Jeremías 40:11 - La'aqtaqa Ñim Lo'onatac 'Enauacna 2013

¹¹ Qaq nataqa'en na judiopi maye hueta'a ye Moab, Amón, Edóm, qataq na hueta'a na laỹepi 'alhuapi la'axaỹaxac co'ollaxa, da so nta'a ye Babilonia ỹasheetem na judiopi da huo'o na no'onaña ye maiche na'alhua, qataq da ỹanagui da nta'a so Gedalías da ilo'ogue somayepi.

Jeremías 40:11 Referans Kwoze

Isaías 16:4

Ñaq 'aua'aqta'a da 'am ỹe'eguenot nam 'eltaxaicpi maye chegaqa'a ye Moab, 'ampaxaalec qome da 'auataỹa'aguet nam huotaique da ilaxachigui namayepi.» Qaq qom ime de'era que'eenaxac qataq vi'iiguet da nlaqtaguec namayepi, qataq ca'ai nam 'alhua som nlaxatteguiñi namayepi,

Ezequiel 35:15

'Am 'auamachiguiñi co'ollaq qailaxachigui ye 'alhua maye lalamaxat na Israel le'ecpi, qalaxaye nache qoneta'am qome da 'am toolec 'am qasoxonaxa Seír, maye qonetaigui ye 'alhua Edom. Qaq huaña qome, nache namayepi ỹe'eguelaxa da Aỹem ỹauatton da Aỹem Nataxala'.

Ezequiel 35:5

'Am chochaq tatec co'ollaxa da 'ampa'aguenaxaua na Israel le'ecpi, qataq 'auloquiaxaatac co'ollaxa namayepi, co'ollaq talec so pa'atec nhuaxanaguec souaxat na lasouaxashet.

Ezequiel 25:12

Aỹem Nataxala' shenapec: Ye Edom ỹauo'o co'ollaxa da lvi' da ỹe'eguelaxateguet ye Judá, qaq damaye nachera da ỹo'ot da lta'araic lasouaxashet.

Ezequiel 25:8

Aỹem Nataxala', shenapec: Ye Moab qataq ye Seír, 'eetega 'eeta'am naxa na laỹepi ỹotta'at shiỹaxauapi ye Judá.

Ezequiel 25:6

Qaq Aỹem Nataxala', shenapec: Qami' Amón le'ecpi qauaxañiita'a't co'ollaxa naua qarhuaxayilli' qataq qauparenaxañeetai' souaxat da qantonaxaqui, nache qavi'iñiitac na Israel le'ecpi.

Ezequiel 25:2

«'Am shiỹaxaua 'auamata'a ye Amón le'ecpi, nache 'aua'axata'a dam talec qome yemayepi.

Ezequiel 5:12

'Oonolec naua tres lpa'axaco na nhuo' le'ecpi maye 'am netaigui, ca ilem qome ca napiina, qataq ca nqouaxa, qaq ca lỹa caua tres lpa'axaco qalaq huaugalo naua loiguiye da ỹalauat ca 'ampa'aguenaxauapi, qaq ca lỹa caua tres lpa'axaco maye no'onañi qalaq selagaxaalec qome 'enauac ana 'alhua. Qaq Aỹem sauota'a qome ca ỹainec da secanapec namayepi.

Ezequiel 5:3

Qataq 'auaconalo caua sa 'amaqtache que'eca 'araue, nache 'acoñeraua'alo naua laỹel aca 'arpoto.

Jeremías 24:9

Qataq so'otec qome namayepi, cam ỹataqta ỹo'ot da lli'iỹaxa 'enauac nam ỹotta'a't shiỹaxauapi ana 'alhua, qataq namayepi qaica qome ca 'enec qanqa'en, qataq saqaỹaconeguet, qataq qauem qome ca talec 'enauac nam 'alhuapi maye selagaxaalec namayepi.

1 Samuel 12:12

Qalaxaye qami', co'ollaq qauloỹa'a da so Najás, so lta'a so amoniitapi, da huotaique da qami' iloquiaxa'n, nache aỹem qauỹaxañiỹot da sauo'o ca nta'a da qami' ilo'oguelo, qamaq ñi qarta'ai nacheñi Ñim Nataxala' maye Qanatamnaxala'ai.

1 Samuel 11:1

Qaq so Najás maye lataxala' so amoniitapi, somaye nqo'ona ye Jabés maye huaigui ye Galaad, nache ỹaqataxanai' so nalleppi da huotaique da iloquiaxan so lma' se'eso huaqta'a't nỹecpi. Qalaxaye som lma' ye Jabés 'enapego' somaye, 'eeta': 'Onaxaictaxa da qomi' 'anaỹamaxateto, nache 'am ñañanqot qome.

Números 25:1

Qaq so Israel le'ecpi co'ollaq netaña ye Sitín, nache so ỹalleppi ca'ata naxa da nquishestague' aso Moab lashepi,

Números 22:1

Qaq so Israel le'ecpi qaltaq jec co'ollaxa, nache naña ye nalochiguiñi 'alhua ye Moab, maye pa'aỹa'ague da nala' lliguisheguem ye Jordán qataq nalotta ye Jericó.

Génesis 36:8

Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

Números 25:2

qaq asomayepi, nache ỹauec co'ollaxa se'eso ỹalleppi da ỹanot na lachetaqtaxanaxat so natamnaxala'pi asomayepi. Nache so Israel le'ecpi nhuanaua'a de'era nquia'axac, qataq natamnot na natamnaxala'pi so Moab le'ecpi,

Isaías 11:14

Maye nacherata da ntauna't qome da dataira'aguet ye Filistea le'ecpi maye pa'aỹa'ague da nala' lliguiñi; qataq huaxaỹa't qome da deuotaxanec da lsallaxa yem pa'aỹa'ague da nala' lliguisheguem, qaq da la'añaxac ivira'a qome ye Edom qataq ye Moab, qataq ivira'a da choche ỹamaqtac qome ye Amón le'ecpi.

Jeremías 9:26

Ye Egipto, Judá, Edom, Amón qataq ye Moab, qataq 'enauac nam netalec ye toolec 'alhua maye npetec naua lqaic laỹel. Cha'aye 'enauac yi'iye nhuo' le'ecpi qataq nataqa'en 'enauac nam nhuo' Israel le'ecpi, da ỹataqta 'eesa da saq ỹataq na natamnot.

Jeremías 41:10

Qaq co'ollaq ime nache so Ismael ỹaconeua'a da icoñi' asom llalpi so nta'a, qataq som shiỹaxauapi maye no'onalec co'ollaxa ye Mispá, som shiỹaxauapi maye so Nabuzaradán, ipataxalec co'ollaxa so Gedalías da ilo'ogue. Nache so Ismael icoñi' somayepi, qaq huaña nache jec, qalaq lhuennataxac co'ollaxa da taỹa yem na'alhua na Amón le'ecpi.

Jeremías 43:5

Maye nacherata da so Johanán, qataq 'enauac som lataxala'pi so alleppi laỹona't som saq 'amaqtaq laỹepi shiỹaxauapi maye ñaq hueta'a ye Judá, qaq somayepi nacheso som laguelec co'ollaxa na laỹepi 'alhuapi, maye ñe'eguelaxa ye Judá da yaqto' qaltaq naña yemaye;

Ezequiel 34:6

Anamayepi laguelec 'enauac ana qasoxonaxapi, qataq ana qaỹoqotcheguemec lcomaraxalatepi, laguelec 'enauac ana 'alhua, nache qaica ca qochetega da nmittaique.

Jeremías 43:6

qaq damaye, 'eeta': ỹalleppi, 'alpi, ñaqpiolec, qataq asom llalpi so nta'a, qataq 'enauac som shiỹaxauapi maye so Nabuzaradán, som 'amaqtaqaic lataxala' so nauaatalecpi so nta'a, ipataxalec co'ollaxa da ilo'ogue so Gedalías, qaq nataqa'en ỹalectauo naqa'en so Jeremías, qataq so Baruc.