Jeremías 41:15 - La'aqtaqa Ñim Lo'onatac 'Enauacna 2013

¹⁵ Qalaxaye so Ismael, qataq soua ocho nale't ỹañoxo't co'ollaxa da naneltaxaareguet so Johanán, nache je'c da nqo'oora ye na'alhua na Amón le'ecpi.

Jeremías 41:15 Referans Kwoze

Proverbios 28:17

Ca dalaataxan, camaye saishet da vi'iiguet da naneltaxaatac choche ivitta'a aca huachiqui, nache qaica ca ishet da ỹe'egueeta'a da ỹa'axaneguet.

Da na'aqtaguec so Job 21:30

da ivita ca na'a'q da qanlaxaañi 'enauacna, nache ca qauemaic nca'alec, qataq da ivita ca na'a'q da nvi' ca nayeloxo, nache camaye nca'alec?

1 Reyes 20:20

Nache ñi 'oonolec somayepi ỹalauat ñi 'oonolec mpa'aguenaxaua, nache so siiriopi datauec, qaq so Israel le'ecpi, qalaq nache icaatac somayepi. Nache so Ben Adad nelec so caaỹo da datauec, qataq huo'o so lỹatec nalleppi maye netalec so caipi.

1 Samuel 30:17

Nache so mashe yo'oqoolec na 'alhua, nache so David iloquiaxan somayepi, nache ivitta'a so avit so lỹa na'a'q da iloquiaxaatac, qalaxaye cuatrocientos so nsoxoppi so ishet da nca'alec, cha'aye neleco' aso lalo cameellopi nache datauec.

Hechos 28:4

Nache nam lma' se'eso 'alhua co'ollaq ỹauaachigui se'eso na'araxanaq da netaua'a na lhuaq so Pablo, nache somayepi 'enapeco': –De'era ỹale ỹoqta da laataxanaxaic, ỹoqo'oye na'aictaxa da ỹet na 'etaxat, qalaxaye dam nhuaxanaguec maye 'itchiguiñi saishet da ỹashenem da nca'altauec.

Jeremías 41:2

nache so Ismael qataq soua diez ỹale't maye nnaictagueto nachaayiñi nache iroleguete so ỹeelonec da ỹalaua't so Gedalías, maye so nta'a ye Babilonia co'ollaxa da ỹanagui da nta'a da ilo'ogue na lma' ye Judá.

2 Reyes 25:25

Qalaxaye huetoigui co'ollaxa so ca'agoxoic siete, co'ollaq nvita yi'iye 'alhua so Ismael, som llalec so Netanías, qataq laual so Elisama, maye chegoxoguet so nta'alpi ye Judá, nache somaye nnaictague' co'ollaxa so diez ỹalleppi, nache somayepi ntoxonalec da ỹalauat so Gedalías, qataq som Judá le'ecpi, qataq so caldeopi maye itauaatac somaye, huaña ye Mispá.

Jeremías 41:14

Nache somayepi dataỹa'aguet so Ismael, nache ỹe'eguelaxa da datalec so Johanán som llalec so Careaj