopa da la'añaxac ye filisteopi.»

Jeremías 37:20

Ñaq aỹem 'ana'axaỹaxana nagui 'am nta'a qataq 'auasateguet de'era iquiquiaxac maye 'am sanem: Saishet qome da aỹem 'auasheeta da qaltaq aỹem qaỹe'eguelaxata ñi lma' ñi Jonatán maye neraxanaxanec, ten qom seleuaigui ñimaye.

Jeremías 37:3

Nacherata da so nta'a Sedequías ỹamaq so Jucal, som llalec so Selemías qataq so ntaxaỹaxanaxanec Sofonías som llalec so Maseías, da nqo'ona so na'aqtaxanaxanec Jeremías, da yaqto' 'enapega, 'eeta': «Qomi' 'anatameeleguete qome, 'auỹaxanot Ñim Nataxala' maye Qanatamnaxala'.»

1 Reyes 13:6

Nache so nta'a 'enapega co'ollaxa so la'aqtaxanaxanec Ñim Lo'onatac 'Enauacna, 'eeta': Ñaq aỹem 'anqouaguec taxa da 'auỹaxanot Ñim Nataxala' maye 'Anatamnaxala', da yaqto' no'oita na ihuaq. Nache so la'aqtaxanaxanec Ñim Lo'onatac 'Enauacna natamnot Ñimaye, nache so lhuaq so nta'a qaltaq no'oita.

Deuteronómio 28:62

Qaq 'am Israel, maye 'am qalota co'ollaxa qoneta'am ana huaqaañipi maye neto'ot na piguem, 'am salaamai' qome, cha'aye souaxat da sa 'aualaxaguet Ñim Nataxala' maye 'Anatamnaxala'.

Éxodo 8:28

Nache so faraón 'enapeco': «Aỹem qami' sasheetrec da qanqo'oñiỹa ye toolec 'alhua, da yaqto' qauavigaxache aca qarachetaqtaxanaqche da qaỹa'añiỹot Ñim Nataxala' maye Qanatamnaxala'ai. Qalaxaye saishet da ỹapactec qami' qaỹoqteguelo. Qaq nataqa'en aỹem qanqouagaxauñeelec qome».

Mateo 24:22

Ñim Lo'onatac 'Enauacna ỹataqta ỹauotec nam maiche lca'aguishecpi, ỹoqo'oye caua na'axa'te que'eca que'eenaxac saishet da qaỹoqtre'c naqa'en Ñimaye. Cha'aye da saishet da nache 'eetec de'era Ñimaye, nache 'enauac ileu na shiỹaxauapi.

Ezequiel 12:16

Qalaxaye so'ot qome da huo'o ca saq 'amaqtaq da nca'aleeguesop ca alaataxac, ca nqouaxa qataq ca nalolaxa, yaqto' camayepi ỹa'axatem qome cam ỹotta'a't shiỹaxauapi maye ỹalecta'aguet qome, 'enauac nam qaiqaiga maye ỹo'ottacpi co'ollaxa, qataq huaña nache ỹaỹaten da nachaỹem maye Aỹem Nataxala'.»

Jeremías 42:20

Qami' huo'o da lta'araic qarasouaxashechi, cha'aye maiche qami' da aỹem qoñiỹapega co'ollaxa da seỹaxanot Ñim Nataxala' maye Qanatamnaxala'ai nache aỹem qoñiỹapega, qoñiita': ‹Ñaq 'anachoxonnot Ñim Nataxala' maye Qanatamnaxala', da qomi' 'anachoxoreeleguete, nache qomi' 'auaỹaanaxaneque cam damaxasoxoolec Ñimaye da yaqto' so'otaq.›

Jeremías 21:2

«Ña qomi' 'anqouagueque da 'aunat Ñim Nataxala' da qomi' 'aunataxaaleguete, cha'aye ñi Nabucodonosor maye nta'a ye Babilonia, mashe huotaique da qomi' iloquiaxa'n. Shapegueto' da Ñim Nataxala' ỹo'ot ca saqaỹauanapega da yaqto' ỹo'ot da ñi Nabucodonosor qomi' ca'aisalo.» Qaq huaña nache Ñim Nataxala' 'enapega so Jeremías,

Isaías 1:15

Qami' naxa da qaỹa'añeetrasheguem naua qarhuaxayilli' da qanatamñi, nache Aỹem ỹaqa'a da samata'ague, qaq na'aictaxa da ỹaguec da qanatamnaxaqui, qalaxaye Aỹem saishet da qami' sa'axaỹalo, cha'aye naua qarhuaxayilli' ỹataqta nlaqchiguilo na ntago'q.

1 Samuel 12:23

Qaq aỹem qalaq saishet qome da saxaañi da qami' ñatameetapegueleguete, yaqto' saishet da hueto'ot Ñim Nataxala' ca ỹasouaxashet, nacherata da qami' sapaxagueneque ca ỹaỹamaqchiguiñi, qataq ca no'on qoyecỹaxaqui,

Deuteronómio 4:27

Qataq Ñim Nataxala' qami' ilagaxatoiguilo qome na ỹotta'a't shiỹaxauapi, nache da qoñiita saq 'amaqtaq qome ca ishet da nca'alec da netalec yi'iye 'alhua.

Éxodo 9:28

Qaq cha'aye mashe qalota na nalataxa qataq ana lache maye namaq Ñim Lo'onatac 'Enauacna, qaq nagui saishet qome da qami' ñellerañi. Qalaxaye qauỹaxañiỹot qome Ñimaye da qomi' qanqouagaxauñeeleguete, yaqto' qami' sasheetrec da qoqui.»

Jeremías 15:11

Qaq ñaq ipacchigui qome nam qauem la'aqtacpi namayepi, da 'Am Nataxala' saishet da ỹaỹamaqchiguiñi da ỹo'onataxanaxac da 'am so'onataxaatacot, qataq da saishet da 'am seỹaxaatacot co'ollaxa da 'anqouaguec nam ñepa'aguenaxauapi, co'ollaq huaigui da qauem qataq laquicoxo.

Jeremías 38:14

Qaq so nta'a Sedequías damaxasoxoneuga co'ollaxa so na'aqtaxanaxanec Jeremías, da qaỹauegueua'a ye hueta'a somaye, qoỹanaña so lỹa ñegueuo aso atamnaxaqui. Qaq huaña yemaye nache so nta'a inat, 'eeta': Aỹem sauo'o da inataxanaxac, qaq 'am no'on da saishet da huo'o ca 'oxottañi da aỹem 'auasateguet.

Jeremías 40:15

Qaq huaña nache so Johanán, ỹoxotchiguiñi da 'enapega so Gedalías, 'eeta': Aỹem 'aua'aqta'a qome da ñeqo'ona da salauat so Ismael. Qaq saishet qome da huo'o ca ỹaỹaten da negue't cam ỹo'ot de'era. ¿Ta'ainco' taxa da sa'axasoqta'a somaye da 'am ỹalauat? cha'aye damaye ỹo'ot qome da nlagaxattac na Judiopi maye 'am datato'ot, qaq huaña qome nache nataqa'en nlaguiñi nam ñaq huo'o na Judá.

Oseas 8:10

Qaq na'aictaxa da ỹanem na nme nam ỹotta'a't shiỹaxauapi, qalaxaye nache 'ena'am selagaxattac qome namayepi, nache huo'oi qome caua na'axa'te da nque'etaxangui da lque'eenataxanaxac na nta'alpi qataq nam nataxala'pi.

Amós 7:2

Qaq aso shiiquioxoipi co'ollaq mashe ỹauta ana huoue maye huetalec ana 'alhua, nache shenapec: ¡'Am Nataxala' maye Ñatamnaxala', qomi' 'auchoxore'n nagui! Cha'aye ¿ca 'eeteco' da nala'aguet de'era ne'ena 'aralamaxat nhuo' le'ecpi maye chegoxoguetpi so Jacob, ye namayepi ỹataqta saq 'amaqtaq?

Deuteronómio 28:63

Qaq dam 'eetec co'ollaxa Ñim Nataxala' co'ollaq ỹaỹamaxareeta da 'am talec da no'on qataq 'anquictauec, qaq nache 'eetec Ñimaye da ỹaỹamaxareeta qome da 'am ilaxachigui, nache ỹo'ot da 'am sa qaiyacnapec qom 'am qanqateeguesop yem 'alhua maye qonetalec qome.

Salmos 119:170

Ñaq 'am iviro'ot qome da ñatamnaxac, nache aỹem 'anca'alaxatec, cha'aye nachera da 'auachaxanapec co'ollaxa.

Isaías 42:20

Qalota na ỹauaachiguipi qalaxaye saishet da iqocha'a, ishet da hua'aqtega qalaxaye saishet da iqocha'a.

Jeremías 2:27

Cha'aye naxa da detaxaỹot na 'epaq laỹe nache, 'eeta': ‹'Am maye 'am ita'a›, qataq naxa da detaxaỹot na coma' nache, 'eeta': ‹'Am maye 'am ỹate'e.› Qaq Aỹem qalaq aỹem iro'oguet naxa na l-laq, nache saishet da aỹem ỹamato'ot. Qalaxaye naxa da chochaq cara'acolec da huaigui da lchec, nache aỹem detaxaỹot, 'eeta': ‹¡Ña 'auanac da qomi' 'anca'alaxatrec!›