Jeremías 42:18 - La'aqtaqa Ñim Lo'onatac 'Enauacna 2013

¹⁸ Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': ‹Cha'aye dam 'eetec co'ollaq 'eroigui da inogoxonaxac qataq da ỹalemataic da sataỹa'aguet nam lma' ye Jerusalén, qaq nache 'eetec qome da 'eroigui da ỹalemataic da qami' sataỹa'agueta qom qanqo'oñiỹa ye Egipto. Nache qami' naloqnaxanaqa'ate qome dam qauem, qataq cam ỹo'ot ca ncolanaxa, qaq nache saishet qome da ỹe'eguelaxa da qaltaq qauloỹa'a ne'ena 'alhua.›

Jeremías 42:18 Referans Kwoze

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»

Jeremías 29:18

Aỹem qami' secana'ape qome qami' seroleguete ca alaataxac, nqouaxa qataq ca napiina. Nache qami' so'oteque da 'enauac na ỹotta'a't shiỹaxauapi da qami' deqaigalo da qami' ilota'alo, qataq qami' so'oteque da qami' naloqnaxanaqa'ate da qauem qataq da na'agaxa qataq cam qaiqaiga qataq ca ỹo'ot da ne'elaxa maye huetalec 'enauac nam ỹotta'a't shiỹaxauapi maye qami' selagaxaaleguete co'ollaxa.

Jeremías 18:16

Qaq 'era da 'eetec da toolec naqa'en na na'alhua namayepi, nache ỹo'ot da chochaq tatec da na'aalaxa. Qaq 'enauac nam taalec namaye, nache iconnaxaatac na lqaic souaxat da la'aalaxa.

Jeremías 44:12

Aỹem so'ot qome da na lca'alaxaicpi ye Judá, maye lhuennataxac da taỹa ye Egipto da nalec, namayepi huaña qome yemaye da 'enauac da qailaxachigui. 'Enauac qome da qailaxachigui na ñaqpiolec qataq na ỹepi ileuaigui qome ca alaataxac, huo'otaq ca nqouaxa, nache nmeneguet qome da naloqnaxanaxat dam qauem, qataq ca qaica ca la'amaqchec, qataq cam ỹo'ot da ncolanaxa da qailota'a.

Jeremías 24:9

Qataq so'otec qome namayepi, cam ỹataqta ỹo'ot da lli'iỹaxa 'enauac nam ỹotta'a't shiỹaxauapi ana 'alhua, qataq namayepi qaica qome ca 'enec qanqa'en, qataq saqaỹaconeguet, qataq qauem qome ca talec 'enauac nam 'alhuapi maye selagaxaalec namayepi.

Jeremías 22:27

Qaq huo'o qome da qaryaqai da qañe'eguelaqỹa na maiche qana'alhuai, qalaxaye saishet qome da qauañoxoche da qaltaq qañe'eguelaqai.

Isaías 65:15

Nam lleca'aguishecpi do'onataxana qome na qare'enaxache da yaqto' ỹasaxalec ca qauem ca lỹa, qataq da ỹasaxale da nleuaxa ca lỹa, qalaxaye nam ỹamaxashecpi ñaralaxat qome ca le'enaxat.

Apocalipsis 14:10

nache Ñim Lo'onatac 'Enauacna ỹataqta dalemataỹa camaye qataq ỹataqta lta'araic ca nque'eenaxac naqa'en. Qaq que'eca nhuaxanaguec saishet da isotta, nachaqrata da nque'etaxangui na norec le'eraxa qataq nam quiquiaxaraic maye ỹavictaigui. Qaq nam qui'itta namaxashecpi piguem le'ecpi qataq Ñi Qagueta Llalec ỹauaachigui da nque'eenaxac camaye.

Zacarías 8:13

Qaq qami' Judá le'ecpi, qataq qami' Israel le'ecpi, maye qami' ỹasaqtegueleguete na qauem nam qaualliquiita'aguet co'ollaxa ỹotta'a't shiỹaxauapi, qaq nache 'eetec nagui da Aỹem qami' ñeca'alaxatrec, qataq qami' chegoqchiguilo ñaqa'en da no'on. ¡Qaq saishet qome da qayi'iitac! ¡Nacherata da qana'añaxache!»

Nahúm 1:6

Qaq ¿negue'tom cam ishet da nachaateguet da layeloxo Ñimaye? Qataq ¿negue'tom cam ishet da nalota'aguet da layeloxo? Qaq de'era layeloxo Ñimaye 'eeta'am ca norec, qataq da choche nlectelec aca coma' late'erai nache acamaye dolagui.

Daniel 9:27

Qaq huaigui qome ca lỹa la semana nache que'eca nta'a naỹamaxate' qome ca qalota shiỹaxauapi, qalaxaye ca laiñi que'eca la semana, nache ỹa'axaneguet qome na nachetaqtaxanaxatpi maye qaỹavigaxatta, qataq ana laỹe nachetaqtaxanaqtepi. Qaq huo'o qome ca ỹataqta qauem qaỹo'ot da hualec qanqa'en añi nca'atoxonaxalate maye lmalate na nachetaqtaxanaxat qaỹavigaxatta, nache ivitta'a da cam nlaqtaxanaxac maye qalapaxañi co'ollaxa talec cam ỹo'ot de'era qauem.»

Daniel 9:11

'Enauac na Israel le'ecpi saỹalaxaguet na 'arapaxaguenataxanaxacpi qataq 'aramaxasoxonaxacpi, ỹoqo'oye qomi' taleguete dam qauem, qataq da qoỹan co'ollaxa na'aqtac, maye nanettalec aso lmalate na lamaxasoxonaxacpi so 'aramaxashec Moisés, cha'aye huo'o da qarasouaxashet 'am hueto'ot.

Ezequiel 22:22

Qaq 'eeta'am da 'eetec da qanqatel ca lcat plata qaỹachaigui aca nqatelaxanaxaqui, qaq nache 'eetec qome da qami' qanqate'l, qom huangui ye laiñi ye huaqta'a't nỹecpi. Qaq huaña qome nache qauaỹachiñi da Aỹem Nataxala', qami' semataleguete da ỹayeloxo.»

Lamentaciones 4:11

Ñim Nataxala' co'ollaq mashe ivita so laloqo' da layeloxo, nache saishet da ỹañoxot da nllañi nache ỹavigaxat ye Sión, nache ỹataqta ilaxachigui ivira'a so lo'oxonaxala'pi.

Lamentaciones 2:4

Ñim Nataxala', 'eeta'am ca pa'aguenaxaua da ichegaxaalec ca lchecnec, qataq ỹa'añaxaalec na aloiguishec lhuaq, 'eeta'am ca loquiaxaua, qataq ilaxachigui na huo'o da lyac da qailota'a. Qataq anacot da nnogoxonaxac, 'eeta'am ca norec da talec naqa'en so npe'lpi yem huo'o da lyac Sión.

Jeremías 29:22

Yaqto' nam qanqateeguesop co'ollaxa ye Judá maye netaña nagui ye Babilonia da huo'o ca ỹasaxalec ca qauem la'aqtac ca lỹa qalaq, 'eeta': Ñim Nataxala', 'am ỹo'otec qome ca 'eeta'am dam ỹo'otec co'ollaxa soua Sedequías qataq so Ahab, maye ñi nta'a ye Babilonia ỹauo't co'ollaxa.

Jeremías 26:6

huaña qome nache ana'ana atamnaxaqui so'otec dam 'eeta'am co'ollaxa aso naña ye Siló. Qataq so'otec qome ne'ena huaqta'a't nỹecpi da naloqnaxanaxat da huo'o ca qauem ca qaỹasaxalec, 'enauac na ỹotta'a't shiỹaxauapi ana 'alhua.›»

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.

Jeremías 6:11

Qaq aỹem nlaqchigui da 'arayeloxo 'am Ỹataxala', qaq mashe saishet da ñalo'oguet.» Nache Ñim Nataxala' aỹem 'enapega, 'eeta': «'Aucorelec da 'arayeloxo na ñaqpiolec maye huetangui na nqa'aicpi, qataq na nsoxoppiolec maye laỹootega't cha'aye qaỹaconeua'a qome da qaicoñe' na ỹalleppi qataq ana lhuapi qataq na ỹa'axaiquipi maye qaỹoqtegue da llaxa.

2 Crónicas 34:25

Cha'aye aỹem ca'ai namayepi, qataq ỹavigaxat so lchenaxanaxat da ỹaatacot so ỹaqa'a atamnaxala'pi, nache ỹo'ot da ỹataqta salemata, souaxat 'enauac nam ỹo'otpi, qaq ỹoqo'oye ỹataqta 'eroigui da ỹayeloxo, maye talec qome ne'ena 'alhua, nache saishet qome da 'om.

Números 5:27

Qaq da ỹoqta 'eesa da saỹalemaq acamaye, nache que'eca 'etaxat maye ỹo'ot ca nhuaxanaguec, chemgui naqa'en na lauel, nache ỹashiiyigui, qataq ỹo'ot da saishet da deco'o. Nache da ỹalectaigui ca lauo' le'ecpi acamaye qalaq huetalec que'eca qauem nhuaxanaguec.

Isaías 30:3

Qalaxaye da la'añaxac ñi Faraón ỹo'ot qome da lcoxo namayepi, qataq da deuaqtacot na lpaqal ye Egipto ỹo'ot qome da qaica ca 'enec namayepi.

Jeremías 23:40

Qataq chochaq tatec qome ñaqa'en, da qaica ca 'eneque qanqa'en qami', qataq chochaq tatec da qara'agaqai, nache damaye saishet qome da qaucoviỹa'ai.»

Jeremías 33:5

Na Babilonia le'ecpi anac da yaqto' iloquiaxan na huaqta'a't nỹecpi nache nlaxatchigui namaye na leuaxaicpi. Qaq souaxat da ỹayeloxo qataq da inogoxonaxac, nache saishet da selogui ne'ena huaqta'a't nỹecpi, qaq seque'emaqchet namayepi souaxat 'enauac nam ỹo'otpi maye qauem.

Jeremías 44:6

Qaq ỹoqo'oye 'eroigui da ỹalemataic, qataq da ỹayeloxo, nache nalaqaasheguem 'eeta'am ca norec da ỹavigaxat so huaqta'a't nỹecpi maye ỹotta'a't naua nañalo ye Judá, qataq so nqa'aicpi ye Jerusalén. Nache ỹataqta nlachiguiñi qataq toolec choche ivitta'a nagui.›

Jeremías 44:8

¿Ta'ainco' da Aỹem qanogoqcheche souaxat nam qauo'ocheetacpi, qataq qaỹa'añiỹot na qarchenaxanaxache maye ama na laita nam ỹaqa'a atamnaxala'pi ne'ena Egipto, maye qauanaiỹa co'ollaxa da qoñiỹalec? Qaq nam qauo'ocheetacpi nachena qome na maiche qami' ilaxachiguilo, qaq huaña nache qami' naloqnaxanaqa'ate nam qauem, qataq da qaica ca qara'amaqchiqui da qaualliquiitaigui 'enauac nam ỹotta'a't shiỹaxauapi ana 'alhua.

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Ezequiel 20:34

nache qami' ñeqateeguesopa nam nhuo' le'ecpi, qataq nam 'alhuapi, maye qoviita'a da qanlagaxacheetac, nache qami' llaỹona't sauota'a da lta'araic ỹa'añaxac, qataq ñashetcheguem da inogoxonaxac.

Lamentaciones 2:6

Qataq ỹamaxañi so lpe'l, 'eeta'am naqa'en da ỹamaxañi ca npe'l maye hueta'a ca nañiguishe lma', qataq nlaxaañi som huaña naxa na naponaxac. Ñim Nataxala' ỹo'ot da nam hueta'a ye Sión, icoua'ai nam naponaxacpi, qataq yem na'a'q mataxaqui. Qataq co'ollaq 'eroigui da nnogoxonaxac Ñimaye, nache dataỹa'aguet so nta'a, qataq so ntaxaỹaxanaxanecpi.

Oseas 7:16

Namayepi ỹe'eguelaxa na saq 'en atamnaxala'pi, nache 'eeta'am ca checnec da namaxagui. Qaq nam lataxala'pi qairolec ca ỹeelonec da qaỹalauat, souaxat da na'amaqte'n naua la'aqtaqa, nache huaña ye Egipto da qane'eetapigui qome namayepi.