Jeremías 42:19 - La'aqtaqa Ñim Lo'onatac 'Enauacna 2013

¹⁹ Qaq qami' maye qano'oñiỹalec na Judá, Ñim Nataxala', qami' 'enapegalo da saishet da qa'aỹeegue da Egipto. Qaq no'on da qauaỹaañita de'era, maye aỹem qami' sevitaqna'agueta nagui.

Jeremías 42:19 Referans Kwoze

Deuteronómio 17:16

Qataq que'eca nta'a saishet qome da qalota ca lalo caipi, qataq saishet da ỹamaxa ye Egipto ca shiỹaxauapi da yaqto' nquiguec ca lalo caipi, cha'aye Ñim Nataxala' qami' 'enapegalo co'ollaxa, 'eeta': ‹Saishet qome da qaltaq qavi'iguelaqaigue ne'ena qoyiqui›

Nehemías 9:26

Qalaxaye somayepi saishet da 'am ỹalaxaguet, nda'a't da 'am dataỹa'aguet, qataq sa ỹaconeguet na 'arqataxacpi, qataq ỹalauat so 'ara'aqtaxanaxanecpi maye 'eetega naxa somayepi da 'am ỹe'egueloqot, qalaxaye somayepi ỹataqta 'am inogoqchet.

1 Ts 4:6

Saishet da huo'o ca ỹatenachet ca lqaỹa maiche la'amqaanataxanaxaua, qataq saishet da qopiilec camaye. Mashe sogote da qami' sevitaqteetagalo da So Qarataxala' Jesús ỹauo'o ca lta'araic nhuaxanaguec ca nache 'eetec de'era.

Efesios 4:17

Qaq cha'aye aỹem ña'attaua'a So Qarataxala', ỹoqo'oye qami' shenapegalo qataq qami' seqatalo da saishet da qoñiita'am da lataxac nam saishet da ỹauatton Ñim Lo'onatac 'Enauacna, cha'aye namayepi quetegueto naua qauema lhuennataxaco maye qaica ca naiguilo.

Hechos 2:40

Qaq 'era da la'aqtaxanaxac so Pedro. Qataq huo'o na laỹepi la'aqtaxanaxac da huaqattega somayepi, 'eeta': –Qananeltaxañeeguet ca nhuaxanaguec ne'ena shiỹaxauapi maye taỹa'a da deqat, yaqto' qarca'alliiuec.

Ezequiel 17:15

Qalaxaye se'eso llalec so nta'a, saỹalaxaguet co'ollaxa so nta'a ye Babilonia, nache ỹauo'o so lamaxashecpi da ỹamaxa ye Egipto da yaqto' iỹaxanaique so qalota caipi qataq so qalota ỹalleppi. ¿Qaupi'itaxañiitega peta'a da qom ime de'era, nache huo'o ca la'amaqchic, qataq ishet da nca'alec? ¿Ishet peta'a da nca'altauec ca saishet da ipaguelec cam naỹamaxataxac co'ollaxa?

Ezequiel 3:21

Qalaxaye 'am da 'aua'aqtaxanem que'eca ỹale da yaqto' saishet da ỹo'ot ca lasouaxashet, qaq camaye da saishet da ỹo'ot ca lasouaxashet, nache camaye queta da nca'altauec, souaxat da ỹalaxaguet da 'arvitaqtaxanaxac, qaq 'am nataqa'en 'anca'alec.»

Ezequiel 2:5

Saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq, qalaxaye dam choche ỹaỹaten da huo'o na na'aqtaxanaxanec da netangui namayepi.

Jeremías 38:21

Qaq da sa 'anañan, nache 'era da aỹem ỹachaxana Ñim Nataxala' maye yo'oq qome:

2 Crónicas 24:19

Qalaxaye Ñim Nataxala' namaxa som la'aqtaxanaxanecpi da yaqto' somayepi ỹe'eguelaxa Ñimaye, qalaxaye somayepi saỹalaxaguet da lhuogoqtaxanaxac so na'aqtaxanaxanecpi.

Deuteronómio 31:21

Qalaxaye qom ivireguet nam qauemsat qataq ca lta'araic nque'eenaxac, nache ne'ena no'onec maiche iuennataxanaxan qome namayepi, cha'aye ca dalaxaicpi maye chegoxoguet namayepi qom do'onaxan, nache maiche ntoonaxanaxan namayepi. Cha'aye Aỹem, mashe saỹaten da lhuennataxa namayepi, nagui da ñaq saxanaxa da senoxonaqcheteua'a yi'iye 'alhua, maye sachaxanapecot co'ollaxa namayepi.»

Números 14:3

¿Ta'ainco' Ñim Nataxala' da qomi' nauegalo ne'ena 'alhua da yaqto' qomi' qaira'alo ca ỹeelonec da qomi' qaỹalaua't, qataq da na qampa'aguenaxauapi ỹacona ana qaramoxouapi, qataq na qoyalaqpi? ¡Ỹoqo'oye 'onaxaictoxo' da she'eguelaxasoxogue da Egipto!»

Isaías 21:12

Nache so nauanaxanaxanec ỹasat, 'eeta': «Mashe yo'oqteguet na yo'oxoñi, qalaxaye nataqa'en na pe. Qaq da huotaique qaunataxañi qalaq qaunataxañi, qaq da huotaique da qañe'eguelaqai qalaq qañe'eguelaqai.»