Jeremías 40:8 - La'aqtaqa Ñim Lo'onatac 'Enauacna 2013

⁸ nache somayepi jec lỹatac so lauo' le'ecpi da taỹa ye Mispá da nqo'ona so Gedalías. Qaq somayepi ỹalectaigui so: Ismael som llalec so Netanías, qataq so Johanán qataq so Jonatán maye llalqa so Careaj, qataq so Seraías som llalec so Tanjumet, qataq soua llalqa so Efay maye lma' ye Netofa, qataq so Jezanías som llalec so ỹale maye lma' ye Maacat qataq so nalleppi.

Jeremías 40:8 Referans Kwoze

Jeremías 42:1

Qaq 'enauac so lataxala'pi so alleppi nataqa'en ỹalectaigui so Johanán som llalec so Careaj qataq so Azarías som llalec so Osaías qataq 'enauac so shiỹaxauapi, ñaqpiolec qataq so ỹepi, nqo'ona co'ollaxa so

Deuteronómio 3:14

Nache so Yaír maye chegoxoguet so Manasés, somaye ỹacona ye 'alhua ye Argob, ivitta'a ye loga't ye 'alhua ye Gesur, qataq ye Macá, qataq naralaxat da le'enaxat ye Basán, nache ỹanagui da Havot Yaír. Qaq de'era le'enaxat ñaq 'eetalec ivitta'a nagui.

Jeremías 43:2

nache so Azarías som llalec so Osaías, Johanán, som llalec so Careaj, qataq som laỹepi ỹalleppi maye qaica ca iren, 'enapega so Jeremías, 'eeta': «¡Dam 'aua'axattac damaye saq'en! Ñim Nataxala' maye Qanatamnaxala' saishet da 'am ỹamaxalec da qomi' 'aua'aqtaxanema da saishet da saxague da Egipto.

Jeremías 42:8

nache somaye iỹaxana so Johanán som llalec so Careaj qataq so lataxala'pi so alleppi maye nnaictague' qataq 'enauac so shiỹaxauapi, ñaqpiolec qataq so ỹepi,

Jeremías 40:6

Qaq huaña nache so Jeremías jec da nqo'ona ye Mispá maye netaña so Gedalías, nache neto'ot somaye, qataq netaigui so shiỹaxauapi maye no'onaña co'ollaxa yi'iye 'alhua.

Nehemías 7:26

Qaq som ỹalleppi maye lma' co'ollaxa ye Belén qataq ye Netofa, ivi' ciento ochenta y ocho ye lcata.

Esdras 2:22

Qaq so chegoqchiguiñapi ye Netofa, ivi' cincuenta y seis ye lcata.

2 Samuel 10:8

Nache so amoniitapi taỹa so ñegueuo so huaqta'a't nỹecpi, nache naỹamaxat da nalat, qaq so siiriopi maye lma' ye Soba, Rejob, qataq so Istob le'ecpi, qataq so alleppi ye Macá, tauga so no'onaxa da naỹamaxat.

2 Samuel 10:6

Nache so amoniitapi co'ollaq nanoma da dalemata so David, nache iỹaxana qataq ỹauo'o aso nsheetenaqte so veinte mil alleppi siiriopi, maye lma' ye Bet Rejob, qataq so lma' ye Soba qataq so mil nalleppi so nta'a Macá, qataq so doce mil Istob le'ecpi.

Josué 12:5

Qaq so ilotague'pi somaye nache chegoqchiguiña añi qasoxonaxa Hermón, maye pa'aỹa'ague da sheu', qataq chegoqchiguiña ye Salca maye pa'aỹa'ague da nala' lliguisheguem, qataq 'enauac ye 'alhuapi ye Basán, nache ivitta'a so loga't ye 'alhua Gesur, qataq ye Macá, maye pa'aỹa'ague da avit, nache ivitta'a so laỹe ye 'alhua Galaad maye lalamaxat so Sijón, som nta'a ye Jesbón.

Jeremías 43:5

Maye nacherata da so Johanán, qataq 'enauac som lataxala'pi so alleppi laỹona't som saq 'amaqtaq laỹepi shiỹaxauapi maye ñaq hueta'a ye Judá, qaq somayepi nacheso som laguelec co'ollaxa na laỹepi 'alhuapi, maye ñe'eguelaxa ye Judá da yaqto' qaltaq naña yemaye;

Jeremías 40:11

Qaq nataqa'en na judiopi maye hueta'a ye Moab, Amón, Edóm, qataq na hueta'a na laỹepi 'alhuapi la'axaỹaxac co'ollaxa, da so nta'a ye Babilonia ỹasheetem na judiopi da huo'o na no'onaña ye maiche na'alhua, qataq da ỹanagui da nta'a so Gedalías da ilo'ogue somayepi.

Jeremías 38:26

Qalaxaye 'am qome nacherata da 'aua'axatem namayepi da aỹem 'auanaua'a da aỹem 'anachoxonnot da saishet da qaltaq 'am samaxa ye lma' so Jonatán, da yaqto' saishet da 'aleuaña yemaye.

Jeremías 37:20

Ñaq aỹem 'ana'axaỹaxana nagui 'am nta'a qataq 'auasateguet de'era iquiquiaxac maye 'am sanem: Saishet qome da aỹem 'auasheeta da qaltaq aỹem qaỹe'eguelaxata ñi lma' ñi Jonatán maye neraxanaxanec, ten qom seleuaigui ñimaye.

Jeremías 37:15

Nache somayepi ỹataqta dalemataỹa co'ollaxa so Jeremías, nache damaxasoxoolec da qaiuaxan, qataq qaicoñe', qoỹanaigui so lma' so neraxanaxanec Jonatán, som qaỹo'otchigui co'ollaxa da ncoñetaxanaxaqui.

Esdras 2:2

Qaq so nnaictague'pi so Zorobabel: Josué, Nehemías, Seraías, Relaías, Mardoqueo, Bilsán, Mispar, Bigvay, Rejún qataq so Baná. Qaq 'ana ana le'enaxat lmalate somayepi:

1 Crónicas 11:30

Maray, som Netofa le'ec, Jéled som llalec so Baná, maye nataqa'en Netofa le'ec,

1 Crónicas 2:54

Qaq so llalaqpi so Salmá le'enaxat, Belén, netofatiitapi, Aterot Bet Joab, qataq som laỹepi maye tachiguingui na laiñi so manajatiitapi, soreiitapi,

1 Crónicas 2:48

Qaq aso Macá, maye ỹaqauga lhua so Caleb, nachaso aso late'e so Seber qataq so Tirjaná.

2 Reyes 25:25

Qalaxaye huetoigui co'ollaxa so ca'agoxoic siete, co'ollaq nvita yi'iye 'alhua so Ismael, som llalec so Netanías, qataq laual so Elisama, maye chegoxoguet so nta'alpi ye Judá, nache somaye nnaictague' co'ollaxa so diez ỹalleppi, nache somayepi ntoxonalec da ỹalauat so Gedalías, qataq som Judá le'ecpi, qataq so caldeopi maye itauaatac somaye, huaña ye Mispá.

2 Reyes 25:23

Nache so lataxala'pi so alleppi ye Judá, qataq som nalleppi, co'ollaq la'axaỹaxac de'era, nache taỹa ye Mizpá, da yaqto' na'aqtaxane' so Gedalías. Qaq 'ena na le'enaxat somayepi, Ismael som llalec so Netanías, Johanán som llalec so Careaj, Seraías som llalec so Tanjumet, maye Netofa le'ec, qataq so Jazanías som llalec som ỹale maye Macá le'ec. Qaq somayepi, nache nnaictague' so nalleppi.

2 Samuel 23:34

qataq so Elifelet, som llalec so Ajasbay maye llalec so Macá, qataq so Elián, som llalec so Ajitofel, maye lma' ye Gilo,

Jeremías 40:13

Qaq so Johanán som llalec so Careaj, qataq 'enauac so laỹepi lataxala' so alleppi maye huetauga na no'onaxa, taỹa ye Mispá da yaqto' nauane' so Gedalías,

Jeremías 40:14

nache 'enapega somaye, 'eeta': ¿Saishet peta'a da 'auaỹaten da ñi nta'a Baalís maye lma' ye Amón, da namaq so Ismael som llalec so Netanías, da yaqto' 'am ỹalauat? Qalaxaye so Gedalías saishet da ỹa'amaqten somayepi

Jeremías 40:15

Qaq huaña nache so Johanán, ỹoxotchiguiñi da 'enapega so Gedalías, 'eeta': Aỹem 'aua'aqta'a qome da ñeqo'ona da salauat so Ismael. Qaq saishet qome da huo'o ca ỹaỹaten da negue't cam ỹo'ot de'era. ¿Ta'ainco' taxa da sa'axasoqta'a somaye da 'am ỹalauat? cha'aye damaye ỹo'ot qome da nlagaxattac na Judiopi maye 'am datato'ot, qaq huaña qome nache nataqa'en nlaguiñi nam ñaq huo'o na Judá.

Jeremías 41:1

Qaq so ca'agoxoic siete, nache so Ismael som llalec so Netanías qataq laual so Elisama maye chegoxoguet som llalaqpi so nta'a, jec da taỹa ye Mispá da yaqto' detaxaỹapegue' so Gedalías, qaq somaye nnaictagueto soua diez ỹale't. Qaq huaña ye Mispá, nache co'ollaq ñaq deque'eta'ape,

Jeremías 41:2

nache so Ismael qataq soua diez ỹale't maye nnaictagueto nachaayiñi nache iroleguete so ỹeelonec da ỹalaua't so Gedalías, maye so nta'a ye Babilonia co'ollaxa da ỹanagui da nta'a da ilo'ogue na lma' ye Judá.

Jeremías 41:11

Qaq so Johanán som llalec so Careaj, qataq som lataxala'pi so alleppi maye nnaictague' somaye, la'axaỹaxac co'ollaxa dam nleuaxa maye ỹo'ot so Ismael,