Jeremías 40:12 - La'aqtaqa Ñim Lo'onatac 'Enauacna 2013

¹² Qaq nache 'enauac somayepi ñe'eguelaq ye Judá, chegoqchiguiña nam 'alhuapi maye taỹa co'ollaq nlagaxattac, huaña nache nachaateua'a so Gedalías maye hueta'a ye Mispá. Qaq nataqa'en somayepi huapegue' da ỹaỹamaxat nam lataxa, qataq nam qalota ala na nañiguishec.

Jeremías 40:12 Referans Kwoze

Jeremías 43:5

Maye nacherata da so Johanán, qataq 'enauac som lataxala'pi so alleppi laỹona't som saq 'amaqtaq laỹepi shiỹaxauapi maye ñaq hueta'a ye Judá, qaq somayepi nacheso som laguelec co'ollaxa na laỹepi 'alhuapi, maye ñe'eguelaxa ye Judá da yaqto' qaltaq naña yemaye;

Proverbios 27:25

Cha'aye da ivita da ñaxat na 'auaqpi, qataq darala ana lañaxataxai, qataq da qalaỹona't na 'auaqpi maye huaigui na aviaq,

Isaías 16:9

Qaq ỹoqo'oye nagui ñeỹen souaxat yem uva lma'pi ye Sibemá, qataq ye Jazer, qataq secoldec naua ỹache' souaxat ye Hesbón qataq ye Eleale, cha'aye da ivita da qanqat na ala na nañiguishec, qalaq nda'a't da na'alaxac da alaataxac qaỹa'aqtega.

Jeremías 40:10

Qaq aỹem sonaña na Mispá da yaqto' aỹem qartaxaỹaxanaxañequi da sepa'aiguet na caldeopi da nvita ne'ena. Qaq qami' qalaq qavi'iguelaqỹa nam nỹecpi maye qauacoñiỹa, nache qoviỹapegue' da qauaỹamaxache na lataxa, qataq na ala na nañiguishec qataq na aceite.»

Jeremías 40:13

Qaq so Johanán som llalec so Careaj, qataq 'enauac so laỹepi lataxala' so alleppi maye huetauga na no'onaxa, taỹa ye Mispá da yaqto' nauane' so Gedalías,

Jeremías 41:10

Qaq co'ollaq ime nache so Ismael ỹaconeua'a da icoñi' asom llalpi so nta'a, qataq som shiỹaxauapi maye no'onalec co'ollaxa ye Mispá, som shiỹaxauapi maye so Nabuzaradán, ipataxalec co'ollaxa so Gedalías da ilo'ogue. Nache so Ismael icoñi' somayepi, qaq huaña nache jec, qalaq lhuennataxac co'ollaxa da taỹa yem na'alhua na Amón le'ecpi.

Jeremías 44:18

qalaxaye chegoqta'a co'ollaq saxanaxañi da sanaqtacot na qarchenaxanaxat maye ama na laita, qataq na qarachetaqtaxanaxat lataxa, añim Nate'e na Piguem, nache huo'o da lta'araic qarhuenaxanaxa, qataq so qarhuo' le'ecpi ilem na lqouaxa, qataq ileuaigui so alaataxac.

Ezequiel 34:6

Anamayepi laguelec 'enauac ana qasoxonaxapi, qataq ana qaỹoqotcheguemec lcomaraxalatepi, laguelec 'enauac ana 'alhua, nache qaica ca qochetega da nmittaique.