Jeremías 42:14 - La'aqtaqa Ñim Lo'onatac 'Enauacna 2013

¹⁴ da qoñiita': ‹Qomi' qarhuennataxac da ñeqo'onaxa da sonaqaña ye Egipto, yem huaña da saishet da selaqa'a ca alaataxac, qataq saishet da sa'axasoqtega ca l-lamaxa aca nasheere, qataq saishet da qomi' ỹalauat ca qarqouaxa,›

Jeremías 42:14 Referans Kwoze

Jeremías 41:17

Nache jec somayepi nache ivitta'a ye Guerut Quimán maye huaqta'ai' ye Belén, yem huaña co'ollaxa da vi'iiguet. Qaq somayepi lhuennataxac co'ollaxa da ivira'a ye Egipto

Jeremías 4:19

¡Ỹataqta mashe sa ñalo'oguet da ñequi'ic! ¡Ỹataqta seuet añi iquiyaqte! ¡Saishet da ñamaañi qataq saishet da she'emaqta! Cha'aye sa'aqtega da l-lamaxa ana nasheere qataq da na'alaxac da qaỹa'alaqtalec da alaataxac.

Jeremías 4:21

¿Chaq laguio' qaq ime da selota'a ana na'anaxanaqtepi, qataq da sa'aqtega da l-lamaxa ana nasheerepi?

Isaías 31:1

¡Qaq choxoraxaso' nam taỹa ye Egipto da nmitaique ca ntaunaguec, nam pe'etega na qalota caipi qataq naquittega ana qalota naigonapi, qataq nam qalota alleppi maye nalaataxala' na caipi, qalaxaye sa ỹamato'ot Ñim Qui'itta Natamnaxala' na Israel le'ecpi, qataq saishet da nmitaique Ñim Nataxala'!

Éxodo 16:3

Nache 'enapeco' somayepi: «¡'Onaxaictoxo' co'ollaxa Ñim Nataxala' da nache qomi' ỹalauatraña ye Egipto! Cha'aye co'ollaq sonaqtaña yemaye, qalaq ñeso'onaqtaisop naxa ana qarataxaqui maye laỹe' na lapat qataq ỹataqta qomi' comaraxaiqa da sequia'aq. Qalaq che 'eeto' qami' ye qomi' qanqacheerec da qomi' qanaviquiugalo na toolec 'alhua da 'enauac qomi' qaualaacheque na qarqouaxa.»

Jeremías 43:7

Qaq 'era da 'eetec somayepi, da saỹalaxaguet da lamaxasoxonaxac Ñim Nataxala', nache 'enauac somayepi da taigue da Egipto, nache ivira'a co'ollaxa ye nỹecpi maye naña ye 'alhua Tafnes.

Isaías 30:16

nacherata da qoñiita': «saishet, qomi' sataxauec qome sonaxalec na caipi.» Aja', nache 'eetec qome da qauataiuec. Qaq nataqa'en qoñiita': «Sonaxangui qome ana naigonapi maye ỹataqta qayaqaipi.» Aja', qaq nache 'eetec qome da ỹataqta qayaqaicpi cam qami' icana'ape.

Deuteronómio 29:19

Qaq qom ime da qana'axaỹaxañiitega ne'ena qoỹan na'aqtacpi, nache da huo'o ca 'oonolec da qoñiita da ipi'itaxaatega da no'on da lataxac, nache 'eeta': 'Enauac na so'otpi ỹaỹamaqchiguiñi, na'aictaxa da so'ot nam maiche sheetapeguecpi nache camaye nacheca ca qami' ỹasouaxa't qome.

Números 16:13

Peta'a ¿'Aupi'itaxaatega da saq 'amaqtaq da 'auo'ot, da qomi' 'anqateeguesopa ye 'alhua maye chochaq huañi na huaca lche', qataq na te'esaq lli'i, nache qomi' 'anauegalo na toolec 'alhua, da yaqto' seleuaqaña 'anqa'en, qataq da qomi' 'ampa'axaaleguete da qomi' 'aralamaxatpi?

Éxodo 17:3

Qalaxaye se'eso nhuo' le'ecpi ỹataqta huo'o na laquip, ỹoqo'oye 'eetega so Moisés, 'eeta': «¿Che ta'ainco' da qomi' 'anqateeguesopa co'ollaxa ye Egipto? ¿Choche qomi' 'aualaateque na qaraquip, qataq na qoyalaqpi qataq na qana'atetpi?»

Números 14:3

¿Ta'ainco' Ñim Nataxala' da qomi' nauegalo ne'ena 'alhua da yaqto' qomi' qaira'alo ca ỹeelonec da qomi' qaỹalaua't, qataq da na qampa'aguenaxauapi ỹacona ana qaramoxouapi, qataq na qoyalaqpi? ¡Ỹoqo'oye 'onaxaictoxo' da she'eguelaxasoxogue da Egipto!»

Números 14:4

nache 'enauac somayepi detaqtega't, 'eeta': «¡Sanaxasheguem ca 'oonolec da shenaqta da yaqto' qarataxala', nache she'eguelaxasoxogue da Egipto!»

Deuteronómio 17:16

Qataq que'eca nta'a saishet qome da qalota ca lalo caipi, qataq saishet da ỹamaxa ye Egipto ca shiỹaxauapi da yaqto' nquiguec ca lalo caipi, cha'aye Ñim Nataxala' qami' 'enapegalo co'ollaxa, 'eeta': ‹Saishet qome da qaltaq qavi'iguelaqaigue ne'ena qoyiqui›

Isaías 30:2

Qataq namayepi saishet da aỹem inattac, nacherata da sanaỹaloxon da taỹa ye Egipto, da dequiguiỹo'ot ñi Faraón da npaxaalec namayepi, qataq nache deuaqtacot na lpaqal ye Egipto.