Jeremías 4:8 - La'aqtaqa Ñim Lo'onatac 'Enauacna 2013

⁸ Qaq ỹoqo'oye qaỹa'añiiyiñi qome naua qo'ogolli' maye sansattegueta, qanỹeñi qataq qana'alaqaitapiguiñi souaxat da qanqui'iqui, cha'aye dam 'ettaigui layeloxo Ñim Nataxala' saishet da qomi' ca'aisalo.

Jeremías 4:8 Referans Kwoze

Jeremías 6:26

¡Qami' ỹalamaxat nhuo' le'ecpi, qaỹa'añiiyiñi qome naua anogo maye sansattegueta, maye la'anaxat da qanqui'iqui, qataq qanviñingui qome na alo, qataq qaỹa'añiiyiñi naua anogo maye nasouaxaqui', qataq ỹataqta qanỹeñi souaxat da qaraquicoqoi, 'eeta'am da 'eetec da ileu ca 'oonolec ñalec, cha'aye cam qomi' ilaxachiguilo qome mashe sa qaỹaloq da anac da qomi' iloquiaxa'n!

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Isaías 32:11

Qami' 'alpi maye qaica ca qarhuogoqoi, ña qaviloxolli qome, qami' maye qaica ca qandaqaitaique, ña qami' cholaxa'n qome, qanqache' qome naua qarpotolli' nache qaỹa'añiiyiñi caua qarpotolli' maye sansattegueta maye la'anaxat da qanqui'iqui.

Isaías 10:4

Da saishet qome da nman nache qaỹauec da qaicoñe' qataq cañe' qanqa'en cam qaỹalauatpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 5:25

Qaq ỹoqo'oye Ñim Nataxala' dalemataỹa na lalamaxat nhuo' le'ecpi souaxat de'era, nache nauaxaỹaxaasheguem qome na lhuaq da yaqto' iuaxan namayepi. Qaq ana qasoxonaxapi qalaq cholaxan qome qaq na leuaxaicpi qalaq 'eeta'am ca lasogoñi da huetaiya' huetangui na nqa'aicpi. Qalaxaye da layeloxo Ñim Nataxala' saishet qome da vi'iiguet, nache queto'ot da lasauaqtaxanaxac.

Amós 8:10

Nache que'eca laloxoquipi na nquia'axacpi, qalaq nmeneguet ñaqa'en da qanỹeetapeguelec na leuaxaicpi, qaq da no'onaxanaxac qalaq nmeneguet ñaqa'en da achoxonnaxac, qataq so'ot da qaỹa'añiiñi na nogoxot nasouaxaqui, qataq da qanamarec naua qarqaigolli' souaxat da qanqui'iqui. Qataq qanoỹeñiitac qoñiita'am ca shiỹaxaua da ileu ca ỹataqta 'oonolec llalec, qaq da ime nache ỹataqta lta'araic que'eca qanqui'iqui.

Ezequiel 30:2

«'Am shiỹaxaua 'auachegoxotchigui da ỹe'enaxat da 'aua'aqtaxan, nache qoneta': Da la'aqtac Ñim Nataxala', 'eeta': Qana'alaqaiñi qome souaxat ca na'a'q

Ezequiel 21:12

Qaq 'am shiỹaxaua, ¡'aua'alaq qome qataq 'anỹen souaxat da 'anqui'ic, cha'aye ca ỹeelonec taỹa'a da ỹalauat na ỹalamaxat nhuo' le'ecpi, qataq 'enauac na nta'alpi ye Israel! Namayepi taỹa'a da qaỹalauat, lỹangui' na ỹalamaxat nhuo' le'ecpi, qaq ỹoqo'oye 'anhuaxaata'a qome ana 'artogue souaxat da 'anqui'ic.

Jeremías 48:20

Ye Moab huo'o da la'agaxa, qataq nlaxagui da lcolanaxa. ¡Ñaq qaualaqai, qataq qanỹeñiilec yemaye! ¡Qaua'aqtaxañim ye Arnón da ye Moab ỹataqta dolachigui!»

Jeremías 30:24

Da layeloxo Ñim Nataxala', saishet qome da vi'iiguet, choche ivitta'a da imatta da ỹo'ot nam 'eetapeguecpi. Qaq anacta cam na'a'q maye huaigui da qami' qauaỹachiñi qome de'era.

Isaías 13:6

Ña qanỹeñi qome, cha'aye mashe saqaỹapeque cam na'a'q maye lviraxaqui Ñim Nataxala', qom nvi' camaye nache qami' nlaxaayiñi Ñim Qaica ca Ỹaqalanapec.

Isaías 9:21

So Manasés delogui' qome so Efraín, qaq so Efraín delogui' so Manasés, ime nache soomaye huaxaỹa't da iloquiaxa'n ye Judá. Qalaxaye ñaqaiyeta, da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 9:17

Qaq ỹoqo'oye Ñim Nataxala' saishet co'ollaxa da ỹauotec na nsoxoppi, qataq saishet da ichoxoreetac na saploqpi qataq ana pa'aipi. Cha'aye imauec ne'ena nhuo' le'ecpi da qauemaicpi, qataq qauema naua la'aqtaqa 'enauac namayepi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 9:12

Qaq chegoqtegue da nala' lliguisheguem so siiriopi, qataq chegoqtegue da nala' lliguiñi so filisteopi, nache 'eco' 'oonolec da iuoxonañi so Israel le'ecpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Salmos 78:49

Ñim Lo'onatac 'Enauacna namaxa somayepi da lta'araic layeloxo, qaq de'era lalemataic, lhuaxanaxanaxac, que'eenaxac, damaye 'eeta'am ca na'aqtaxanaxanec, maye ỹa'axatta'aguet na que'eenaxaguesat.

Números 25:4

nache Ñim Nataxala' 'enapega so Moisés, 'eeta': «'Alaỹona't qome 'enauac na lataxala'pi na nhuo' le'ecpi, nache sauaachigui 'anqa'en da 'aucoñerasheguem da 'aualauat, qataq 'auachetoigui ca yo'oqchiguiñi na'a'q, yaqto' vi'iiguet da ỹayeloxo maye talec na Israel le'ecpi.»

Lamentaciones 1:12

¡Qami' maye qoquiitague' na nqa'aic, ña qavia'axañeeguet da qarqueuoxoqui nache qauenntaxañeelec, da huo'otaq huo'o ca qui'ic da 'eeta'am dam ñequi'ic, maye ỹauo'o da ỹataqta lta'araic ñeque'eenaxac! ¡Ñim Nataxala' co'ollaq 'eroigui da nnogoxonaxac nache aỹem namaxa de'era ñeque'eenaxac!

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Jeremías 25:34

¡Qami' qagueta lo'opi, ña qaua'alqai qome souaxat da qanqui'iqui! ¡Qami' maye qami' lataxala'ate ana qaguetapi ña qanviñiingui qome na 'alhua! Cha'aye mashe nvi' nam na'a'q maye huetoigui da nalaataxanaxac, qaq qami' nache qami' qaỹalaua't qome qoñeeta'am ca qagueta lhuaraicpi maye chaxaraicpi.

Miqueas 1:16

Qaq qami' maye qarma'ai na Sión, qanamarequiite' qome naua qarqaigolle' souaxat da qanqui'iqui, souaxat nam qaỹa'alquipi maye ỹataqta qarauotaxache, nache ỹataqta qanamarequiite' naua qarqaigolle' nache ivira'a da ỹataqta qami' qui'itaiqa qoñeeta'am ca teguesan, cha'aye na qaỹa'alquipi qaỹauega qome ca ỹaqa'a 'alhua.