Jeremías 41:5 - La'aqtaqa Ñim Lo'onatac 'Enauacna 2013

⁵ nache nvi' som ochenta ỹalleppi chegaqa'a ye Siquén, Siló, qataq ye Samaria, qaq somayepi ỹataqta npetecta ana lqa' laue, qataq colaqta'ape naua logo, qataq huo'o na lque'emaxa na lo'oc maye maicheso somayepi da ỹo'ot. Qataq nachetac nataqa'en so ala na nañiguishec qataq so lchenaxanaxat maye ama na laita da yaqto' ỹanot Ñim Nataxala' da lachetaqtaxanaxat da huaña aso atamnaxaqui.

Jeremías 41:5 Referans Kwoze

1 Reyes 16:24

Qaq somaye desheenaxana co'ollaxa añi qasoxonaxa maye naña ye Samaria, maye lalamaqte so Semer, nache sesenta y seis kilos so lcat plata so lasheue, qaq nache ỹanaña yemaye da no'oxoosheguem so huaqta'a't nỹecpi, nache ỹanagui da le'enaxat Samaria, cha'aye le'enaxat Semer, som hua'auchiguiñi lalamaxat yemaye.

2 Reyes 25:9

Nache somaye ỹavigaxat co'ollaxa aso atamnaxaqui maye lalamaqte Ñim Nataxala', qataq so nma' lta'araic maye lo'onataxanaqa' so nta'a, qataq 'enauac se'eso huaqta'a't nỹecpi ye Jerusalén, qataq so lma'pi som ỹo'oxoraicpi ỹalleppi.

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

Deuteronómio 14:1

Ñim Nataxala' maye Qanatamnaxala'ai, Ñimaye qami' llalqa. Qaq ỹoqo'oye da huo'o ca ileu, nache saishet da huo'o ca ipelec na lo'oc, qataq saishet da huo'o ca namarec na lqaic souaxat ca lasouaxac.

1 Reyes 12:1

So Roboán taỹa ye Siquén, cha'aye 'enauac so Israel le'ecpi taỹa co'ollaxa yemaye da yaqto' qoỹanagui da nta'a somaye.

Jueces 9:1

So Abimelec maye ỹaqauga llalec so Yerubaal, somaye taỹa ye Siquén da yaqto' detaxaỹapegue' som lauo' le'ecpi maye maiche lqaỹañecpi aso late'e. Nache 'enapego' somayepi, 'eeta':

Génesis 33:18

Qaq so Jacob, co'ollaq chegaqa'a ye Padán Aram, nache co'ollaq ivita ye Canaán qalaq no'oitom, qataq qaica camachaqca da nachaalataxac, nache nalec yem datatta ye huaqta'a't nỹecpi le'enaxat Siquén.

Isaías 15:2

Na shiỹaxauapi maye hueta'a ye Dibón, tasheguema ye natamnaqa' maye nalec na pa'asheguem, añi lcomaraxalate da yaqto' nỹen, qaq ye Moab qalaq huo'o da laquicoxo souaxat da qailaxachigui ye Nebo qataq ye Medeba. Nache 'enauac namayepi da namarec na lqaic qataq ana lqa' laue.

1 Reyes 16:29

Qaq co'ollaq ivi' soua treinta y ocho vi'iye da so Asá, nta'a ye Judá, nache so Ajab, maye llalec so Omri, ỹacoolec da lo'onataxanaxac da ilo'ogue so Israel le'ecpi. Nache veintidós vi'iye da ilotague' so Israel le'ecpi, huaña ye huaqta'a't nỹecpi ye Samaria.

1 Reyes 12:25

Qaq so Jeroboán, qaltaq no'oxoosheguem so huaqta'a't nỹecpi ye Siquén, maye nalec aye qasoxonaxapi ye Efraín, qaq somaye nache naña co'ollaxa yemaye. Ime, nache no'oxoosheguem nataqa'en ye Peniel.

1 Samuel 1:7

Qaq nache 'enauaque soua vi'iye da nache 'eeta'ac de'era aso Peniná, da ỹe'eetac aso Ana naxa da somayepi taua'a aso atamnaxaqui maye lalamaqte Ñim Nataxala', ỹoqo'oye aso Ana ỹataqta nỹeetac naxa, nache saishet da deque'e.

Jeremías 7:14

Qaq ỹoqo'oye dam so'otec co'ollaxa so atamnaqa' maye huaña ye Siló, qaq nache sheetec nataqa'en qome añi atamnaxaqui maye aỹem qoỹanot co'ollaxa, añim qami' sanema co'ollaxa qataq som hua'au qarta'ailpi, añim qaupi'iitega naxa.

Jeremías 7:12

Qanqo'oñiỹa qome ye atamnaqa' maye naña ye Siló, yem hua'auchiguiñi lleca'aguishec da yaqto' ỹanataqa', nache qaumichiñi dam so'otec co'ollaxa yemaye souaxat nam qauem maye ỹo'ot nam ỹalamaxat nhuo' Israel le'ecpi.

Salmos 102:14

Cha'aye na 'aramaxashecpi ỹataqta ỹauotec nam coma'pi maye mashe nlaguiñi, qataq huo'o da nqui'ic da ilotalec na lsoche namaye.

2 Samuel 10:4

Nache so Janún, damaxasoxoolec da qaỹaconeua'a so lamaxashecpi so David, nache qanpetec na 'oonolec laỹe ana lqa' lauepi somayepi, qataq qancolaxatrauec naua laỹel soua lapotol, tachiguiña naua nate' laỹel qanqa'en. Ime, nache qaỹamaq da ỹe'eguelaq somayepi.

Josué 24:32

Qaq soua lpi'ineqa so José, maye so Israel le'ecpi ỹacheta'ape co'ollaq ca'ai ye Egipto, nache qailalyiña ye Siquén, yem 'alhua maye desheenaxana co'ollaxa so Jacob, maye ivi' aso cien lcatpiole plata aso lasheue, co'ollaq desheenaxana se'eso na'alhua so Jamor maye lta'a so Siquén. Qaq se'eso 'alhua nache taỹot da lalamaxat so chegoxoguetpi so José.

Génesis 34:2

Qalaxaye so Siquén som llalec so Jamor, maye jiviita, som nataxala' yi'iye 'alhua, ila'a co'ollaxa asomaye, nache saicherapec co'ollaxa da ỹaconeua'a da lauañi', nache choche ỹe'en.

Génesis 37:12

Qaq huo'o so na'a'q, nache soua lqaỹa't so José nqo'oora ye Siquén, nmittraique ca 'auaqpi da yaqto' aloq aso qaguetapi maye lalo so lta'a.

Jueces 18:31

Qaq somayepi nache neto'ot se'eso nqolac maye lo'onatac co'ollaxa so Micaía, maye netaigui co'ollaxa aso atamnaxaqui maye lalamaqte Ñim Nataxala' maye naña ye Silo.

Salmos 78:60

qataq ca'ai so npe'l maye naña ye Silo, maye lanataqa' naxa da netangui na shiỹaxauapi.

Jeremías 16:6

Na 'amaqtaqaicpi qataq na qaica ca la'amaqchec 'enauac ileu qome huaña ne'ena 'alhua, nache qaica qome ca ilayiñi, qataq qaica ca nỹeelec, qataq qaica qome ca ỹachaxan da nqui'ic souaxat namayepi, da ique'emaqchet da lo'ocỹaxac qataq namarec na lqaic.

Jeremías 41:4

Qaq so lỹa na'a'q co'ollaq ime da qaỹalauat so Gedalías, co'ollaq saxanaxa da huo'o ca ỹaỹaten de'era qanayeuaigui,

Jeremías 47:5

Na shiỹaxauapi ye Gaza qalaq namare'c qome naua lqaigo, na shiỹaxauapi ye Ascalón qalaq qaicaua qome naua la'aqtaqa. Qaq qami' maye qapa'aitec som togoshec shiỹaxauapi logoraicpi, ¿chaq laguio' qaq qaỹa'axañiiñi da qampelequiitala't souaxat da qanqui'iqui?

Jeremías 48:37

'Enauac namarec na lqaicpi, qataq npetec ana lqa' lauepi, qataq 'enauac ỹauo'o na lque'emaxapi naua lhuaxaye, qataq ỹaayiñi naua alogo maye lasouaxaqui'.

Joel 2:13

¡Qataq qavi'eguelaqaỹa Ñim Nataxala' maye Qanatamnaxala'ai, qaumachiỹo'ot da qarquiyaqteỹaxaqui, qaq saishet da nachenaua naua qorogolli' da qancolaxacheeta'alo! Cha'aye Ñimaye soxoraic, hualaxaunaxaic qataq choxonnataxanaxaic, qataq qaỹaloqchiguinguit da lalemataic. Qataq ỹataqta lta'araic da lauotaxanaqtaic, qataq huo'o da nqui'ic da ỹan ca lhuaxanaxanaxac.

1 Crónicas 19:4

Qaq huaña, nache so Janún, damaxasoxoolec da qaỹaconeua'a so lamaxashecpi so David, nache qanamarec ana lqa' lauepi qataq qaicolaxata'aguelo soua alogo, nache tachiguiñalo qanqa'en naua lleegue, ime, nache ỹamaq da ỹe'eguelaxat.