Jeremías 40:1 - La'aqtaqa Ñim Lo'onatac 'Enauacna 2013

¹ Ñim Nataxala' detaxaỹot so Jeremías co'ollaq so Nebuzaradán maye lataxala' nam nauaatalec so nta'a, mashe ime da isouec so Jeremías huaña ye Ramá, cha'aye so Nebuzaradán ilalec somaye da ỹalectaigui som shiỹaxauapi maye lma' ye Jerusalén qataq ye Judá maye qaỹauecpi co'ollaxa qaỹauega ye Babilonia da qaicoñe'.

Jeremías 40:1 Referans Kwoze

Efesios 6:20

Cha'aye So Qarataxala' aỹem ỹamaq da sa'axat de'era 'eetapeguec, qaq nachera da huo'omshe aỹem qaicoñettai' nagui. Qaq ỹoqo'oye qauỹaxañiỹot qome Ñim Lo'onatac 'Enauacna da yaqto' aỹem ỹami' ca ỹa'añaxac, yaqto' qaica ca she'etaique da sa'axat da no'on na'axaỹaxac.

Hechos 21:13

Qalaxaye so Pablo 'enapec: –¡Saishet da qanỹiñiitac, cha'aye da nache qoñiita'ac de'era, nache aỹem qauaquicoqchichi! Aỹem ỹataqta sauotec So Qarataxala', qaq ỹoqo'oye aỹem lhuotta. Qaica ca shectega da aỹem qaicoñe', qataq na'aictaxa da seleualec Somaye da huaña ye Jerusalén.

Jeremías 31:15

Ñim Nataxala' 'enapec: «Huo'o da qaỹa'aqtega na'alaxac chemaqtegueña ye Ramá, noinaxac maye ỹataqta daquicota. Qaq nachañi añi Raquel, nỹeeteguelec so llalaqpi, qaq saishet da ỹaỹamaxaren da qaicochaq, cha'aye mashe ileu 'enauac somayepi.»

Josué 18:25

Nataqa'en ye Gabaón, Ramá, Berot,

Hechos 28:20

Qaq nachera da huo'omshe qami' seỹaxaneugalo, da yaqto' qami' ñauaneto, qataq qami' setaxaỹapegueto. Cha'aye nachera dam 'enauac qanaquitaxac qomi' Israel le'ecpi, da huo'omshe aỹem qaicoñetta'aque ne'enaua ique'ete.

Salmos 107:16

Ñimaye inoxonguilo co'ollaxa na lasompi maye chegaqaigui na bronce, qataq ỹacagaxachiguilo naua lca'ache lta'al.

Salmos 68:6

Ñim Lo'onatac 'Enauacna ỹanem ca lma' ca ndogoñi shiỹaxaua, qataq huesouec naqa'en ca ncoñeteguishec, nache ỹanem da qaica ca iueetac. Qalaxaye ca saỹalaq qalaq netalec naqa'en, ca 'alhua maye qaica ca ñaxaalec.

1 Samuel 7:17

Qaq naxa da ime, nache ỹe'eguelaxa ye Ramá, yem naña so lma'. Qaq nache netaña yemaye da ilotague' so Israel le'ecpi. Qaq nataqa'en nache naña naqa'en yemaye aso nauaxaỹaxaasheguem nca'atoxonaxalate da yaqto' lalamaqte Ñim Nataxala'.

Jeremías 39:9

Qaq pa'atec nache so Nebuzaradán maye lataxala' na nauaatalecpi so nta'a, ỹauega ye Babilonia da icoñi' som no'onañipi co'ollaxa maye hueta'a so huaqta'a't nỹecpi qataq som huaxaiguet co'ollaxa so caldeopi, qataq 'enauac so nhuo' le'ecpi.

Ezequiel 33:21

Qaq co'ollaq mashe ivi' soua doce vi'iye da qomi' qaicoñettai'salo, nache so na'a'q cinco so ca'agoxoic diez, nache huo'o so ỹale maye datauec co'ollaxa chegaqa'a ye Jerusalén, anac nache aỹem da'aqtaxanem da ye huaqta'a't nỹecpi ye Jerusalén da loxonec so pa'aguenaxauapi.

2 Crónicas 16:1

Qaq co'ollaq ivi' treinta y seis vi'iye da nta'a so Asa, nache so Basá maye nta'a ye Israel, nqo'ona da iloquiaxan ye Judá, nache ỹo'ot so lpaqtaxat ye Ramá, yaqto' qaica ca ishet da nqo'ona da na'aqtaxane' so nta'a Asa, maye nta'a ye Judá.

Jeremías 42:7

Qaq co'ollaq inoxoorec soua diez na'axa'te, nache Ñim Nataxala' detaxaỹot so Jeremías,