Jeremías 42:10 - La'aqtaqa Ñim Lo'onatac 'Enauacna 2013

¹⁰ ‹Da qami' qarhuennataqai da qoviỹa'a ne'ena 'alhua, nache Aỹem qami' sanema da qaica ca qaviñiitaique, qaq saishet qome da qami' selaxachiguilo nacherata da qami' saayiñi nache saishet da qami' ñapogoyeshegue'm, cha'aye huo'o da ñetogotaxac da qami' ñamaxalo co'ollaxa se'eso qauem.

Jeremías 42:10 Referans Kwoze

Ezequiel 36:36

Qaq huaña qome, nache nam qarhuoreuai nhuo' le'ecpi maye ñaq nca'altauec, ỹaỹaten qome da Aỹem Nataxala', maye qaltaq ño'oxoosheguem nam qailaxachigui co'ollaxa, qataq she'eguelaxa da saalec nam toolec co'ollaxa. Qaq 'era da ỹa'aqtac Aỹem Nataxala', qaq damaye ipacchigui qome ñaqa'en.

Jeremías 31:28

Qaq dam 'eetec co'ollaxa da Aỹem lhuotta da ñapogosheguem, sa'axasoxooñi qataq huetaiya' ñaqa'en, selaxachigui qataq so'otec da qauem, qaq nache 'eetec nagui da Aỹem lhuotta da yaqto' ño'oxoosheguem qataq saañi. Qaq 'era da ỹa'aqtac Aỹem Nataxala'.

Jeremías 24:6

qataq ñepaxattalec, qataq ñe'eguelaxata qome ne'ena 'alhua. Qaq nache huaña qome ne'ena da qaica ca iueetaique, qataq saishet qome da qaltaq she'eguelaxa da selaxachigui namayepi, saañi qome namayepi, nache saishet da qaltaq ñapogosheguem.

Joel 2:13

¡Qataq qavi'eguelaqaỹa Ñim Nataxala' maye Qanatamnaxala'ai, qaumachiỹo'ot da qarquiyaqteỹaxaqui, qaq saishet da nachenaua naua qorogolli' da qancolaxacheeta'alo! Cha'aye Ñimaye soxoraic, hualaxaunaxaic qataq choxonnataxanaxaic, qataq qaỹaloqchiguinguit da lalemataic. Qataq ỹataqta lta'araic da lauotaxanaqtaic, qataq huo'o da nqui'ic da ỹan ca lhuaxanaxanaxac.

Amós 7:6

Huaña nache Ñim Nataxala' huo'o da lchoxonnataxanaxa, nache 'eeta': ¡Nataqa'en de'era, saishet qome da sepaca'a da so'ot!

Jeremías 33:7

Qaq ñaralaxat qome da na'achecỹaxac na Judá qataq na Israel, qataq she'eguelaxata da nauaqsheguem ñaqa'en, da yaqto' ỹe'eguelaxa da 'eeta'am so hua'auchiguiñi lataxac.

Jonás 4:2

Ỹoqo'oye natamnot Ñim Nataxala', 'eeta': «¡Aicoue, 'Am Nataxala'! 'Era da sheetega co'ollaq soota'a ye ña'alhua, ỹoqo'oye huac da satauec da saỹa ye Tarsis, cha'aye saỹaten da 'Am maye 'Aro'onatac 'Enauacna, qaỹoqchiguinguit da 'aralemataic, cha'aye 'am soxoraic, choxonnataxanaxaic, huotaxanaqtaqaic, qataq ishet da 'anaralaxat ca 'arhuennataxac da sa 'aupaguelec cam qauem maye 'autaxaỹa da 'auo'ot.

Jonás 3:10

Qaq Ñim Lo'onatac 'Enauacna, co'ollaq ila'a da so netaña ye Nínive ỹaxanec nam qauem maye ỹo'ottacpi, nache Ñimaye saishet da ipaca'a da ilaxachigui.

Amós 7:3

Huaña, nache Ñim Nataxala' huo'o da lchoxonnataxanaxa, nache 'eeta': ¡Aỹem saishet qome da sepaca'a da so'ot de'era!

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

Éxodo 32:14

Nache Ñim Nataxala' nmooñi da layeloxo, nache ỹaxaañi da ỹauotaique nmatchiguiñi so lalamaxat nhuo' le'ecpi.

Hechos 15:16

Qom ime de'era, nache Aỹem ñe'eguelaq, da yaqto' qaltaq ñauaxaỹaxaasheguem ñi lauo' so David maye mashe nlaguiñi; nache qaltaq ño'oxoosheguem cam ñaq huo'o,

Jeremías 26:19

¿Qaq peta'a so nta'a Ezequías qataq 'enauac so nhuo' le'ecpi ye Judá, ỹalauat co'ollaxa so Miqueas? 'A'i, maye nacherata da so nta'a huo'o co'ollaxa da lcolanaxa Ñim Nataxala', nache iỹaxanot da yaqto' ichoxoren somayepi. Huaña nache Ñim Nataxala' saishet co'ollaxa da namaxa somayepi cam qauem maye ỹa'axatta'a co'ollaxa. Qalaxaye qomi' sauoqtaique da maiche qomi' taleguete ca qauem.»

Salmos 106:45

nache tachigui naxa ye lauel da naỹamaxataxac co'ollaq naỹamaxate' somayepi, nache naralaxat da lhuennataxac souaxat da lta'araic lauotaxanaqtaic.

Salmos 102:16

Cha'aye Ñim Nataxala' ỹoltaq no'oxoosheguem qome ye Sión, nache qaỹauaachigui da llo'oxoyec Ñimaye.

Salmos 69:35

Cha'aye Ñim Lo'onatac 'Enauacna nca'alaxatec qome ye Sión, qataq no'oxoosheguem na huaqta'a't nỹecpi ye Judá, qaq nache naña yemaye na nhuo' le'ecpi, da ỹauo'o lalamaxat yi'iye 'alhua.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

2 Samuel 24:16

Qaq so nale piguem le'ec Ñim Nataxala', co'ollaq mashe huotaique da nlaxaañi ye Jerusalén, nache Ñim Nataxala' ntogottague' de'era qauem maye ỹo'ot, nache 'enapega so lamaxashec piguem le'ec maye ỹalauattac se'eso shiỹaxauapi, 'eeta': «¡A'aye, 'axaañi de'era 'auo'ottac!» Qaq se'eso namaxashec piguem le'ec, hueta'a co'ollaxa ye lchegoxosoxonqa' so Arauna som jebuseo, maye ichegoqtac na trigo.

Jueces 2:18

Qaq naxa Ñim Nataxala', da ỹauo'o na nauaxaỹaxaasheguem nataxala', nache ỹataqta itauaatac, qaq naxa da ña nca'altauec ñi nataxala', nache isoueeguesop na Israel le'ecpi da la'añaxac na mpa'aguenaxauapi, cha'aye Ñimaye ỹataqta huo'o da lchoxonnataxanaxa da hua'aqtega da la'alaxac ne'ena lalamaxat nhuo' le'ecpi, souaxat da sa nañaxaasheguem da lachetataic.

Deuteronómio 32:36

Ñim Nataxala' deloclec qome na lalamaxat nhuo' le'ecpi, da ila'a da mashe qaica ca la'añaxac, nache Ñim Nataxala' choche ichoxoren qome ne'ena lamaxashecpi, qom ila'a da mashe imeuo, cam huo'o da la'añaxac.

Jeremías 27:11

Qalaxaye cam shiỹaxauapi maye nañaneguet da la'añaxac ñi nta'a ye Babilonia, camayepi sa'aqta'a qome da no'onalec nam na'alhua da yaqto' nache netalec, qataq danaxaateguelec. Qaq 'era da ỹa'aqtac Aỹem Nataxala'.»

Jeremías 43:4

Qaq 'era da 'eetec so Johanán, qataq som lataxala'pi so alleppi, qataq som laỹepi shiỹaxauapi, da saishet da naña yem na'alhua so Judá, nache saishet da ỹalaxaguet da lamaxasoxonaxac Ñim Nataxala'.

Jonás 3:4

Nache so Jonás, inoxoneua'a se'eso huaqta'a't nỹecpi, nache imauec so 'oonolec na'a'q da queuotapigui da da'aqtaxaatac, 'eeta': «Qom ivildec naua cuarenta na'axa'te, nache nam Nínive qailaxachigui qome.»