Jeremías 40:5 - La'aqtaqa Ñim Lo'onatac 'Enauacna 2013

⁵ Qaq da 'auauotaique da 'avi'eguelaq, nache 'avi'eguelaxa ñi Gedalías maye llalec so Ahicam qataq laual so Safán, maye ñim nta'a ye Babilonia ỹanagui ñimaye da nta'a, da ilo'ogue ye huaqta'a't nỹecpi maye ỹotta'a't naua nañalo ye Judá, nache qono'ot qome ñimaye qataq ye maiche 'aralamaxat 'arhuo' le'ecpi. Qaq 'anqo'ona qome cam 'arauela.» Ime, nache so lataxala' na alleppi ỹauo'o so nme qataq so aloq so Jeremías, ime nache ncoyeguene'.

Jeremías 40:5 Referans Kwoze

Jeremías 39:14

damaxasoxoolec da qanqateeguesop so Jeremías so qasoxoc maye nauanaxanaqa', nache qaipataxaguet so Gedalías som llalec so Ahicam qataq laual so Safán da yaqto' ỹauega so Jeremías so maiche lma'. Qaq 'era da 'eetec da so Jeremías ỹe'eguelaxa da netaigui se'eso huaqta'a't nỹecpi.

Jeremías 41:2

nache so Ismael qataq soua diez ỹale't maye nnaictagueto nachaayiñi nache iroleguete so ỹeelonec da ỹalaua't so Gedalías, maye so nta'a ye Babilonia co'ollaxa da ỹanagui da nta'a da ilo'ogue na lma' ye Judá.

Hebreos 13:6

Qaq ỹoqo'oye seshetaq da she'eguelaxataqtalec qataq sauoqo'o da qanaquitaxac dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Qaica ca she'etaique. Cha'aye qaica ca ishet da huo'o ca aỹem ỹo'otec qauem cha'aye Ñim Lo'onatac 'Enauacna aỹem itauaatac.»

Hechos 28:10

Nache somayepi ỹataqta qalota da llo'oxonnataxanaxac da shenaqta. Qaq can ime, nache qaltaq qolaq, nache somayepi qomi' ỹanema 'enauac na qarhuenec de'era qoyecỹaxac.

Hechos 27:43

Qalaxaye som lta'a so huataxanaqpi huotaique da nca'alaxatec so Pablo, nache saishet da ỹashenem somayepi da dalaataxan; chaqrata da ỹan da la'aqtac da ca ỹaỹaten da laloxonaxac, nache ishet da hua'auta'ata so 'alhua da daloxoota.

Hechos 27:3

Qaq so lỹa na'a'q, nache seviraxa ye ñegaxasom le'enaxat da Sidón. Qaq yemaye nache huaña da so Julio ỹataqta ỹaỹamaxatta so Pablo, nache ỹasheetem somaye da yaqto' namaqtega na nauochaxauapi maye lma' ye Sidón, qataq ỹasheeta da somayepi ishet da itauan so Pablo.

Jeremías 40:4

Ñaq 'aulogui nagui da aỹem ñeqat na 'arquet lcat maye 'ancoñetaxat. Qaq 'am da 'auauotaique da aỹem 'auca'ategue da saxague da Babilonia, nache qolaq, qaq aỹem 'am selo'ogue qome. Qalaxaye da saishet da aỹem 'auca'ategue, nache qaica ca 'eetec da 'ano'onañi. Cha'aye 'ena nam 'alhua, qaq maicheye ca 'arauela da 'anqo'ona da qonaña.

Jeremías 26:24

Qaq so Ahicam, som llalec so Safán, detaqa co'ollaxa da npaxaalec so Jeremías, nache somaye ỹo'ot da saishet da qoỹaneguet somaye so nhuo' le'ecpi da ỹalauat.

Jeremías 15:11

Qaq ñaq ipacchigui qome nam qauem la'aqtacpi namayepi, da 'Am Nataxala' saishet da ỹaỹamaqchiguiñi da ỹo'onataxanaxac da 'am so'onataxaatacot, qataq da saishet da 'am seỹaxaatacot co'ollaxa da 'anqouaguec nam ñepa'aguenaxauapi, co'ollaq huaigui da qauem qataq laquicoxo.

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Da na'aqtaguec so Job 22:29

Cha'aye Ñim Lo'onatac 'Enauacna huetaiya' naqa'en ca ño'oxonnaxaic qataq nauaxaỹaxaasheguem ca sa na'amaqten.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Esdras 7:27

Qaq da natamnaxac so Esdras, 'eeta': «Ỹataqta qaỹo'oxoren qome Ñim Nataxala', maye Natamnaxala' so hua'au qarta'alpi, cha'aye Ñimaye ỹanem da no'on lquiyaqteỹaxac ñi nta'a, da ỹe'eguelaxatem da lyacỹaxac añi atamnaxaqui maye lalamaqte Ñim Nataxala', maye naña ye Jerusalén.

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

2 Crónicas 34:20

nache sanaỹaloxon da 'enapega so Hilcías, qataq so Ajicán, som llalec so Safán, qataq so Abdón, som llalec so Micaías, qataq so Safán maye neraxanaxanec, qataq so lamaxashec Asaías, 'eeta':

2 Reyes 22:14

Nache so Hilcías, qataq so Ajicán, Acbor, Safán, qataq so Asaías, nqo'oora co'ollaxa aso na'aqtaxanaxana Julda, asom lhua so Salún, maye llalec so Ticvá, som laual so Jarjás, maye ilotague' aso laỹe' so nogoxotpi asa'aso atamnaxaqui. Qaq aso Julda, netaña co'ollaxa so dalaxaic nỹecpi, maye naigui so huaqta'a't nỹecpi ye Jerusalén, nache na'aqtaxaatrague' co'ollaxa,

2 Reyes 22:12

nache sanaỹaloxon da 'enapega so Hilcías, qataq so Ajicán, som llalec so Safán, qataq so Acbor, som llalec so Micaía, qataq so Safán maye neraxanaxanec, qataq so Asaías, maye 'amaqtaqaic lataxala' so nalleppi so nta'a, 'eeta':

Jeremías 41:1

Qaq so ca'agoxoic siete, nache so Ismael som llalec so Netanías qataq laual so Elisama maye chegoxoguet som llalaqpi so nta'a, jec da taỹa ye Mispá da yaqto' detaxaỹapegue' so Gedalías, qaq somaye nnaictagueto soua diez ỹale't. Qaq huaña ye Mispá, nache co'ollaq ñaq deque'eta'ape,

Jeremías 41:18

da yaqto' naneltaxaneguet so caldeopi, cha'aye huo'o da lcolanaxa souaxat da so Ismael ỹalauat so Gedalías, maye so nta'a ye Babilonia ỹanagui co'ollaxa da nta'a da ilo'ogue yi'iye 'alhua.