Jeremías 40:9 - La'aqtaqa Ñim Lo'onatac 'Enauacna 2013

⁹ Nache so Gedalías ỹanem somayepi da la'aqtac, 'eeta': «Saishet qome da qayi'iitac da qanañañiỹot na caldeopi. Nache qoñiỹaña qome ne'ena 'alhua, qataq qanañañiỹot qome ñi nta'a ye Babilonia, yaqto' sana'aigue da qanachaalataxaqui.

Jeremías 40:9 Referans Kwoze

Jeremías 27:11

Qalaxaye cam shiỹaxauapi maye nañaneguet da la'añaxac ñi nta'a ye Babilonia, camayepi sa'aqta'a qome da no'onalec nam na'alhua da yaqto' nache netalec, qataq danaxaateguelec. Qaq 'era da ỹa'aqtac Aỹem Nataxala'.»

2 Reyes 25:24

Qaq so Gedalías, ỹanem co'ollaxa da la'aqtac somayepi, qataq som nalleppi, nache 'eeta': «Saishet qome da qayi'iitega da qami' ỹamaqta'ape na caldeopi, nache qoñiitalec qome ne'ena 'alhua, qauo'onataxañiỹot qome ñi nta'a ye Babilonia, nache ỹataqta qaica cara qome da qoñeeta.»

Salmos 128:2

Qom chectac ca aloq maye chegaqaigui da lo'onataxanaxac, qalaq ỹataqta machiguiñi qataq no'on da llecỹaxac.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

Génesis 49:15

Co'ollaq ila'a so 'alhua da ỹataqta 'onaxaic qataq ỹaỹamaqchiguiñi da mataqa', nache ica'amaxachigui na l-laq da ỹache so lla'ac, nache qaica ca la'aqtac da nañaneguet da nlatac.

Lamentaciones 1:1

¡Choxoraxaso' som huaqta'a't nỹecpi maye nlaqchigui co'ollaxa na shiỹaxauapi! ¡'Eeta'am da lataxac aca pa'ai, som huaqta'a't nỹecpi maye na'attaua'a co'ollaxa nam laỹepi shiỹaxauapi! ¡Qoỹaneguet nagui da ỹo'ottac nam qapa'atta no'onatacpi, asom nate'e maye ilotague' co'ollaxa da no'onataxanaxac!

Lamentaciones 5:9

Sanaxaguet da lchec da qanachaalataxac da yaqto' sanataxa ca qonoq, na'aictaxa da coleetega't na alaataxaicpi ye toolec 'alhua.