Jeremías 41:1 - La'aqtaqa Ñim Lo'onatac 'Enauacna 2013

¹ Qaq so ca'agoxoic siete, nache so Ismael som llalec so Netanías qataq laual so Elisama maye chegoxoguet som llalaqpi so nta'a, jec da taỹa ye Mispá da yaqto' detaxaỹapegue' so Gedalías, qaq somaye nnaictagueto soua diez ỹale't. Qaq huaña ye Mispá, nache co'ollaq ñaq deque'eta'ape,

Jeremías 41:1 Referans Kwoze

Jeremías 40:8

nache somayepi jec lỹatac so lauo' le'ecpi da taỹa ye Mispá da nqo'ona so Gedalías. Qaq somayepi ỹalectaigui so: Ismael som llalec so Netanías, qataq so Johanán qataq so Jonatán maye llalqa so Careaj, qataq so Seraías som llalec so Tanjumet, qataq soua llalqa so Efay maye lma' ye Netofa, qataq so Jezanías som llalec so ỹale maye lma' ye Maacat qataq so nalleppi.

Jeremías 40:6

Qaq huaña nache so Jeremías jec da nqo'ona ye Mispá maye netaña so Gedalías, nache neto'ot somaye, qataq netaigui so shiỹaxauapi maye no'onaña co'ollaxa yi'iye 'alhua.

Salmos 41:9

Qataq ivira'a so ỹataqta ñauochaxaua, som ỹataqta sepe'etega, som iquia'axaua naxa qalaq aỹem dataỹa'aguet.

Juan 13:18

Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»

Ezequiel 17:13

Qaq ime, nache ỹaconeua'a so 'oonolec llalec so nta'a, nache naỹamaxate' somaye, nache 'enapega da ipacchigui so ỹan la'aqtac, qataq ỹauec so shiỹaxauapi 'amaqtaqaicpi yi'iye 'alhua

Jeremías 36:20

Som 'amaqtaqaic nataxala'pi ỹachaña co'ollaxa aso lo'onataxanaxaqui so neraxanaxanec Elisama aso nere, ime nache nqo'oneua'a so lma' lta'araic so nta'a, da yaqto' da'aqtaxanem 'enauac de'era so nta'a.

Jeremías 36:12

nache somaye nqo'oneua'a so lma' lta'araic so nta'a, tateua'a so lo'onataxanaqa' so neraxanaxanec, maye hueta'a 'enauac som 'amaqtaqaicpi nataxala'pi: So neraxanaxanec Elisama, qataq so Delaía som llalec so Semaías, so Elnatán som llalec so Acbor, so Gemarías som llalec so Safán, so Sedequías som llalec so Jananías, qataq som laỹepi nataxala'pi.

Proverbios 27:4

Da nayeloxo ỹataqta qauem qataq da nalemataic ishet da huo'o ca ilaxachigui, qalaxaye da nquiỹaxanaqtaic qaica ca ishet da mpaxata'aguet.

Proverbios 13:10

Da 'amqaanaxac ỹo'oteua'a da loquiaxac, qaq da naỹaanec qalaq hueta'aguet ca sa na'amaqten.

Salmos 109:5

Aỹem so'otec da no'on qalaq namayepi aỹem ỹo'otec da qauem, qaq namayepi aỹem ỹauotec taxa qalaq nda'a't da aỹem nquiỹa.

2 Crónicas 22:10

Qaq aso Atalía, asom late'e so Ocozías, co'ollaq ỹaỹaten da ileu so llalec, nache asomaye nmatchiguiñi da ỹalauat 'enauac so llalaqpi so nta'a ye Judá.

2 Reyes 25:25

Qalaxaye huetoigui co'ollaxa so ca'agoxoic siete, co'ollaq nvita yi'iye 'alhua so Ismael, som llalec so Netanías, qataq laual so Elisama, maye chegoxoguet so nta'alpi ye Judá, nache somaye nnaictague' co'ollaxa so diez ỹalleppi, nache somayepi ntoxonalec da ỹalauat so Gedalías, qataq som Judá le'ecpi, qataq so caldeopi maye itauaatac somaye, huaña ye Mispá.

2 Reyes 11:1

Qaq aso Atalía, maye late'e so Ocozías, co'ollaq ỹaỹaten da ileu so llalec, nache asomaye nmatchiguiñi da ỹalauat som llalaqpi so nta'a.

2 Samuel 3:27

Qaq co'ollaq nvireua'a ye Hebrón so Abner, nache so Joab ỹauegueuga ye 'oonolec laỹe ye ñegueuo so huaqta'a't nỹecpi, cha'aye 'eetega huotaique da ndote' da na'aqtaxane' nache huaña co'ollaxa yemaye da ipalaique lvi' so Joab, nache ỹa'attoiguilo naua lchishe'ete so Abner nache ỹalauat, souaxat da ỹalauat co'ollaxa so Asael.

Jeremías 39:14

damaxasoxoolec da qanqateeguesop so Jeremías so qasoxoc maye nauanaxanaqa', nache qaipataxaguet so Gedalías som llalec so Ahicam qataq laual so Safán da yaqto' ỹauega so Jeremías so maiche lma'. Qaq 'era da 'eetec da so Jeremías ỹe'eguelaxa da netaigui se'eso huaqta'a't nỹecpi.

Jeremías 40:5

Qaq da 'auauotaique da 'avi'eguelaq, nache 'avi'eguelaxa ñi Gedalías maye llalec so Ahicam qataq laual so Safán, maye ñim nta'a ye Babilonia ỹanagui ñimaye da nta'a, da ilo'ogue ye huaqta'a't nỹecpi maye ỹotta'a't naua nañalo ye Judá, nache qono'ot qome ñimaye qataq ye maiche 'aralamaxat 'arhuo' le'ecpi. Qaq 'anqo'ona qome cam 'arauela.» Ime, nache so lataxala' na alleppi ỹauo'o so nme qataq so aloq so Jeremías, ime nache ncoyeguene'.

Jeremías 40:13

Qaq so Johanán som llalec so Careaj, qataq 'enauac so laỹepi lataxala' so alleppi maye huetauga na no'onaxa, taỹa ye Mispá da yaqto' nauane' so Gedalías,

2 Reyes 25:22

Qaq so Nabucodonosor maye nta'a ye Babilonia, ỹanagui da nta'a so Gedalías, som llalec so Ajicán, qataq laual so Safán, da yaqto' ilo'ogue som shiỹaxauapi maye somaye no'onaxatalec co'ollaxa ye Judá.

Jeremías 40:7

Qaq som 'amaqtaqaicpi nataxala'pi qataq so alleppi maye judiopi, maye ñaq netauga ye no'onaxa, la'axaỹaxac co'ollaxa da so nta'a ye Babilonia ỹanagui da nta'a da ilo'ogue ye 'alhua so Gedalías som llalec so Ahicam qataq da ipataxalec da ilo'ogue so ỹalleppi qataq so 'alpi qataq so ñaqpiolec maye llalaqpi som shiỹaxauapi maye ỹataqta choxoraqpi maye hueta'a yi'iye 'alhua, maye saishet co'ollaxa da qaỹauega ye Babilonia da qaicoñe',