Jeremías 42:16 - La'aqtaqa Ñim Lo'onatac 'Enauacna 2013

¹⁶ nache da alaataxac qataq da nqouaxa maye ỹataqta qaye'eetaique damaye qami' ivira'alo qome, qaq nache qoviỹaña qome da qaullivi.

Jeremías 42:16 Referans Kwoze

Ezequiel 11:8

¿Peta'a qaye'eetega ca alaataxac? Qalaxaye Aỹem qami' nagueleguete ñaqa'en qome ca alaataxac. Qaq 'era da ỹa'aqtac Aỹem Nataxala'.

Jeremías 44:27

Cha'aye Aỹem qami' ñauaataleguete qome, da yaqto' qami' ñamaxalo ca qauem, qaq saishet da qami' ñamaxalo cam no'on. Qaq 'enauac na Judá le'ecpi maye netaña na Egipto, ỹataqta nmichiguiñi qome da ileu, ileuaigui ca alaataxac huo'otaq ca nqouaxa.

Juan 11:48

Cha'aye qomi' da sa'axasoqta'a Somaye, nache 'enauac na shiỹaxauapi ỹa'amaqten da nacheso So Lca'aguishec Ñim Lo'onatac 'Enauacna. Nache anac na romanopi, nache ilaxachigui añi qaro'onaxanaxaqui late'erai qataq nam qarhuo' le'ecpi.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Jeremías 42:13

Qalaxaye qami' da saishet da qauaỹamaxayiñi da qoñiỹalec ne'ena 'alhua, qataq da saqaualaqaiguet Ñim Nataxala', maye Qanatamnaxala'ai,

Proverbios 13:21

Na qauemsat qalaq ca'attapiguiñi' na 'etaxaloxoicpi, qaq na no'on da lataxac qalaq nsheetenaxat da ỹaỹamaqchiguiñi.

Deuteronómio 28:45

Qaq 'enauac que'eca qauemsat 'am naguelec qome, qataq cam 'aigue nache 'am icaalec, qaq da 'am ivi' nache iviraxata'a da 'am ỹalauat, souaxat da saishet da 'aualaxaguet Ñim Nataxala' maye 'Anatamnaxala', qataq saishet da 'aualaxaguet na lamaxasoxonaxacpi, qataq na lapaxañi lataxacpi Ñimaye.

Deuteronómio 28:22

Nataqa'en 'am namaxa ca ỹotta'a't napiina maye dalaataxanapec, qataq ca lta'araic napaxa, qataq ca ỹo'ot na nalaache. Qataq ca lta'araic napaxaỹaxa, qataq ca lqaxaỹaxa na 'alhua, qataq huo'o ca lalaxat ca 'añiguishecpi, nache ỹataqta 'am saq nañaxaasheguem, ivitta'a da ỹataqta 'am ỹalauat.

Deuteronómio 28:15

Qalaxaye da saishet da 'aualaxaguet Ñim Nataxala' maye 'Anatamnaxala', qataq da saishet da 'auo'ot 'enauac na lamaxasoxonaxacpi, qataq na lqataxacpi maye 'am samaxalec nagui da 'auo'ot, nache 'am talec qome 'enauac ne'ena qauem 'anhuaxanaguecpi:

Jeremías 27:8

Qaq da huo'otaq huo'o ca ỹotta'a't shiỹaxauapi, huo'otaq nta'alpi da saishet nañanot ñi Nabucodonosor, nache Aỹem sauo'o qome ca nhuaxanaguec serolec ca alaataxac, nqouaxa qataq napiina, nache choche ivitta'a da nañaneguet da lamaxasoxonaxac ñi Nabucodonosor. Qaq 'era da ỹa'aqtac Aỹem Nataxala'.

Jeremías 41:18

da yaqto' naneltaxaneguet so caldeopi, cha'aye huo'o da lcolanaxa souaxat da so Ismael ỹalauat so Gedalías, maye so nta'a ye Babilonia ỹanagui co'ollaxa da nta'a da ilo'ogue yi'iye 'alhua.